Proverbios 4:20 - Dios Iwene

²⁰ Chitji̧, ötjö yötawi̧ma otiwanö kwa̧ja̧kwo, ja̧danö ö'wöyawakwawönö kwomukwato.

Proverbios 4:20 Referans Kwoze

Proverbios 5:1

Baikwö laebobe Salomón iteda itji̧nö möayo̧nö jwebebö yöawinama: Chitji̧, ötjö jweinö omukwatö ja̧kwawa yötawi̧ma ö'wiyawakwawönö a̧ja̧kwi. Ja̧danö, di̧ya sulojobö jö̧ba̧lö̧, di̧ya otiwojobö jö̧ba̧lö chöwaisobetjö̧, ötjö jwebebö yötawi̧ma ö'wiyawakwawönö a̧ja̧kwi.

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.

Proverbios 7:1

Baikwö laebobe Salomón iteda itji̧nö möayo̧nö jwebebö yöawinama: Chitji̧, ökwönö weti̧ma a̧ja̧kwö kwö̧jo. Ja̧danö, ötjö jwebebö yötawi̧ma kwomajadenö anawö kwö̧jo, jwiinö mikwawobe, jö̧ba̧lö.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Proverbios 22:18

Jobadö jweinö omukwatadö jwebebö yötjawina jawama kwomajadeduwi okwanö anawaduwi, ja̧ yötjawina ba̧kwȩlö̧jatebö kwomukwataduwobö. Jobekwö kwomukwataduwobetjö̧ ju'wedönö yöbawö pjakataduwakwedöja̧. Ja̧danö, ju'wedönö yöbawö pjakataduwobetjö̧ kwo̧'wo ösöwanö kwö̧jaduwakwedöja.