Proverbios 6:31 - Dios Iwene

³¹ Jo̧kwaijayonö, la'aka luwo̧ma jo̧ba usulaso̧ önaukwobe editjö̧ma, jo̧banö do̧tja̧tobö weakwo̧. Ja̧danö, usulaso̧nö nöinö imidobö weakwo̧ la'aka luwo̧ma, önaukwaja̧ mikwatjö bajalekwönönö jelemutjö̧ dötölataja jenanö. Yelösöda jo̧ba usulaso̧ma nöinö iyobö jo̧be, okobe jwiinö eju okwa ju̧kwi̧ itea ujuna̧li̧ma.

Proverbios 6:31 Referans Kwoze

Lucas 19:8

Ja̧danö, Jesús öba a'o jamatö, Zaqueoma Duluwo̧ Jesúsnö yöa̧linobe: —A̧ja̧kwi chuluwo̧, ötjöma chujuna̧li̧ 'da̧batö junö, ja'öda chiyakobe usula jojodönö, ja̧danö jelo̧nötjö chemoko jö̧ta̧laja̧ 'döbebö chematjö̧ma, chemaja̧tjö bajalekwönönö tjetatocha. Baikwö yöta̧la, bakwöta jawa chematjö̧ma, ö'wejemu jawa tjetatocha— jö̧ba̧lö yöa̧linobe Jesúsnö.

Diosnö ösödo̧ Job mikwo̧ usula emawina jawa 20:18

Nöinö itea emajo̧, tea luwo̧ baibanö ö̧jijayonö, o̧'wo ösöwanö ujuna̧lobö jwibo̧ sulabo̧ma, emaja̧ tjeatajobö ja̧akobe, baikwö yötawa:

2 Samuel 12:6

Jelo̧ ajwinö önaukwajabema, nöinö tjebatö imidobö jo̧be, obeja bakwujunö önaukwajabema, ö'wejemubedö obejadönö tjeatobö jo̧be, lȩlöinö edökönö, sulabenö jelo̧ usulaso̧ ajwinö önaukwinobetjö̧, —jö̧a̧linobe Davidma.

Mateo 18:25

Jo̧bama umusidi̧ imidobö jwiinobe, jo̧kwajabetjö̧ la'aka luwo̧ma weinobe, jo̧banöbi, ilekwonöbi, i̧tji̧munöbi ju'wedö tjömöayedö batjibanö mikwanö iyö lotjobö, ja̧danö okobe jwiinö tjujuna̧li̧ iyö lotjobö, ja̧ baladanö tjumusidaja̧ma tjimidawobö.

Génesis 4:15

Jejenö jö̧a̧lijayonö atadijetö Isabenö Jo̧ma: —Jejenömaö̧kö̧ Caín— atadijetö—. Jweinö yötawa: Jelo̧ ökwönö kwabö loitjö̧ma jo̧banö jwiinö balekwa mikwa lȩtebakwo̧sa. Isabenö, ökwönö lȩtebemitjö̧ jwiinö o̧penönö lȩtebena jo̧banöma, jelemutjö̧ dötölataja jawa baibanö— jö̧ba̧lijetö Isabenö Jo̧ma Caínnöma. Ikenama seyudanö wȩyudö lödijetö Caínnö, ju'wedö jo̧banö seyudanö wȩyudi̧ edinö tjöwaisakobetjö̧, bitenö kwabö lodokobö jo̧be, jö̧ba̧lö.