1Mgh 20:41 - Hdi

⁴¹ Gi ka kliŋtá tsa anabi ya ta tsa gərzaŋ ma kuma ni ya, ka tsəmaftá mghama la Israʼila kazlay na si sani mataba anabiha ya kəʼa.

1Mgh 20:41 Referans Kwoze

1Mgh 20:38

Ka hbamtá tsa anabi ya tama ta gərzaŋ ma kuma ŋa kwal kul tsəmafta. Ka laghu tsi da nzata ta tsa tvi ksagha mgham Ahav ya.

2Sam 13:19

Ka dzamtá Tamar ta hutiɗif ma ghəŋ, ka kwahiŋtá tsa sɗakwa ni nda wirtsa ya. Ka pghamtá tsi ta dzvu ma ghəŋ ka laghwi nda wahu.

1Mgh 20:40

Tsaw, ta laghu kwalva gha da gugsaku ya ná, ta laghu tsa mndu ya rək! » kaʼa. Ka mghama la Israʼila nda tsi mantsa: « Tsaya gwaɗa gha ra, vərɗa kagha ta tsanaghatá guma ta ghəŋa gha! » kaʼa.

1Mgh 20:42

Ka tsa anabi ya nda tsi tama mantsa: « Wya skwi mna Yawe: Fitika zliŋta gha ta mndu ya faghu yu ŋa zaɗiŋta ya, hafa gha ŋa mbəɗaptá tsa mndu ya, mnduha gha guli, ŋa da manaka mnduha tsatsi, » kaʼa.