1Mgh 15:4 - Hdi

⁴ Ama dabga Dawuda, ka vlaŋtá Yawe, Lazglafta ni ta zivir ma Ursalima ŋa gá mgham ma vla ni, yaha mndəra la mgham zwaɗuta, manda ya ta mtuta pitirla, ŋa nzakwa Ursalima nda diha ŋa ɗekɗek.

1Mgh 15:4 Referans Kwoze

1Mgh 11:36

Dzaʼa zlanaŋ zla yu ta mndəra mndu turtuk ta zwaŋa Salumuŋ, kada gɗavata pitirla kwalva ɗa Dawuda ta kəma ɗa ma Ursalima, luwa ya zbap yu ŋa nzakwa hga ɗa.

2Rus 21:7

Ama va a Yawe ta zaɗanatá la ga Dawuda wu, dabga dzratá wi ya dzraf tsi, nda ya dabga vəl tanaf tsi ta imi ta sləməŋ ta Dawuda nda mnay kazlay dzaʼa gɗa gɗa yu ta vlaŋtá pitirla, mantsa ya zivira ni guli kəʼa ya.

1Mgh 11:32

Ama mndəra mndu turtuktuk dzaʼa pɗata da tsi dabga kwalva ɗa Dawuda nda Ursalima, luwa ya zbap yu mataba mndəra la Israʼila demdem.

1Mgh 11:12

Nziya nza tsi, dabga da gha Dawuda, haɗ yu dzaʼa klaghutá na ga mgham na ma fitika nzakwa gha ta nda hafu wu, ama da zwaŋa gha dzaʼa zluʼaghuta yu ta ga mgham.

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

Suna Yuhwana 22:16

« Iʼi Yesu ta ghunaftá duhwala ɗa ŋa mnanaŋtá tsa skwiha ya ta *Igliz. Iʼi ná, zivira mghama Dawuda yu, gumbəzla ta wuɗaku ga sərɗək yu, » kaʼa.

La Ruma 11:28

Ta ghəŋa skwi ta nghanata *Lfiɗa Gwaɗa, nda nza həŋ ka ghuma ta gwaɗa ta kaghuni. Ama ta ghəŋa gwaɗa ta zabatani, ɗvu ɗva lu ta həŋ ta gwaɗa ta dzidzíha taŋ.

Yuhwana 8:12

Ka *Yesu nda həŋ guli mantsa: « Iʼi tsuwaɗaka ghəŋa haɗik, mndu ta dzaʼa mista ɗa ná, haɗ dzaʼa mbaɗa ma grusl wu, dzaʼa mutsay ta tsuwaɗaka hafu, » kaʼa.

Lukwa 2:32

Tsuwaɗak ya ŋa inda mndəra mndu. Tsatsi dzaʼa klaktá glaku ŋa mnduha gha la Israʼila. »

Mata 16:18

Ka iʼi ta mnaghatá kagha na: Piyer ka. Ta tsa pala ya dzaʼa bafta yu ta Igliza ɗa. Haɗ sana skwi dzaʼa laviŋtá mbrakwa mtaku ta maganavata wa.

2Sam 21:17

Ama ka lagha Avisay, zwaŋa Tseruya katatá Dawuda, ka dzatá tsi ta tsa mnda la Filisti ya. Mantsa tama, ka waɗatá mnduha Dawuda, ka həŋ mantsa: « Ləgəlta a ka da vulu kawadaga nda aŋni wu, dá dzaghatá lu, dá mtutá pitirla ga mghama la Israʼila, » ka həŋ.

Vrafta ta zlahu 4:37

Dabga vəl ɗvuta ni ta dzidzíha ghuni, ka zbaptá tsi ta zivirha taŋ ta yagapta ma həŋ. Ka hlagaptá tsatsi ka ghəŋa ni ta kaghuni ma Masar, nda glakwa mbrakwa ni.

Zlrafta 26:5

kabga snaŋ sna Abraham ta lwa ɗa, ka snatá gwaɗaha ɗa, nda dvuha ɗa, nda tva skwiha ŋa magay, nda zlahuha ɗa, » kaʼa.

Zlrafta 19:29

Ma zaɗanata Lazglafta ta tsa luwaha ma daɓi ya, ka havaptá tsi ka Abraham, ka kligiŋtá tsi ta Lut ma tsa zaɗaku ma zaɗanata ni ta tsa luwaha si nza Lut mida ya.