Proverbios 4:22 - Dios Iwene

²² Jao chitji̧, ja̧ yötawi̧ma kabatibökönö kwösödo otiwanö omukwatö kwö̧jakobetjö̧. Ja̧danö, yötawi̧ma jowobu tjowi̧danö pjaatakobe ökwönöma, kwujuluwachibanö kwö̧jobö 'dö̧bachökönö.

Proverbios 4:22 Referans Kwoze

Proverbios 12:18

Ju'wibi yötawa: Ba̧kwo̧ma ömöledöso̧nö öpöjödö labinö yöa̧litjö̧ma niatakwawadanö jena ömöledöso̧nöma. Isabenö, labinö öpöjödö yötja̧li̧ma i̧sapi̧nö titjati̧danö nii̧. Jobekwömaökö jweinö omukwato̧ ösödö yöa̧li̧ma. Jweinö omukwato̧ma ösödö yöba̧lo̧, yöa̧lökwenö pjabatö. Isabenö, jo̧ba ösödö yöa̧li̧ma otiwanö, jowobu tjowi̧danö seachobe yöa̧lökwenöma, o̧'wo̧ söawinö.

Proverbios 4:10

Baikwö laebobe Salomón iteda itji̧nö möayo̧nö jwebebö yöawina jawama: Chitji̧, yötawakwö: Ökwönö jwebebö yötawi̧ma ösödö kwa̧ja̧kwobö jo̧be. Ja̧ yötawi̧ kwa̧ja̧kwitjö̧ma lekwe mölȩ kwö̧jakwo̧ja.

Proverbios 3:8

Jobekwö Isabenö Jo̧nö yebabinö omukwatö, suli̧ ja̧bökönö kwö̧jitjö̧ma otiwanö, kwujulunö kwö̧jakwo̧ja. Wanedö yötawakwö chitji̧: Jobekwö omukwatö kwö̧jitjö̧ma jowobu tjowi̧danö pjaatakobe ökwönö, kwujuluwachibanö, kwo̧'wo̧ ösöwanö kwö̧jobö.

Proverbios 4:4

ötjönö chabe'do baikwö yöbawiaijatö ötjönöma: —Chitji̧, ötjö yötawi̧ma kwomajadenö kwanawo kwomukwatakobetjö̧. Ja̧danö, jwebebö yötawi̧ma a̧ja̧kwö kwö̧jo lekwe mölȩ kwö̧jakobetjö̧ kwo̧'wo ösöwanö.

Proverbios 3:22

Ja̧danö, jobekwö kwö̧jitjö̧ma kwo̧'wo̧ ösöwanö lekwe kwö̧jakwo̧ja. Wanedö yötawakwö: La̧wo̧sopja jwiinö otiwopja kwölawobe otiwanö öwawi̧danö ökwö jweinö omukwatö kwö̧ji̧ma öwawinö kwö̧jakwo̧ja, jweinö omukwatö jo̧ jö̧ba̧lö.

Proverbios 8:35

Isabenö yötawaduwakwö: Ötjönö badekwajo̧ma lekwe mölȩ ö̧jakwo̧. Ja̧danö, ötjönö badekwajo̧nöma Isabenö Jo̧ma ösödö pjaatakwo̧.

Proverbios 16:24

Ja̧danö, ju'wibi yötawa: Tjo̧'omanö ösödö yöba̧lo̧ma yöa̧li̧ a̧ja̧kwadöma tjösödobe, otiwanö yöba̧lo̧, jö̧ba̧lö. Wanedö yötawa: Wa̧yo̧ nebö tjösödi̧danö, o̧ta, jö̧ba̧lö, tjo̧'omanö ösödö yöba̧lo̧ yöa̧li̧ma jwiinö tjösödobe. Ja̧danö, wa̧yo̧ netjaja̧ tjujuluwobö pjaati̧danö pjaatobe tjo̧'o̧manö ösödö yöba̧lo̧ yöa̧li̧ma jojodö tjujuluwachibanö.