1Kwa 14:1 - Hdi

¹ Ŋavawa ŋa ka zba ɗvutá mndu, mamawa mbraku ya ta vlə Sulkum guli. Katkata ni ta ghəŋa kla lwa Lazglafta.

1Kwa 14:1 Referans Kwoze

1Kwa 14:39

Mantsa ya tama zwana ma, ŋavawa ŋa ka zba mbrakwa kla lwa Lazglafta. Mndu ta mna gwaɗa nda sanlaha ma gwaɗaha ná, ma pyu kuni.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

1Tim 4:14

Yaha ka da ganavatá masfa ta skwi ya vlagha Sulkum ma kagha, ya vlagha lu ma fitika mnata la anabi, ka faghaghatá la galata mndu ta dzvu ya.

1Kwa 16:14

Ma inda skwi ta mag kuni, ka maga kuni nda ɗvutá mndu.

1Kwa 12:1

Zwana ma ɗa, ta ghəŋa mbraku ta vlə Sulkum nda ghuɓa ná, va a yu ta nzakwa ghuni kul tsalaku mida wa.

1Kwa 13:13

Ndanana ná, mamu skwiha hkən ta gɗavata: Mamu zlghay nda ŋuɗuf, nda faftá ghəŋ, nda ɗvu, ama ya ta hemanatá tsa skwiha ya ná, ɗvu ya.

1Tes 5:20

Ma mnə kuni ta mtsiriuʼ nda gwaɗa la anabi.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

1Kwa 14:37

Iʼi ná, anabi yu, mamu Sulkuma Lazglafta ma iʼi ka ka mndu katsi, ɗina ka snaŋta ni kazlay: Nana skwi vindaghunaf yu na ná, Mgham Lazglafta ta mnata kəʼa.

1Tim 5:10

Ta ghubay ka lu ma ŋərma slnaha ni ta mag tsi. Va galanaf gala katsi ɗina ta zwani, ta tsuʼay katsi ta mayəm ga taŋ, ta mbazay katsi ta səla gwal zlghay nda ŋuɗuf, ta katay katsi ta gwal ta sa duni, fa fa katsi ta ghəŋa ni ka maga inda ŋərma slna.

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

1Kwa 12:31

Hmətət ka kuni ɗvuta mbrakuha ya ta vlata lu ta malaghuta. Wana yu dzaʼa maraghunata guli ta tvi ya ta hemanata.

3 Yuhwana 1:11

Gra ɗa ya ta ɗvu yu, ma ksə ka ta saɗa mnduha ta maga ghwaɗaka skwi, ksata saɗa gwal ta maga skwi ɗina. Mndu ta maga skwi ɗina ná, nda na tsatsi ka Zwaŋa Lazglafta. Mndu ta maga ghwaɗaka skwi ya guli ná, ta sna a tsatsi ta Lazglafta wa.

2 Piyer 1:7

Ta ghəŋa nzaku ta zɗəganatá Lazglafta, ka sganaghata kuni ta nzaku hmətət manda la zwana ma. Ta ghəŋa nzaku hmətət manda la zwana ma, ɗvutá mndu.

La Ruma 12:6

Zɗa zɗa Lazglafta ta huɗi ka dagamaftá slna ŋa magay mu manda ya kumaŋ tsi. Ka kla lwa gwaɗa Lazglafta vlaŋ Lazglafta ta mndu ya, ka kla tsi ta tsa lwi ya manda ya vlaŋ Lazglafta ta mbrakwa magay.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

La Ruma 9:30

Kinawu tsa tama? Gwal kul nzakway ka la *Yahuda ná, zbaŋ a hahəŋ ta nzakway ka gwal tɗukwa ta wa ira Lazglafta wu, ka mutsaftá həŋ ta nzakway ka gwal tɗukwa ta wa ira Lazglafta nda ma zlghay nda ŋuɗuf.

La Ruma 14:19

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

1Sam 10:5

Tahula tsa, ŋa ɓhadaghata gha da Givgha Lazglafta, ma vla bakwa gwal vula la Filisti. Ta lam ka da luwa, dzaʼa slaf sla ka ta tskatá la anabi ta sliʼagata ta vli tskala. Dzaʼa tsap tsa tsa mnduha ya ta kəma gha nda dza htimbil, nda dewdew, nda siŋlak, nda kəzliŋkəzliŋ. Ta kla lwa Lazglafta həŋ.

1Kwa 13:2

Dər má mutsaf mutsa yu ta mbrakwa kla lwa Lazglafta, dər má nda sna yu ta inda skwi nda ɗifatá skwa Lazglafta tani, dər má mamu zlghay nda ŋuɗuf da iʼi ŋa sliʼanaftá ghwáha, ka haɗ yu ta ɗvutá mndu wu katsi, skwi bətbət yu.

1Kwa 14:22

Mna gwaɗa nda sanlaha ma gwaɗaha ná, ŋizla guma ya ŋa gwal kul zlghafta, mantsa ya a da gwal zlghay nda ŋuɗuf wa. Kla lwa Lazglafta ná, ŋizla zɗaku ya ŋa gwal zlghay nda ŋuɗuf, mantsa ya a da gwal kul zlghafta wa.