Proverbios 31:27 - Dios Iwene

²⁷ Jömöledönö otiwanö te'ada̧luju okobe jwiinö tju̧juna̧lobö. Ja̧danö la'akatjöda 'du̧wekwö̧kö̧ju.

Proverbios 31:27 Referans Kwoze

1 Timoteo 5:10

ja̧danö, wobekwinadötjö tjite'ada̧lakwawö̧ma sule jojodö, Bidöma otiwanö ja̧bö ji̧nadö, jö̧ba̧lö tjöwaisawö̧nöda. Ja̧ otiwanö ja̧bö tjuju̧kwina jawama baikwö yötawa: Otiwanö tji̧tji̧munö bötjatö, jelobetjö ichajadönö tjejunö tebatö, ju'wedö Jesúsnö ösödadö tjömöayujudanöbujusa jö̧ba̧lö pjabatö, usula emawadönö pjabatö, ja̧danö jwaikwöda okobe jwiinö otiwanö ja̧awa ja̧bö. Jejenö ja̧bö ji̧nadö ya̧dö tji̧lȩkwa̧munö wobekwinadönöda kwujuno, Jesúsnö ösödadö tjite'ada̧lawö̧, jö̧ba̧lö

Tito 2:4

Jau Tito, jobadö ya̧dö damöbedöma ya̧dö ina möayedödanö ja̧dönö tjöba̧ja̧do baikwö: Bakwujukwena otiwanö tjilekwekwena ösödö tjö̧jobö, ja̧danö otiwanö tji̧tji̧mukwena ösödö tjö̧jobö,

Proverbios 14:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Bakwuju, jweinö omukwatö jujuma otiwanö omukwatuju. Ja̧danö, otiwanö omukwatö jö̧jobetjö̧ jilekwe, ja̧danö jitji̧mu̧, ja̧danö okobe deinö jejunö ju̧kwadöma otiwanö ju̧kwadö, wene jwiinö. Jobekwö otiwanö tjö̧jokobe jweinö omukwatökönö juju jömöledöma. Jobuju jweinö omukwatökönö jujuma omukwatökönö sulabenö jö̧jobetjö̧ jilekwenö, ja̧da̧nö ji̧tji̧mu̧nö, ja̧danö okobe deinö jejunö ju̧kwadönö wene jwöjebakwuju.

2 Tesalonicenses 3:6

Chömöledö, ökwödö Jesúsnö ösödadötjö ju'wedö tjuju̧kwobe, döba̧ja̧dina a̧ja̧kwökönö 'dö̧wekwachibö ju̧kwadöma. Duluwo̧ Jesucristo iminö wedaduwakwö, okobe deinö jejenö ja̧bö ju̧kwadö Jesúsnö ösödadötjö 'da̧bachibö kwö̧jaduwo jö̧ba̧lö.

1 Tesalonicenses 4:11

Ja̧danö, wene jwiinö kwö̧jaduwobö kwisakwaduwo chömöledö, ja̧danö kwomukwataduwo jö̧ka̧laduwi̧da omukwatö kwö̧jaduwo, ja̧danö kwakwawa jawa kwo̧'wo̧li̧ jawa otidö kwö̧jaduwo, belö ökwödönö wedinadanö.

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.

Proverbios 31:28

Ji̧tji̧mu̧ma jobujunö jwiinö ösödö, dojo'doma jwiinö otiwanö omukwatuju, jö̧ba̧lö, yötja̧loko. Ja̧danö, jilekwebi jobujunö ösödö, otiwanö omukwatuju chilekwoma, jö̧ba̧lö, yöa̧loko.

Proverbios 31:14

Ja̧danö, wanedö yötawa: Jobujuma isowi nöowi, ödötjö kwakwawa ichejebowidanö wanekwachuju, ödötjö ichejebö kwakwawa emö ji̧'yobetjö̧.