1Mgh 16:30 - Hdi

³⁰ Ka mag Ahav, zwaŋa Ghumri ta ghwaɗaka skwi ta wa ira Yawe, ka malaghutá piw ta ŋa inda mghamha ta tiŋlaghuta tsatsi.

1Mgh 16:30 Referans Kwoze

1Mgh 16:25

Ka mag Ghumri ta ghwaɗaka skwi ta wa ira Yawe, ka magatá tsi ta ghwaɗaka skwi ka malaghutá ŋa inda mghamha ta tiŋlaghutá tsatsi ya.

1Mgh 21:25

Haɗ mndu ɗekɗek taɓta Ahav ta skwaptá ghəŋa ni ŋa maga ghwaɗaka skwi ta wa ira Yawe, kabga gagafta markwa taŋ Izabel wa.

1Mgh 14:9

Maga maga kagha ta ghwaɗaka skwi ka malaghutá ŋa inda gwal ta tiŋlaghutá kagha. Laghu la ka da tsatsaftá sanlaha ma lazglaftaha, nda skwiha ŋa wuyay dgum dguma ka kfur nwap lu nda nwa, ŋa giɗiftá ɓasa ŋuɗuf, ka wuɗiɗtá ka.

2Mgh 3:2

Ka mag tsi ta ghwaɗaka skwi ta wa ira Yawe, ama nza a manda ŋa i da ni nda ma ni wa. Ka zlaɗiŋtá tsi ta dzagwatá palaha ŋa Baghal, si dzagwana da ni.

1Mgh 16:33

Ka tsaftá Ahav guli ta skwa wuyay Asera. Nda ma slna ni, ka ganaftá tsi ta ɓasa ŋuɗuf ta Yawe, Lazglafta la Israʼila, ka malaghutá ŋa inda mghamha la Israʼila ta tiŋlaghutá tsatsi.

1Mgh 16:31

Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.

1Mgh 16:29

Ta mahkən mbsak tghas mida vakwa Asa ta ga mgham ta ghəŋa la Yuda, lama Ahav, zwaŋa Ghumri da ga mgham ta ghəŋa la Israʼila. Hisambsak his mida vakwa ni ta ga mgham ta ghəŋa la Israʼila ma Samari.

1Mgh 22:53

Ka mag tsi ta ghwaɗaka skwi ta wa ira Yawe. Ka ksaftá tsi ta saɗa i da ni, nda ma ni, nda ghwaɗaka tva Yaruvgham, zwaŋa Nəvat ta hlamtá la Israʼila da ga dmaku ya.

2Mgh 9:22

Na gi nghaŋta Yuram ta Yehu, ka ɗaw tsi da tsi, kaʼa mantsa: « Zɗaku suʼu ta klaktá kagha na? » kaʼa. Ka Yehu zlghaftá wi mantsa: « Waká a dzaʼa nzakway ka zɗaku, tata kɗaŋ kɗa ma gha Izabel ta tsəlɓu ŋa skwa wuyay, ka ga tsa ma muta muta ni ta ndəghuta ya na? » kaʼa.

2Mgh 17:2

Ka mag tsi ta ghwaɗaka skwi ta wa ira Yawe, ama nza a manda ŋa sanlaha ma mghamha la Israʼila ta tiŋlaghutá tsatsi wa.

2Rus 21:13

ama ka ksaftá ka ta saɗa mghamha la Israʼila. Hlam hla ka ta la Yuda nda la Ursalima da hliri, manda ya maga la ga Ahav. Psla psla ka ta vərɗa zwana ma gha sa kuni ma huɗa turtuk, ka ŋərma mnduha ta malaghutá kagha ya.