Proverbios 5:6 - Dios Iwene

⁶ Ja̧kwawa mananö, Diosnö ösödö 'yö̧kuju jobujuma. Isudada wajwibö le'dedakwawö 'yuju.

Proverbios 5:6 Referans Kwoze

Proverbios 4:26

Ja̧danö, kwi̧'yenama ö'wiyawakwawönö omukwatö kwi̧'yobö jo̧be. Jobekwö ö'wiyawakwawönö kwomukwatitjö̧ma jweinöda eda̧lö kwi̧'yena.

Proverbios 30:20

Ja̧danö, ju'wibi yötawa: Bakwuju jelo̧kwö jilekwebö̧kö̧kwö jujuma baikwö omukwatö juju: Jilekwebö̧kö̧kwö jö̧jaja̧ ikenabi kwanö, ja̧danö jukwaja̧ ikenabi jaa do̧bawö yöja̧lobe, sulabenö ja̧bö̧kujusa, jö̧ba̧lö.

Proverbios 5:21

Isabenö Jo̧ma okobe jwiinö ja̧dobema edo̧. Ja̧danö, di̧'yobema edö waiso̧, chitji̧.

Proverbios 11:19

Ja̧danö, ju'wibi yötawa: Bakwo̧, isabenö ötjöma Dios wei̧da a̧ja̧kwö chö̧jo, jö̧ba̧lo̧ma o̧'wo̧ ösöwanö lekwe ö̧jakwo̧. Jobekwö ö̧jokobe suli̧ jawada isakwo̧ma. Suli̧ jawada isakwo̧ma debö i̧'yakwo̧.

2 Pedro 2:14

Jobadö sulabenö yöbawadöma jwaikwöda tji̧lȩkwa̧muböködökwö ja̧tjotö jö̧ba̧lö isakwadö, ja̧danö öpöjödachibökönö jwaikwöda sulabenö ja̧böda ju̧kwadö. Ja̧danö, ju'wibi, jwaikwöda balada tjemotö jö̧ba̧löda omukwatadö ja̧nö, tjo̧'wo̧ luwo̧nö ina da̧peachöködönö ötjibobedanö ichejekwa, 'daliwanö tjö̧libobö. Isabenö sulabenö ja̧bö tjö̧jobe chömöledö, jo̧kwajabetjö̧ Dios lȩebakwawö̧ tjö̧jobe.

Proverbios 2:19

Jobujukwö ja̧nö jo̧ma ajayinö ö̧jinadanöma ö̧jökakwo̧. Ja̧danö, jobujukwö ja̧nö jo̧ma ajayinö o̧’wo̧ ösöwanö ö̧jinadanöma jwibo̧.

Proverbios 9:13

Salomón wanedö yöawinama baikwö laebobe: Jweinö omukwatökujuma ¿dakwö jujuda? Yötawaduwakwö: Jobuju jweinö omukwatökujuma labinö yöba̧luju, ja̧danö wajwibuju jweinö omukwatö jö̧joböma. Yelösöda ja'yubebi do̧batökuju jweinö omukwatö ja̧kwawa yötjawi̧ma.