1Mgh 10:9 - Hdi

⁹ Rfu da Yawe, Lazglafta gha, zɗəgana ka, ka faghaftá tsi ta dughurukwa gá mghama la Israʼila! Dabga ɗvuta ni ŋa kɗekedzeŋ ta la Israʼila, kəl Yawe ka faftá kagha ka mgham ŋa tsay gha ta guma nda rakwa ni, tɗukwa, » kaʼa.

1Mgh 10:9 Referans Kwoze

1Mgh 5:7

Tsa guvnaha ya ta vla skwa zay dər wa ma tila ni ŋa mgham Salumuŋ nda inda gwal ta ŋanadaghata da vla za skwa zaya ni. Haɗ həŋ ta zlanata ŋa pɗata ni ta sana skwi wa.

2Sam 8:15

Ka gə Dawuda ta mgham ta ghəŋa inda la Israʼila. Ka tsanatá tsi ta guma nda ra, tɗukwa ta inda mnduha ni.

2Rus 2:11

Ka Hiram sganaghata guli mantsa: « Rfu da Yawe, Lazglafta la Israʼila ta magaftá luwa nda haɗik, ta vlaŋtá mgham Dawuda ta zwaŋ nda ɗifil ma ghəŋa ni, ta maga ɗasuwa, nda mahizl, dzaʼa laviŋta banaftá həga ta Yawe, nda həga gá mghama vərɗa tsatsi!

1Rus 17:22

Fa fa ka ta mnduha gha la Israʼila ŋa nzakwa taŋ ka mnduha gha ŋa ɗekɗek, ta nzatá kagha Yawe guli ka Lazglafta taŋ.

2Sam 23:3

Gwaɗa gwaɗa Lazglafta la Israʼila ta gwaɗa. Ka kutumba la Israʼila mnihata na: “Mndu ya ta ga mgham tɗukwa mataba mnduha, ta ga mgham nda zləŋa Lazglafta ná,

Vrafta ta zlahu 7:8

Ama kabga ɗvuta Yawe ta kaghuni, ka hɗamta tsi ta skwi ya waɗana tsi ta dzidzíha ghuni. Tsaya kəl tsi ka hlagaptá kaghuni nda glakwa mbrakwa ni, ka hlagaghunapta, ka varagaptá kaghuni ma ga vuʼa ma dzva Firʼawna, mghama Masar.

2Sam 5:12

Ka graftá Dawuda tama kazlay na, Yawe ta vlaŋtá ga mgham ta ghəŋa la Israʼila, ka ŋlanaftá ga mghama ni, kabga ɗvuta ni ta mnduha ni la Israʼila, kəʼa.

1Mgh 3:28

Ka snaŋtá inda la Israʼila ta tsa tsatá guma mgham ya. Ka zləŋ həŋ nda zləŋa ta mgham, kabga nghadapta taŋ ná, mamu ɗifila Lazglafta ma ghəŋa ni ŋa tsa guma nda tva ni.