1Kwa 11:19 - Hdi

¹⁹ Ɗina va tsa daga vgha ya mantsa mataba ghuni katək, kada grafta lu ta vərɗa ŋərma mnduha mataba ghuni.

1Kwa 11:19 Referans Kwoze

1 Yuhwana 2:19

Tsa ghumaha ya ná, mataba mu sliʼagapta həŋ. Si nza a nzakwa taŋ kawadaga nda amu wa. Ka má nda nza nzakwa taŋ kawadaga nda amu ná, má gɗava gɗa həŋ ta vata amu. Maga maga manda tsaya kabga ŋa snaŋta kazlay: Mataba amu a həŋ demdem wu kəʼa.

Titus 3:10

Ka mamu mndu ta kladamtá daga vgha da taba gwal zlghay nda ŋuɗuf katsi, ka dvanaghata ka karaku. Ka ta zlaŋ a tsi tahula dvəglanaghata gha ka mahis wu, ka zliŋta ka ta tva ni.

Slna gwal ghunay 20:30

Dər mataba kaghuni guli ná, dzaʼa sliʼaf sliʼa sanlaha da tsakalawi, ŋa baraghata taŋ ta sanlaha ma duhwalha mista taŋ.

Lukwa 17:1

Ka *Yesu nda duhwalha ni tama mantsa: « Nda nza tkweʼ ka nzakwa skwiha dzaʼa dziŋtá mnduha ka tuthun. Ama ɗaŋwa ni ma mndu ta zləmbiŋtá sani.

Vrafta ta zlahu 13:3

Ka magatá tsa ŋizla ya, ka tsa mandərmimi si mnaghuna tsi ya a tsi, ka kaʼa mantsa: “Mbaɗma mista sanlaha ma lazglaftaha ŋa tsəlɓu ŋa taŋ,” kaʼa, tsa kul snaŋtá kuni ya,

Mata 18:7

Ɗaŋwa ŋa ghəŋa haɗik ta nzakway ta zlazlambiŋtá mndu! Aŋ mndani, nda nza tkweʼ ka nzakwa skwiha ta zlambiŋtá mndu. Ama ɗaŋwa ŋa mndu ya ta sagha tsa zləmbaku ya nda da tsatsi.

Galat 5:20

wya skwi, maga mndu nda ghwani, nzaku ka ghuma, zlərɗa wi, draku, ɓasa ŋuɗuf, ɗva ghəŋ, daga vgha, kwal kul guya ghəŋ,

Slna gwal ghunay 28:22

Ta kumay aŋni ta snaŋtá skwi ta ndanu kagha ka ghəŋa gha nda ma wa gha. Skwi ya snaŋ aŋni ná, nda ndəgha gwal ta pgha rutsak ta na lfiɗa dina ghuni na, » ka həŋ.

Slna gwal ghunay 26:5

Nda sna hahəŋ ta iʼi daga manda ghalya. Ka ta kumay həŋ katsi, laviŋ lava hahəŋ ta mnay kazlay: Tekw iʼi mataba gwal ta fikaghuta si ta ghəŋa dina ŋni ta nzakway ka ŋa la *Farisa kəʼa.

Slna gwal ghunay 24:14

Skwi ya graf iʼi ná, ta maganata slna yu ta Lazglafta dzidzíha ŋni nda ta tsa tvi mnə hahəŋ kazlay: Dina ghwaɗaka tvi ya kəʼa ya. Zlghaf zlgha yu ta inda skwi ya nda vinda ma zlaha Musa, nda ya ma deftera la anabi.

Slna gwal ghunay 24:5

Nana mndu na ná, ghwaɗaka mndu ya slanagha ŋni ta hwaɗa ghəŋa la *Yahuda dər ndigandiga ta ghəŋa haɗik. Tsatsi mghama dina la Nazaret ta nzakway ka gwal ta dzaʼa mista Yesu ya.

Slna gwal ghunay 15:5

Mbaɗa sanlaha mataba la *Farisa ta zlghaftá Yesu, ka sliʼavafta. « Ɗatsay gwal kul nzakway ka la Yahuda ta fafaɗ, ka maga həŋ ta skwi ya mna zlaha Musa guli, » ka həŋ.

Slna gwal ghunay 5:17

Mbaɗa mali ta ghəŋa gwal dra skwi ŋa Lazglafta, nda gwal ta vata ni, ta nzakway ka la *Sadukiya, ka dra gwal ghunay.

Lukwa 2:35

Dzaʼa tuzigiŋ tuza ta skwi ma ŋuɗufa mnduha. Vərɗa kagha guli ŋa nzakwa ŋuɗufa gha manda skwi sligla lu nda kafay, » kaʼa nda Mari ma ni ma tsa zwaŋ ya.

1Kwa 11:20

Tsa tskavata ta tskavata kuni ya ná, ŋa za skwa zaya Mgham Yesu a ta tskavata kuni wa.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.