1Kwa 9:19 - Hdi

¹⁹ Iʼi ta kwara ghəŋa ɗa, tsaw ka niŋtá yu ta ghəŋa ɗa ka vuʼa inda mnduha ŋa kataŋtá inda mnduha kada mutsanakta yu ta Mgham Yesu ta ndəghata mnduha.

1Kwa 9:19 Referans Kwoze

Galat 5:13

Zwana ma ɗa, hgaghuna hga Lazglafta ŋa kwala ghuni nzakway ka vuʼa zlahu. Ala ka si mantsa tsi, ma klaf kuni ta tsa plata vgha ghuni ya ka skwi ŋa dzaʼa ghuni maga skwi ta kum sluʼuvgha. Katək ná, ɗvuvuswaɗva ta vgha ghuni, ka katuvusta kuni ta vgha ghuni mataba ghuni.

Mata 18:15

« Ka gagha ga zwaŋama gha ta dmaku ná, la slanaghata ka dzraŋta kaghuni histaghuni. Ka snagha sna tsi katsi, kataf katá ka ta zwaŋama gha.

1Kwa 10:33

Magawa maga manda ŋa ɗa ta maga inda skwi ŋa zɗəganatá inda mndu ya. Zba a iʼi ta maga skwiha dzaʼa katihata wu, skwiha ya dzaʼa kataŋtá ndəghata sanlaha ta mag yu, ŋa mutsafta taŋ ta mbaku.

1Tim 4:16

Ɗasuwa ka ka nda nzakwa gha, ɗasuwa ka ka nda skwi ta tagh ka guli. Ndiʼamndiʼa mida. Ma tsa magay gha mantsa ya, dzaʼa mbanafta ka ta ghəŋa gha, nda gwal ta fata sləməŋ ka snay tani.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

La Ruma 15:2

Magama maga ta skwi ta zɗəganatá mnda səla ŋa kataŋtá həŋ ŋa ŋlakwa taŋ ma zlghay nda ŋuɗuf.

1 Piyer 3:1

Kaghuni guli miʼaha, haniŋwahana ta ghəŋ mista zəʼalha ghuni. Ka ta magay kuni mantsa, dər má sna a sanlaha ta gwaɗa wu, ŋa nghay taŋ ta ŋərma nzakwa miʼa taŋ, ŋa mbəɗanafta taŋ ta nzakwa taŋ, dər má pslaf a kuni ta wi.

1Kwa 9:1

Laviŋ a yu ta maga inda skwi wu ra? Ghunata mnda *Yesu *Kristi a yu wu ra? Ngha a yu ta Mgham Yesu nda ira ɗa wu ra? Pəghatá ghəŋa slna ɗa mamgham Yesu a kaghuni ra?

La Ruma 1:14

Dguv ta ghəŋa ɗa ka mnanata ɗa ta Lfiɗa Gwaɗa ta inda mnduha, ŋa la *Grek, ŋa gwal nda hiɗa nda ya ŋa gwal kul hiɗaku tani. Ŋa gwal nda guna sləməŋa taŋ nda ya ŋa gwal kul gunaku sləməŋa taŋ tani.

Galat 5:1

Plimispla *Kristi, ŋa kwala mu nzəglaku ka vuʼa mista zlaha Musa. Mantsa tama, dihavawa diha, yaha lu nglighunista ka vuʼa.

1Kwa 7:16

Kagha marakw ta zlghaftá Yesu, nda sna kagha kazlay: Dzaʼa mbanaf mba yu ta zəʼala ini kəʼa ra? Kagha zəʼal ta zlghaftá Yesu, nda sna kagha kazlay: Dzaʼa mbanaf mba yu ta markwa ini kəʼa guli ra?

La Ruma 11:14

ŋa sliʼanaftá ŋuɗufa zwana ma ɗa ŋa draku ka má ta magaku tsi ŋa mbanaftá sanlaha mataba taŋ.

1Kwa 10:29

Ndana kaghuni a mnə yu wu, ndana tsa sana mndu ya. Iʼi ná, laviŋ lava yu ta za inda skwiha. « Kabgawu tama ŋa mnay kazlay: Ma zə ka, yaha ka famtá sana mndu ma ndanu kəʼa? »

2Kwa 4:15

Inda tsa skwiha ta magaku ya ná, ŋa kata kaghuni nzakwa ni, ŋa sga sliʼadamta mnduha mutsaftá zɗakatahuɗa Lazglafta. Mantsa tama, dzaʼa nda ndəgha mnduha ŋa rfa Lazglafta nda ya ŋa zləzlvay guli.

2Kwa 12:14

Nda fa vgha ɗa ŋa lab da kaghuni ŋa mahkəna səla. Ka lab la yu, skwa ghuni a ta psə yu wa, vərɗa kaghuni ta psə yu. Tazlay ná, zwani a ta tskanatá skwi ta dadaha wu, dadaha ta tskanatá zwani.