Proverbios 8:30 - Dios Iwene

³⁰ Ina yöbawuju: —Ötjöma Isabenö Jo̧kwö, jwiinö waisanö otido̧kwö ji̧abinujusa. Ju'wi mölȩkwena Isabenö Jo̧kwö chö̧jiökwe o̧'wo̧ ösöwanö ö̧jijatö Isabenö Jo̧ma. Ja̧danö ötjöma ba̧kwȩlö̧jatebö jo̧banö ösödö cho̧'wo̧ ösöwanö chö̧jijatö jo̧bakwö.

Proverbios 8:30 Referans Kwoze

Juan 1:18

Ja̧danö, bakwo̧bi deobe, Diosnö edo̧ma, damötjöbi babebi. Jo̧kwaijayonö Dios iteakwo̧ itji̧ma Diosnö edo̧. Ja̧danö, jo̧ba, Dabe'do Dios ile niebökwema, ökwödönö Diosnö döwaisachibanö öba̧ja̧dinobe.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Isaías 42:1

Baikwö laebobe Dios yöa̧li̧ma: Bitema ötjöda omudawö chujuninökwe chömöayo̧, ujuluwachibanö pjatjatökwema. Jo̧bama ötjö ile 'di̧tebökwe. Jo̧banö chiyajabe ötjöda Cho̧'wo Luwo̧nö, ja̧danö jo̧bama jweinö lȩebo jö̧a̧li̧danö lȩebakwo̧ tjitebotenia jojojodönö.

Juan 16:28

Jau, ötjöma Dabe'do Dios ö̧jobetjö böjȩkwö ichino̧sa. Ja̧danö, böjȩtjö Dabe'do Dios ö̧jobekwö chȩwa̧jakwo̧sa— yöawinobe Jesúsma öba̧ja̧di̧ waisachadönöma.

Juan 12:28

Ikena abe'do Diosnö aebinobe: —Chabe'do ökwö jwiinö kwotiwi̧ma jojodönö i̧sekwi, ökwönö tjösödobö— aebinobe Jesúsma iteda Abe'donö. Jemi ikenama iwene ökwöinobe mölejȩbetjö, Dios jö̧a̧li̧ma: —Ida̧ökö, ötjö jwiinö chotiwi̧ma chi̧sekwijatö. Yemidanöbi chi̧sekwocha— jö̧ba̧lö.

Colosenses 1:13

Jo̧ba Diosma yȩa'wotjö, Awetja ujulutjö dö̧jibanö ja̧inobe, ja̧danö iteda ösödökwe Itji̧ la'aka luwo̧ ö̧jobe dichibanö ja̧inobe.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.