1Mgh 18:37 - Hdi

³⁷ Zlghaɗif zlgha ta wi Yawe, zlghaɗif zlgha, kada snaŋta na mnduha na kazlay, kagha Yawe vərɗa Lazglafta, kagha ta vraganaghatá ŋuɗufa taŋ da kagha kəʼa, » kaʼa.

1Mgh 18:37 Referans Kwoze

1Mgh 18:24

Tahula tsa, ka haga kuni ta hga lazglafta ghuni. Iʼi ya guli, dzaʼa hgay yu ta hga Yawe. Tsa lazglafta dzaʼa zlghaftá wi nda vu ya ná, tsaya Lazglafta, » kaʼa. Ka mnduha demdem mantsa: « Zɗa tsa gwaɗa ya, » ka həŋ.

Lukwa 11:8

Ka yu ta mnaghunata ná, dər má laviŋta a tsi ta sliʼiglafta ŋa vlaŋtá skwi ya ta ɗawu tsi, kabga dər má nzakwa ni ka gra ni wu, má dzaʼa sliʼaf sliʼa ka vlaŋtá inda skwi ta kum tsi kada kwala tsi ta gərzləgəlta.

2Rus 14:11

Ka dzuŋtá Yawe ta la Kus ta wa ira i Asa nda la Yuda, ka tatá la Kus ta vgha nda hwaya.

1Mgh 18:36

Ta fitika vla mbəhu ga hawu, ka gavadaghatá anabi Iliya, kaʼa mantsa: « Ari Yawe, Lazglafta Abraham, nda Izak, nda Israʼila! Ka snaŋ sna lu gita kazlay na kagha Lazglafta ma Israʼila, kwalva gha iʼi guli kəʼa. Ta mag manda ya mnaf ka yu ta na skwiha na.

1Mgh 18:29

Hədzikata fitik ma ghəŋ, ka hagəgəltá həŋ ta hga Baghal ka mna wayəm, ha ka lagha ta fitika vla mbəhu ga hawu. Ama snava lwi, dər zlgha wi, dər efʼefa sana skwi wa.

Zlrafta 32:28

« Wa hga gha na? » ka tsa mndu ya ɗawaŋta. « Yakubu, » kaʼa.

Zlrafta 32:26

Kəʼa ka tsa mndu ta wuda nda tsi ya ná, zatá a ta ghwa ta Yakubu ma tsa wuda ta wud həŋ ya wu, ka dzuŋtá tsi ta kwatafiɗakw, ka kwiɗtá tsi.

Zlrafta 32:24

Ka hlaftá Yakubu ta həŋ ka tsghwaɗanaptá tsa ghwa ya ta həŋ. Ka hladaptá tsi guli ta inda skwi ya ta nzakway ka ŋa ni.

1Mgh 18:38

Ka dɗagatá vwa Yawe ta luwa, ka dəghwaɗutá tsa skwa pla ghəŋ ŋa dray tsuh tsuh ya, nda hasuʼu tani, nda palaha tani, nda haɗik tani, ka niʼaftá tsi ta tsa imi ma guɗuk ya.

1Sam 17:46

Gita u na, dzaʼa vla vla Yawe ta kagha ma dzva ɗa. Dzaʼa dza dza yu ta kagha ka tsaghutá ghəŋa gha. Gita u na, dzaʼa vlaŋ vla yu ta sluʼa sludziha la Filisti ta zarakha nda nimtakha. Dzaʼa nda sna inda ghəŋa haɗik kazlay mamu Lazglafta ma Israʼila kəʼa.

2Sam 7:26

Ka ŋla hga gha ŋa ɗekɗek, ka mna dər wati ma mndu kazlay: “Yawe mghama gwal vulu, na Lazglafta la Israʼila kəʼa.” Ka nza la ga kwalva gha Dawuda nda diha ta kəma gha!

1Mgh 20:28

Ka lagha mnda Lazglafta ta vata mghama la Israʼila, kaʼa nda tsi mantsa: « Wya skwi mna Yawe: “Ka la Aram mnata na: Yawe ná, lazglafta ghwáha ya, lazglafta daɓiha a wu, ka həŋ. Dzaʼa vla vla yu ta inda na ndəghata sludziha na ma dzva gha, dzaʼa nda sna kuni kazlay na: Iʼi Yawe, kəʼa,” » kaʼa.

2Mgh 19:19

Ndanana, Yawe, Lazglafta ŋni, katap kata ta aŋni ma dzva Saŋheriv, ŋa snaŋta inda gá mgham ta ghəŋa haɗik kazlay kagha turtuktuk Lazglafta kəʼa, a Yawe! » kaʼa.