Proverbios 31:22 - Dios Iwene

²² Ja̧danö, kamapjo muchekwado̧bi otiduju. Ja̧danö, isuda jökamisima jwiinö otiwi̧ jawa, nöinö mikwawi̧ jawa lino mikwi̧tjö bukwö 'dubawuju, ö'du̧wado̧.

Proverbios 31:22 Referans Kwoze

Apocalipsis 19:8

Yelösöda otiwanö 'dujawajabe, Dios jejenö otiwanö 'dujawobö weobetjö̧. Jökamijido̧ma jwiinö otiwado̧. Salöinö dewado̧. Bakwai̧ linotjö otikwado̧. Ja̧do̧ bakwai̧ linotjö otikwado̧ma, Dios ömöledö babibinadö, Dios öba a'otjö suli̧ jwiinö, otiwanö tjö̧ji̧ wanekwachobe, jö̧ba̧lö jwötjeba̧li̧ cha̧ja̧kwijatö.

Proverbios 7:16

Ja̧danö, sabana'wiju duwa'wo, ö'dö̧wa'wo, Egiptotjö tjichejebina o'wiju chu̧kwa kamapjo wame debatö chumuchebajabe, jwiinö otiwi̧ jawa o'wiju, linotjö tji̧ti̧lina o'wijuma.

Génesis 41:42

Jejenö jö̧ba̧lö, faraónma ötjö'asa̧ko̧ dilekwö José ötjö'anö nönijetö. Ökamisibi otiwa jawa kamisi iyijetö 'duawobö. Lawobi orotjö otikwama nönijetö Josénö.

Apocalipsis 19:14

Ja̧danö, jo̧ba ökömanö ba̧jekwadö 'bötjabikwawakwedönö chedijatö, ka̧ba̧yu̧dö dewadö tjoma'anö 'ya̧dönöma. Jobadöma kamisi jwiinö otiwi̧ salöinö dewi̧ o̧do̧ 'dubawadö.

1 Pedro 3:3

Ja̧danö, ökwödö ya̧dö otiwanö kwotikwaduwobö jo̧be chömöledö. Jo̧kwaijayonö ja̧ otiwanö kwotikwaduwo yötawi̧ma, wame jawamaökö, tjöwö'ye otikwawa, ja̧danö sasiyu orotjö otikwayu nönakwawa, ja̧danö otiwado̧ 'duawakwawa jawama.

Jueces 8:26

Jemi ikenama tjiyaja̧ oro tjöninobe, dokwa nöinö ömökojobö jö̧ba̧lö, ja̧danö Gedeon aebaja̧danö tjiyaja̧ oroma, diecinueve kilo jenanö ömökinobe. Ja̧danö ju'wibi nöinö oro tjeminobe ja̧ möle, madianitas jojodötjö luwedö tjöni̧ jawabi, tja̧jwi̧mu kameyudönö tjulume'anö tjö̧ni̧ jawabi, ja̧danö juwibi inesö nöinö mikwawi̧ luwedö 'dutjawi̧ ka̧miji̧do̧bi tjeminobe.

Lucas 16:19

Jesúsma wanedö yöawinobe du̧ju̧tajanö, usulaso̧nöbi, balada luwo̧nöbi. Baikwö wanedö yöawinobe: —Bakwo̧ balada luwo̧ma ö̧jinobe. Jo̧ba balada luwo̧ma kwakwawatjöbi, 'duawakwawatjöbi otiwanö ö̧jinobe. Nöinö ujuna̧lobetjö, ba̧kwȩlö̧jatebö jwiinö otiwado̧ 'dubawö ö̧jinobe, ja̧danö möletenia jwiinö söi̧ kwakwawa kwanö ö̧jinobe.