1Mgh 11:31 - Hdi

³¹ Kaʼa nda Yaruvgham mantsa: « Hlaʼa hla ta pehuha na sɗakw na ghwaŋ ŋa gha! Wya ka Yawe, Lazglafta la Israʼila mnata: Kura kura yu ta zluʼaghutá ga mgham ma dzva Salumuŋ, ka pghaghamta ma dzvu ta mndəra mnduha ghwaŋ.

1Mgh 11:31 Referans Kwoze

1Sam 15:27

Manda mbəɗata Samuyel ta vgha ka sliʼi, ka ksaftá Sawulu ta wa guduŋgaba ni, ka kuhiŋtá tsi.

1Sam 15:28

Ka Samuyel nda tsi mantsa: « Kuhiŋ kuha Yawe gita ta ga mghama gha ta ghəŋa la Israʼila, ka vlaŋtá sana mndu ta malaghutá ŋərmuta ka kagha.

2Sam 19:43

Ka inda la Yuda zlghanaftá wi ta la Israʼila mantsa: « Kabga kutumkuha mgham ŋne! Kabgawu ta kəl kuni ka ɓasa ŋuɗufa ni na? Mamu skwi zu ŋni da mgham ra? Ari mamu a skwi mbəha tsi ta aŋni nda tsi na? » ka həŋ.

1Mgh 12:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Yawe ta mbəɗanaftá tsa skwi ta magaku ya, ŋa hɗamtá gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.

1Mgh 14:8

Zluʼaghu zluʼa yu ta ga mgham da la Dawuda, ka vlaghata. Aŋ mnda ni, klaf a ka ta saɗa kwalva ɗa Dawuda, si ta ŋanatá zlahuha ɗa, ka mbaɗa mista ɗa nda hya hya ŋuɗufa ni wu, ta ghəŋa skwi tɗukwa yeya ta mag tsi ta wa ira ɗa.

2Mgh 17:21

Ma fitika zluʼanata Yawe ta kwakwar ta la Israʼila mista ga mghama la ga Dawuda ná, ka famtá la Israʼila ta Yaruvgham, zwaŋa Nəvat da mgham. Ka mbəɗiŋtá Yaruvgham ta la Israʼila diʼiŋ nda Yawe, ka hlamtá həŋ da mghama dmaku.

1Mgh 14:2

Ka Yaruvgham nda markwa taŋ tama mantsa: « Sliʼaf sliʼa ka slahwafta ka ta vgha ŋa kwala mnduha tsəmaftá kagha kazlay na markwa ini ka kəʼa, ka dzaʼa ka da Silu ma vli hada anabi Ahiya. Tsatsi ta mnihata kazlay na dzaʼa nzakway ka ka mghama na mnduha na kəʼa.

2Rus 10:15

Mantsa tama, fana a mgham ta sləməŋ ta mnduha ka sna skwi ta ɗaw həŋ da tsi wu, kabga Lazglafta ta mbəɗanaftá tsa skwi ta magaku ya, ŋa hɗamta Yawe ta gwaɗa ya mnana tsi ta Yaruvgham, zwaŋa Nəvat, nda ma wa Ahiya mnda la Silu.