1Mgh 17:1 - Hdi

¹ Ka sana anabi ta hgə lu ka Iliya, sana mndu mataba la Tisbe ma kwakwara Gilghat nda Ahav mantsa: « Ta waɗa waɗa yu nda hga Yawe, Lazglafta la Israʼila nda hafu mida, ta maganata yu ta slna: Ma na vakuha ta kəma na ná, haɗta a wuninik wu, haɗta a imi wu, ba ta ɗawaŋta ɗa kasiʼi, » kaʼa.

1Mgh 17:1 Referans Kwoze

Yakubu 5:17

Iliya ná, mndu ya manda va amu. Ka ndiʼatá tsi ka maga duʼa da Lazglafta, ŋa kwala imi kul sagha. Ka kwalaghutá imi ta sagha ta ghəŋa haɗik ka vaku hkən nda tili mkuʼ.

Lukwa 1:17

Ta kəma ta kəma dzaʼa dzaʼa tsi nda slna ni ta kəma Lazglafta nda Sulkum, nda mbraku manda ŋa Iliya ŋa dzranaftá nzakw mataba dadaha nda zwana taŋ, ŋa vranaktá ghəŋa gwal ta maga ghwaɗaka skwi ka ŋərma mnduha. Mantsa ya dzaʼa payafta tsi ta mnduha ŋa fata taŋ ta vgha ŋa Lazglafta, » ka tsa duhwala Lazglafta ya nda tsi.

1Mgh 22:14

Ama ka Mihayhu nda tsi mantsa: « Ta waɗagha waɗa yu nda hga Yawe nda hafu mida, dzaʼa mnay yu ta skwi dzaʼa mnihata Yawe! » kaʼa.

2Mgh 3:14

Ka Ilisa mantsa: « Ta waɗa waɗa yu nda hga Yawe nda hafu mida, mghama gwal vulu ya ta maganata yu ta slna, ka má haɗ yu ta vlaŋtá glaku ta Yəhusafat, mghama la Yuda wu katsi, má haɗ ghuya ɗa nda kagha wu, haɗ yu má dzaʼa walaŋta nghapta ka kagha wa.

Suna Yuhwana 11:6

Mamu həŋ nda mbrakwa haghuta luwa, ŋa kwala imi nzaku ma tsa fitik ta klə həŋ ta lwa Lazglafta ya. Mamu həŋ guli nda mbrakwa mbəɗanafta imi guli ka us. Mamu həŋ nda mbrakwa gaktá ɗaŋwa ta ghəŋa mnduha ta ghəŋa haɗik ma fitik ya kumaŋ həŋ.

La Ruma 11:2

Vziŋ a Lazglafta ta mnduha ni ya zbu tsi daga ghalya wa. Havakwahava ta skwi ya vindaf lu ma deftera Lazglafta ta ghəŋa Iliya, ma fitika tawayni ta taw da Lazglafta ta ghəŋa la Israʼila, kaʼa na:

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Lukwa 9:30

Gi wya mnduha his ta ghwa yiva nda tsi. I Musa nda Iliya tsa mnduha ya,

Mata 7:29

kabga nda sgit ma tsa ŋa ni tagha skwi ya, nza a manda tsa ŋa gwal tagha zlahu ŋa taŋ ya wa.

1Mgh 18:1

Lula fitik mida, ta mahkəna vakwa kwala imi kul sagha, ka gwaɗganatá Yawe ta Iliya: « La da maraŋtá ghəŋa gha da mgham Ahav, dzaʼa nzaga nza yu ta imi ta ghəŋa haɗik, » kaʼa.

Vrafta ta zlahu 10:8

« Ma tsa fitik ya, ka zbaptá Yawe ta mndəra la Levi ŋa kla akwata dzratá wa Yawe, ŋa sladata taŋ ta kəma Yawe ka maganatá slna, ŋa tfay taŋ ta wi ŋa mnduha nda hga ni, manda va ya ta mag həŋ ha gitana ya.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

Lukwa 1:19

Ka tsa duhwala Lazglafta ya zlghanaftá wi mantsa: « Iʼi Gabriyel ya, ta sladu ta kəma Lazglafta ŋa maganatá slna. Tsatsi ta ghunigihata ŋa gwaɗgaghata, ka mnaghatá tsa Lfiɗa Gwaɗa ya.

1Mgh 18:15

Ka Iliya zlghanaftá wi mantsa: « Ta waɗa waɗa yu nda hga Yawe nda hafu mida, mghama gwal vulu ya ta maganata yu ta slna. Gita u na, dzaʼa maraŋtá ghəŋa ɗa yu da Ahav, » kaʼa.

1Mgh 18:10

Ta waɗagha waɗa yu nda hga Yawe, Lazglafta gha nda hafu mida, haɗ mndəra mndu, dər wati haɗik, kul ghunadaptá rvera ɗa ta mndu ŋa paha kagha wa. Ka “Haɗ hadna wu,” ka maliha ma tsa haɗikha ya katsi, pghamta ni ta həŋ da waɗu kazlay na ngha a lu ta kagha wu kəʼa.

Gwal tsa guma 12:4

Ka tskanatá Yifta ta inda zgwana ma Gilghat, ka vulu nda la Ifrayim. Ka zatá la Gilghat ta ghwa ta ghəŋa la Ifrayim, kabga ka la Ifrayim si mnata na: « Kaghuni la Gilghat ta hwayakta da ɗifa mataba la Ifrayim, nda la Mənase guli na! » ka həŋ.

Yuhwana 1:25

Ka ɗawglaŋtá həŋ da Yuhwana, « Wana *Kristi a iʼi wu ka ka, ta Iliya a yu wu ka ka, anabi a yu wu ka ka guli, ŋaw ta maga ka ta batem ɓa? » ka həŋ nda tsi.

Yuhwana 1:21

« Tsa wa kagha ɓa? Iliya ka rki? » ka həŋ nda tsi. « Va ni a iʼi wu, » ka Yuhwana nda həŋ. « Anabi ka rki? » « Va ni a iʼi wa. »

Lukwa 9:54

Snaŋta gwal his mataba tsa duhwalha ya, i Yakubu nda Yuhwana ta tsa gwaɗa ya, « Maləma ɗa! Va a ka ta ɗawaŋta ŋni da Lazglafta ŋa zligiŋtani ta vu ta luwa, ka zaɗanata tsi ta həŋ ra? » ka həŋ.

Lukwa 9:33

Ma fitika dgay tsa mnduha ya ta vgha nda Yesu, ka Piyer nda Yesu mantsa: « Maləma ɗa! Ɗina ka nzakwa mu hadna, ka magaf maga ŋni ta həga tumpul hkən. Pal ŋa gha, pal ŋa Musa, pal ŋa Iliya! » kaʼa. Tsaw, snəgla a Piyer ta skwi ta mnə tsi wa.

Mata 27:49

« Zlaŋ zla ka ngha mu, ka dzaʼa sagha sa tsa Iliya ya da mbanafta, » ka sanlaha.

Mata 27:47

« Wya ta haga Iliya, » ka tsa gwal ta snay hada ya.

Mata 16:14

« Yuhwana mnda maga batem ya, ka sanlaha ta mnay. Iliya ya, ka sanlaha. Yirməya ya, ka sanlaha. Sana anabi ya, ka sanlaha, » ka həŋ nda tsi.

Mata 11:14

Ka ta kumay kuni ta snaŋta katsi ná, Yuhwana tsa Iliya dzaʼa vragaghata ya.

2Mgh 5:16

Ka Ilisa zlghanaftá wi mantsa: « Ta waɗagha waɗa yu nda hga Yawe nda hafu mida, ya ta maganata yu ta slna, haɗ sana skwi ta tsuʼafta yu wu, » kaʼa. Ka mbərhu Naghamaŋ kabga ŋa tsuʼafta ni, ama ka kwalaghutá tsi.

1Mgh 17:2

Ka gwaɗganatá Yawe ta Iliya:

1Mgh 17:12

Ka tsa marakw ya zlghanaftá wi mantsa: « Ta waɗa waɗa yu nda hga Yawe, Lazglafta gha nda hafu mida! Haɗ skwi da lu nda da da iʼi wu, ta ghəŋa hpu zluk ma dzvu ta kwatahpu yeya da iʼi, nda rɗi kiʼa ma hwarak. Wana yu ta tska nivi, laba ɗa dzagha ya, ŋa data ɗa ŋa ŋni nda zwaŋa ɗa, ŋa zuta ŋni. Tahula tsa ŋa rwuta ŋni, » kaʼa.

2Mgh 1:3

Ama ka duhwala Yawe nda Iliya mnda la Tisbe mantsa: « Sliʼaf sliʼa ka ŋla ka da guyaku nda gwal ghunay mghama Samari, ka mnanata ka ta həŋ: “Haɗ Lazglafta ma Israʼila kəl kuni ka dzaʼa da kwarahay da Baghal Zəbuv, lazglafta la Ghekruŋ wu rki na? ka ka.

2Mgh 5:20

ka Gehazi, duhwala Ilisa, mnda Lazglafta ma ghəŋa ni mantsa: « Wana zliŋta daŋahəga ɗa ta Naghamaŋ, tsa mnda la Aram mantsa ya, ka kwalaghuta tsuʼaftá tsa skwi hlak tsi ya. Ta waɗa waɗa yu nda hga Yawe nda hafu mida, dzaʼa hwayiŋtá yu, ka tsuʼata yu ta tsa skwi da tsi ya, » kaʼa.

2Rus 6:26

Ka lagha luwa ka ghwaluta, haɗ imi wu, kabga vəl gaghata taŋ ta dmaku, ka mag həŋ ta duʼa nda təv na vli na, ka zləzləva hga gha, ka mbəɗana mbəɗa həŋ ta hul ta dmakuha taŋ, kabga tsanaghata gha ta guma ta həŋ katsi,

1Mgh 8:35

Ka lagha luwa ka ghwaluta, haɗ imi wu, kabga vəl gaghata taŋ ta dmaku, ka mag həŋ ta duʼa nda təv na vli na, ka zləzləva hga gha, ka mbəɗana mbəɗa həŋ ta hul ta dmakuha taŋ, kabga tsanaghata gha ta guma ta həŋ katsi,

2Mgh 4:38

Ka vraghatá Ilisa da Gilgal. Tsaw mamu maya ta tsa haɗik ya. Ma sana fitik, ta nzaku duhwalha ni la anabi ta kəma ni, kaʼa nda kwalva ni mantsa: « Diŋaf diŋa ta siga dagala ta vu, ka danata ka ta skwa zay ta guyata ghəŋa anabiha! » kaʼa.

2Rus 21:12

Ka vindanaftá anabi Iliya ta ɗelewer ta Yəhuram, kaʼa mantsa: « Wya ka Yawe, Lazglafta dzidza gha Dawuda: “Ksaf a ka saɗa da gha Yəhusafat, nda ŋa Asa mghama la Yuda wu,