1Kwa 11:1 - Hdi

¹ Ksawaksa ta saɗa ɗa, manda ya ta ksə iʼi ta saɗa *Kristi ya.

1Kwa 11:1 Referans Kwoze

Filip 3:17

Kaghuni demdem zwana ma ɗa, ksawaksa ta saɗa ɗa, fafwa ira ghuni ta gwal ɗina mbaɗa taŋ manda ya ta nghə kuni ta mbaɗa aŋni ya.

1Tes 1:6

Kaghuni, ksaf ksa kaghuni ta saɗa ŋni, nda ŋa Mgham Yesu. Dər má ta ghuya ɗaŋwa kuni katakata, tsuʼaf tsuʼa kuni ta gwaɗa ni nda rfu ma mbrakwa Sulkum nda ghuɓa.

1Kwa 4:16

Kdəkwa kdək! Ksawaksa ta ghəzama ɗa.

Hebru 6:12

Ma ksu yaɗi ta kaghuni. Ksawaksa ta saɗa gwal ta ŋavata ma zlghay nda ŋuɗuf, gwal ta faftá ghəŋa taŋ ta Lazglafta ka mutsaftá həŋ ta skwi ya tanaf Lazglafta ta imi ta sləməŋ ta mndu.

2Tes 3:9

Nza a vəl magay ŋni mantsa ya kazlay, ra a ka mutsay ŋni ta skwi da kaghuni wu kəʼa wa. Nda nza tsa slna mag ŋni ya ŋa tagha skwi ŋa ghuni.

1Kwa 10:33

Magawa maga manda ŋa ɗa ta maga inda skwi ŋa zɗəganatá inda mndu ya. Zba a iʼi ta maga skwiha dzaʼa katihata wu, skwiha ya dzaʼa kataŋtá ndəghata sanlaha ta mag yu, ŋa mutsafta taŋ ta mbaku.