Tito 1:13 - Dios Iwene

¹³ Ja̧ iwȩyudinama jweinö iwȩyudinobe Creta niji jojodönöma, jo̧kwajabetjö̧ jobadötjö sulabenö yöbawadönö labinö lȩkebo, isabenö weneda do̧ba̧lö tjösödakobetjö̧.

Tito 1:13 Referans Kwoze

Tito 2:2

Jesúsnö ösödadötjö ömadö damöbedönö baikwö ja̧bö tjö̧jobö kwöba̧ja̧dodönö: Okobe jwiinö ja̧tji̧ma, jweinö omukwatö ja̧bö tjö̧jobö, ja̧danö obökönö ja̧bö tjö̧jobö, ja̧danö tjösödi̧ jawa ja̧bökönö, biya̧ma otiwanö ja̧awa jö̧ba̧lö tjöwaisi̧da ja̧bö tjö̧jobö. Ja̧danö, jobadönö kwöba̧ja̧do, jwaikwöda Jesúsnö ösödö tjö̧jobö, ja̧danö tjömöledö Jesúsnö ösödadönö tjösödobö, ja̧danö tjo̧'wo̧ luwo̧nö me'dawachibökönö tjö̧jobö kwöba̧ja̧dodönö.

1 Timoteo 5:20

Ja̧danö, te'ada̧lakwawa luwedötjö sulabenö ja̧bö ju̧kwadönö, Jesúsnö ösödadö tjöba a'otjö ja̧nö jobadönö lȩkebo. Jau Timoteo, jojodö tjöba a'otjö ja̧nö sulabenö ja̧bö ju̧kwadönö lȩkebo, lȩkebi̧ a̧ja̧kwadö a̧ja̧kwö yetjaibakobetjö̧, ja̧danö jobadöbi sulabenö ja̧tjapji jö̧ba̧lö.

Tito 2:15

Tito, biya̧ ökwönö yötawaja̧ma, jojodönö yöbawi. Ja̧danö, Diosda ökwönö ujuninobetjö̧, yebabökönö a̧ja̧kwajadönö lȩbeböbi lȩkebo, tjujuluwachibanö yöbawöbi yökawo. Ja̧danö, okobe deinö Jesúsnö ösödadö yökawi̧ otiwanö tja̧ja̧kwobö webidönö Tito.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

2 Corintios 13:10

Jejenö omukwatö, chi̧'yakwa̧ abönö chiwȩyudobe chömöledö, jobe ichibö ökwödönö lȩtebapji jö̧ba̧lö. Jau chömöledö, Duluwo̧ma isabenö ötjönö ujuninobe, kwuluwo̧duwidanöbo̧ batibobö, ja̧danö jejenö ujuninama, ökwödönö suli̧ chöwaedo jö̧ba̧löma jejenö ujuninokobe chömöledö, kwujuluwachibaduwobö pjatato jö̧ba̧lö ujuninobe.

1 Timoteo 4:6

Jau Timoteo, biya̧ ökwönö yöbawö chiwȩyudaja̧ma dömöledönö Jesúsnö ösödadönö yökawitjö̧ma otiwena, kwuluwo̧ Cristo Jesús ömöayo̧ otiwo̧ kwö̧jena. Ja̧danö, kwo̧'wo̧ luwo̧nö kwöda̧peacho jö̧ba̧lö, kabatökönö waisachö kwö̧jo, isabenö wene, otiwa jawa Jesús jawa wene, a̧ja̧kwö kwösödina wenema.

Proverbios 27:5

Ja̧danö, ju'wibi yötawa: Kwömöledöso̧nö isabenö ile nikebitjö̧ma jwebebö yökawobö jo̧be. Isabenö, jwebebö yökawitjö̧ma wajuwanö kwisebobe, isabenö ökwönö ile nibebo̧sa, jö̧ba̧lö. Ja̧danö, jwebebö yökawökötjö̧ma jo̧banö ile nikebi̧ öwawökönö, kwösödöködanö kwi̧sekwobe. Chömöledö, kwömöledöso̧nö jwebebö yökawi̧ma jo̧banö jwebebö yökawökötjö bajalekwönönö mikwawobe.

1 Timoteo 1:10

tji̧lȩkwa̧muböködökwö ja̧badönöbi, ömadö ömadökwö, ja̧danö ya̧dö ya̧dökwö ja̧badönöbi, jojodönö do̧batö naukwabidönöbi, omöna yöba̧ladönöbi, la'aka luwedö tjöba a'otjö ja̧nö jojodö ja̧tjina jawa omöna yöba̧ladönöbi, ja̧danö okobe jwiinö ju'wi jaye isabenö wene laeböködanö ja̧badönöbi webö iwȩyudinobe Moisésma, tjusula tjöwaisachibo jö̧ba̧lö.