1Kwa 6:5 - Hdi

⁵ aya hula! Ka iʼi nda kaghuni. Ŋwaya ki mndu dər turtuk nda ɗifil ma ghəŋa ni prək ka dzraghunaftá skwi mataba ghuni na?

1Kwa 6:5 Referans Kwoze

1Kwa 15:34

Vraganaghawa vra ta ghəŋa ghuni manda ya ta raku. Ma walaŋ kuni ta maga dmaku, ya sna a sanlaha mataba ghuni ta Lazglafta wa. Aya hula ka iʼi taɗa!

1Kwa 4:14

Ŋa pghaghunaghatá hula a ta vindaghunafta yu ta na skwi na wu, ŋa hurzlaghunaptá sləməŋ ta vindaghunafta yu, kabga zwana ta ɗvu yu kuni.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

1Kwa 11:14

Daga nzakwagapta ná, nda sna mnduha kazlay: Skwa hula zlaŋta zgun ta swida ghəŋa ni zəmbək kəʼa.

1Kwa 4:10

Nda nza aŋni ka rgha, ta ghəŋa gwaɗa ta Kristi. Kaghuni ya, nda hiɗa aŋni ka kaghuni, kabga nzugwatá kaghuni nda Kristi. Kaghuni yeya nda mbra, mbra a aŋni wa. Kaghuni yeya gwal ka mndu, haɗ mndu ta kulaftá aŋni ka mndu wa.

1Kwa 3:18

Ma nanə mndu ta ghəŋa ni. Ka mamu ɗifil ma ghəŋa ɗa manda ɗaslakwa ŋa ghəŋa haɗik ka mndu, ka niŋ na tsi ta ghəŋa ni ka rgha kada nzata tsi ka vərɗa mndu nda ɗifila daga da Lazglafta.

Slna gwal ghunay 1:15

Baɗu sana fitik, ma tsa fitik ta tskə həŋ ta vgha ya, ka tskavatá gwal zlghay nda ŋuɗuf ta magay həŋ ta dərmək nda hisambsak. Ka Piyer sliʼavata mataba taŋ mantsa:

Slna gwal ghunay 9:13

Ka Hananiya mantsa: « Mghama ɗa, nda ndəgha mnduha ta mnihatá gwaɗa ta ghəŋa tsa mndu ya, ka rusiftá həŋ ta inda ghwaɗaka skwi magana tsi ta mnduha gha ma Ursalima.

1Kwa 6:1

Ka sliʼaf sliʼa skwi mataba sani nda sani mataba ghuni katsi, waká sani dzaʼa walaŋtá dzaʼa kla tsa gwaɗa ya da gwal guma kul snaŋtá Lazglafta, ka zluŋtá mnduha Lazglafta na?

1Kwa 6:4

Ka mamu skwiha mantsa ya ta slata mataba ghuni katsi, ka klafta kuni ka klaghata da gwal guma kul haɗ ghəzliwa taŋ da Igliza Lazglafta ná,