Proverbios 8:19 - Dios Iwene

¹⁹ Ju'wibi yöbawuju: Ötjö jojodönö pjabatö chiyi̧ jawama jwiinö mikwawobe. Oro bakwai̧ ji̧tjö bajalekwönönö mikwawobe, ja̧danö plata bakwai̧ ji̧tjö bajalekwönönö mikwawobe ötjö jojodönö pjabatö chiyi̧ jawama.

Proverbios 8:19 Referans Kwoze

Proverbios 10:20

Ja̧danö, ju'wibi yötawa: Dios wei̧ a̧ja̧kwadö yötjawi̧ma jwiinö mikwawobe, bakwai̧ plata jwiinö mikwawi̧danö. Jo̧kwaijayonö sulabenö omukwatadö yötjawi̧ma mikwawokobe.

Proverbios 3:14

Jao chitji̧, jweinö omukwatö ja̧kwawama jwiinö mikwawobe. Plata, oro mikwawi̧tjö̧ bajalekwönönö mikwawobe jweinö omukwatö kwö̧ji̧ma. Isabenö, plata, oro kwiyi̧tjö̧ma balada nöinö kwemena, nöinö mikwawobetjö̧, ¿jö̧tö̧? Jo̧kwaijayonö, ökwö jweinö omukwatö kwö̧ji̧ma plata, oro mikwawi̧tjö̧ bajalekwönönö mikwawobe.

Proverbios 8:10

Ina yöbawuju: —Wanedö yötawa: Dötölataja jawatjö kwemaduwobö jo̧be, ötjö jwebebö yötawi̧tjö̧kö̧, ja̧danö platatjö̧kö̧ ¿di̧atjö̧ kwemaduwakwa̧jö̧? jö̧ba̧lö. Yötawaduwakwö: ¡Jwebebö yötawi̧tjöda kwemaduwo! Ja̧danö, ju'wi jawabi ju'wi jawa kwöwaisi̧tjö̧kö̧, ja̧danö orotjökö̧ ¿di̧atjö̧ kwemaduwakwa̧jö̧? Yötawaduwakwö: ¡Ju'wi jawabi ju'wi jawa kwöwaisi̧tjö kwemaduwo!

Diosnö ösödo̧ Job mikwo̧ usula emawina jawa 28:15

—Ju'wibi, balada midö waisanö omukwatakwawa tjemobö jwiobe, bakwai̧ oro tjimiditjö̧bi, nöinö plata nönajadö tjimiditjö̧bi,

Diosnö ösödo̧ Job mikwo̧ usula emawina jawa 28:19

Etiopia nijitjö emawa topaciotjöbi, inesö bakwai̧ orotjöbi jwiinö bajalekwönönö mikwawi̧, la'akatjöda ja̧jaye midö, waisanö omukwatakwawa midö tjemoböma jwiobe, la'akatjöda.

Proverbios 8:20

Ötjöma Dios wei̧ a̧ja̧kwö, ja̧danö, jweinöda omukwatö ja̧bö jujusa.

Proverbios 16:16

Ja̧danö, ju'wibi yötawa: Chömöledö döwaisa, oroma nöinö mikwawi̧ jawa ¿jö̧tö̧? Isabenö yötawa: Oro mikwawi̧tjö bajalekwönönö mikwawobe jweinö omukwatö kwö̧jaduwi̧ma. Ja̧danö, döwaisa, platabi nöinö mikwawi̧ jawa ¿jö̧tö̧? Isabenö yötawa: Kwöwaisaduwi̧ma di̧ya sulojobö jö̧ba̧lö, di̧ya otiwojobö jö̧ba̧lö jwiinö mikwawobe, plata mikwawi̧tjö̧ bajalekwönönö.