Proverbios 6:11 - Dios Iwene

¹¹ Jobekwö ‘du̧wekwö kwö̧lobetjö̧ juluwanö usulaso̧ baibanö kwö̧jakwo̧ja, kwiteabi, kwu̧kwa̧bi jwibo̧ bakibanö. Jao, kwu'du̧wekwobetjö naukwabo̧ kwejunö tebachö okobe jwiinö naukwibö e'ewaja̧ ikena jwiyi̧danö jwiköbakwo̧ja kwitea, kwu̧kwa. ¡Kwu'du̧wekwoko!

Proverbios 6:11 Referans Kwoze

Proverbios 13:4

Ja̧danö, ju'wibi yötawa 'du̧wekwo̧nöbi dösökwö otido̧nöbi wanedöma: 'Du̧wekwo̧ma ju'wi jawabi ju'wi jawa emobö ösödijayonö emökakwo̧. Jobekwö ö̧jokobe dösölö̧jinö otido̧ma. Jo̧bama dösölö̧jinö otidobetjö̧ ösödi̧ jawa nöinö emakwo̧.

Proverbios 24:34

juluwanö jwibo̧da baibanö ö̧jakwo̧, jö̧ba̧lö. Isabenö, jo̧ba 'du̧wekwo̧ma jwibo̧da ö̧jakwo̧, jojo itea okobe jwiinö önaukwaja̧ ikena jwii̧danö. Jo̧ba 'duwekwo̧danö kwö̧joko chitji̧.

Proverbios 20:4

Ja̧danö, ju'wibi yötawa: 'Du̧wekwo̧ma öbatjo juokobetjö̧ ukwakwa̧ma jwiakwo̧. Jo̧ba 'du̧wekwo̧ma imiamenö batjo 'wibö, jubö, juwö, junö otidokobe. Jo̧kwaobetjö̧, tupakwöma öbatjonö wa̧ji̧ emobö chemowe, jö̧ba̧lö omukwatijayonö jwiakwo̧, ajayitjö ujuninokobetjö̧.

Proverbios 10:4

Ja̧danö, ju'wibi yötawa: 'Du̧wekwadöma jwibadöda tjö̧jakwedö. Jo̧bekwö tjö̧jökakwedö ba̧kwȩlö̧jatebö dösökwadöma. Ba̧kwȩlö̧jatebö dösökwadöma dösölö̧jinö tjotidobetjö̧ juna̧la̧dö tjö̧jakwedö.

Proverbios 23:21

Isabenö, jobadödanö ja̧döma, owa̧ladöbi, nöinö kwakwawa kwadöbi aba̧löda tjaba̧lobetjö̧ jwibadöda tjö̧jobe, kamisibi kȩlȩbö'ye 'dölachi̧da 'dubawö. Jo̧kwaobetjö̧ jwebebö yötawakwö: Jobadökwö pjakacha̧loko.

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.

Proverbios 20:13

Ja̧danö, ju'wibi yötawa, ökwödönö jwebebö: Aba̧löma kwaba̧laduwa wiluibaduwi, ja̧danö kwöbajaleduwima eda̧lö kwotidaduwo kwukwaduwakwa̧ nöinö kwujuna̧laduwobö.

Proverbios 24:33

Aaa, bakwo̧ma aba̧löda aba̧lö, ja̧danö ömamiju 'bibekwa̧löda wo̧ko ö'wacha̧löda ö̧bitjö̧ma