Proverbios 8:12 - Dios Iwene

¹² Jweinö omukwatö ja̧kwawa wanekwachujuma isudada yöbawuju baikwö: —Ötjöma jweinö omukwatö ja̧kwawa wanekwachujusa. Ja̧danö, chömöledöso̧kwö dötewinö jujusa, ö'wiyawakwawönö omukwatö ja̧kwawa wanekwacho̧kwö. Ökwödö dujutajama ba̧kwȩlö̧jatebö dötewinö ja̧dösa—yöbawuju. Ja̧danö, jobekwö yöjawi̧ma, jweinö omukwatö ja̧kwawabi, ö'wiawakwawö omukwatö ja̧kwawabi wanekwachuju, jö̧ba̧lö wanekwachobe. Ju'wibi yöbawuju isudada: —Ötjö, jweinö omukwatö ja̧kwawa wanekwachujuma okobe jwiinö waisujusa. Ja̧danö, ötjö ja̧takwa̧ma waisanö cho̧'wo̧ junö omukwatujusa— yöbawuju jweinö omukwatö ja̧kwawa wanekwachujuma.

Proverbios 8:12 Referans Kwoze

Isaías 28:26

Ja̧danö, baikwö yötawaduwakwö chömöledö, jobekwö otidi̧ma, Diosda jobekwö waisanö otidobö ö̧ba̧ja̧diökwe, jobekwö otido̧.

Éxodo 35:30

Ja̧danö, Moisésma yöba̧lijetö Israel jojodönö: — ¡A̧ja̧kwaduwitjö! Isabenö Jo̧ma Bezaleelnö omudawö ujuninobe, Urí itji̧nö, ja̧danö Hur ö̧'dö̧nö, Judásaso jojonöma.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Proverbios 1:4

Ja̧danö ju'wibi yötawaduwakwö: Ökwödötjö ju'wedöma ina jweinö kwomukwataduwobö wajwibadöja. Salomón jwebebö yöawakwawa jawanö wanekwachi̧ jawa a̧ja̧kwö kwomajadeduwinö meitjö̧ma ökwödönö pjaatakobe ö'wiyawakwawönö kwö̧jaduwobö. Ja̧danö, Salomón jwebebö yöawakwawa jawanö wanekwachi̧ jawama ökwödötjö möayedönö öbibo̧danö jweinö öibakobe tjöwaisachibakobetjö̧ ju'wi jawabi ju'wi jawa. Ja̧danö, jobadönö jweinö öibakobe ja̧tjakwa̧ma ajayinö otiwanö tjo̧'wo̧nö tjo̧mukwatobö.

Colosenses 2:3

Jo̧ba Cristoda okobe jwiinö jojodö ajayinö wajwitjina jawa waiso̧ma, jo̧batjö waisanö omukwatakwawabi, ja̧danö waisakwawabi döwaisachibo jö̧ba̧lö.

Efesios 1:11

Chömöledö, Diosma okobe jwiinö baledobö ösödi̧ma badekwachinö ja̧bo̧. Ja̧danö, ökwödönö, judío jojodönö omudawö junijetö Cristokwö bakobe dötewinö badibobö, jejenö badibobö omukwatö ösödinobetjö̧.

1 Crónicas 28:19

Okobe jwiinö ja̧ otidakwa̧ jawa wȩyukwa'ye Salomonnö iyö yöawinobe: —Salomon, Isabenö Jo̧ma iteda eju jawa ötjönö i̧sȩbinobe, ja̧danö otiwanö chöwaisachibanö pjaatinobe, bejenö otiwanö wȩyukwa'yenö wȩyudö, ökwönö chiyakobetjö̧. Jo̧kwajabetjö, kwotidenama bi'ye laebi̧danö kwotidobö jo̧be, Diosda jobekwö kwotidakwa̧ jawa weinobetjö̧, —jö̧ba̧lö.

Efesios 3:10

Ja̧danö, mölejȩnö ju̧kwadö juluwadö ángelesdöbi, ángelesdö tjuluwedöbi Jesúsnö ösödadönö edö jö̧tja̧lakobe, Aaa, judío jojodöma judío jojodöböködökwö babema bakwaso jojodödanö babibadö, jö̧ba̧lö. Ja̧danö, tjöwaisachibakwedö, Ayö, Diosma jwiinö waiso̧we, jö̧ba̧lö. Jobadöma jejenö edö tjöwaisachibobö ösödo̧, Diosma.

Efesios 1:8

Chömöledö Diosma otiwanö waisö, ökwödönö jwiinö lȩlö̧jino edö webijetö itji̧nö, ja'yubebi a'dȩlökönö iyö.

1 Crónicas 28:12

Davidma ida̧ökö omukwatinobe, —Dios eju bejenö dotiditjö̧ma, otiwo jö̧a̧lena, —jö̧ba̧lö, ja̧danö okobe jwiinö ja̧ omukwatina jawa wȩyukwa'ye itji̧ Salomonnö iyinobe, Isabenö Jo̧ eju a̧petu jawabi, ö'öböseju ȩkiju jawabi, Dios eju mikwawi̧ jawa lödawȩko jawabi, jojodö tjiyi̧ jawa lödawȩko jawabi.

Proverbios 8:5

Ökwödötjö ju'wedöma ö'wiyawakwawönö kwomukwatakwawaduwobö ina wajwiköbaduwobe. Ökwödö wajwibadönö yötawa: Ö'wiyawakwawönö kwomukwataduwobö kwöwaisachibaduwakobetjö̧ a̧ja̧kwaduwitjö. Ja̧danö, ökwödö jweinö omukwatöködönö yötawa: Di̧ya sulojobö jö̧ba̧lö, di̧ya otiwojobö jö̧ba̧lö kwöwaisachibaduwakobetjö̧ ¡a̧ja̧kwaduwitjö!