Proverbios 31:16 - Dios Iwene

¹⁶ Ikenama, niji tjiyemima 'ya̧nö eduju. Ja̧danö, jemima edö, otiwemi, jö̧ba̧lö jösöditjö̧ma mido jemena. Jemima jujunobö midö emuju isuda jotidaja̧ tjiyina mikwa baladanö. Ja̧danö, jemima jöbatjonöma uba jujunakwuju.

Proverbios 31:16 Referans Kwoze

Mateo 13:44

Tupakwö wanedö yöawinobe Jesúsma: —Baikwö wanedö yötawa mölejȩbe jo̧ la'aka luwo̧ ö̧jena jawama: Jojoma ka̧putjö inesö mikwawi̧ jawa öbadekwajinobe, ju'wedö ajayinö tojö tjujunina jawama. Jejenö badekwajo̧, yemidanö tojö, o̧'wo̧ ösöwachibanö okobe jwiinö ujuna̧li̧ mikwanö iyö lobajo̧, ja̧ ka̧pu midö eminobe, öbadekwajina jawa, inesö mikwawi̧ jawa ujuna̧lakobetjö̧.

Josué 15:18

Ja̧danö Acsa Otonielnö jemenama, jilekwenö yöja̧linobe, —Chabe'do Calebnö niji adebo, —jö̧ba̧lö. Ja̧danö, jabe'do ö̧jobekwö 'ya̧ju, jajwi bulo oma'atjö mejibenama, jabe'do Calebma abebö a̧ja̧kwinobe, —Chitiju, taji kwösöda? —jö̧ba̧lö.

Proverbios 31:15

Otiwanö te'ada̧luju jömöledönöbi, jömayedönöbi otiwanö tjukwobö. Dewachakwa̧ abönö wilubö otiduju jömöledö tjukwakwa̧bi, jömöayedö ya̧dö tjukwakwa̧bi.

Proverbios 31:17

Isabenö juluwuju, ba̧kwȩlö̧jatebö dösölö̧jinö, labinö otiduju. Jöjabiyabi juluwuju ba̧kwȩlö̧jatebö labinö jotidobetjö̧.

Proverbios 14:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Bakwuju, jweinö omukwatö jujuma otiwanö omukwatuju. Ja̧danö, otiwanö omukwatö jö̧jobetjö̧ jilekwe, ja̧danö jitji̧mu̧, ja̧danö okobe deinö jejunö ju̧kwadöma otiwanö ju̧kwadö, wene jwiinö. Jobekwö otiwanö tjö̧jokobe jweinö omukwatökönö juju jömöledöma. Jobuju jweinö omukwatökönö jujuma omukwatökönö sulabenö jö̧jobetjö̧ jilekwenö, ja̧da̧nö ji̧tji̧mu̧nö, ja̧danö okobe deinö jejunö ju̧kwadönö wene jwöjebakwuju.