Tito 2:4 - Dios Iwene

⁴ Jau Tito, jobadö ya̧dö damöbedöma ya̧dö ina möayedödanö ja̧dönö tjöba̧ja̧do baikwö: Bakwujukwena otiwanö tjilekwekwena ösödö tjö̧jobö, ja̧danö otiwanö tji̧tji̧mukwena ösödö tjö̧jobö,

Tito 2:4 Referans Kwoze

1 Timoteo 5:14

Jo̧kwajabetjö̧, baikwö yötawa: Ina sesenta o̧biya ichiböködö ya̧dö tji̧lȩkwa̧munö wobekwinadöma, yemidanö tji̧lȩkwa̧munö tjemobö jo̧be, ja̧danö tji̧tji̧munö 'yabebö bötjatö, tjeju jawa otidö tjö̧jo, Jesúsnö ösödadönö öpöjödadöma ökwödönö sulabenö yötja̧lapji jö̧ba̧lö.

1 Timoteo 5:2

Ja̧danö, ya̧dö damöbedönö kwojo'donö kwöba̧ja̧di̧danö kwöba̧ja̧dodönö. Ja̧danö ya̧dö ina damöböködönö kwöjawujunö kwöba̧ja̧di̧danö kwöba̧ja̧dodönö. Jau Timoteo, ya̧dönö lȩkebenama, bakwainö otiwanö omukwatö obökönö lȩkebodönö.

1 Timoteo 5:11

Ja̧danö, jobadönö tjite'ada̧lijayonö, ina sesenta o̧biya ichiböködönö Jesúsnö ösödadö tjite'ada̧lawö̧ baibanö kwödoböma jwia. Baikwö yötawa: Jesúsnö ösödadö tjite'ada̧lawö̧ wobekwinadöma baikwö yöbawö junadö, Jwaikwöda Jesús wei̧da ja̧bö chö̧jakwujusa chilekwenö emökönö, jö̧ba̧lö. Jo̧kwaijayonö, ina möayedödanöbedö wobekwinadöma, iso̧kwö tjö̧jobö jö̧tja̧lobetjö̧, Jesús jawa kabatibö yemidanö tji̧lȩkwa̧munö tjemena, ajayi yöbawö tjujunina wene ja̧bökönö. Ja̧danö, yöbawö tjujunina wene ja̧tjokobetjö̧, sulabenö ja̧tjena.

Tito 2:3

Ja̧danö, ya̧dö damöbedönöbi baikwö ja̧bö tjö̧jobö kwöba̧ja̧dodönö: Ja̧bö tjö̧ji̧ma otiwanö Diosnö ösödadö ja̧bö tjö̧ji̧danö ja̧bö tjö̧jobö. Ju'wedönö omöna yöba̧lö tjoma'apekwönöma yötja̧loko, ja̧danö nio ojwiyo 'dukwachinö owa̧löma tjö̧joko, wainö ja̧bö tjö̧jobö kwöba̧ja̧dodönö, otiwa jawa ba̧ja̧dadö baibanö tjö̧jobö.

Tito 2:5

ja̧danö idöda tjösödi̧ jawama ja̧bökönö, biya̧ma otiwanö ja̧awa jö̧ba̧lö tjöwaisi̧da ja̧bö tjö̧jobö, bakwainö otiwanöda ja̧bö sulabenö ja̧bökönö. Ja̧danö, tjejukwena otiwanö 'dawökanö tjö̧jobö, ja̧danö otiwanö tji̧lȩkwa̧mu wetji̧ öpöjödabökönö ja̧bö tjö̧jobö. Jau Tito, damöbedö ya̧döma ina möayedödanö ja̧dönö otiwanö ja̧bö ja̧kwawa tjöba̧ja̧dobö jo̧be, ju'wedö sulabenö yötja̧lapji jö̧ba̧lö Dios yöawi̧ma.