Proverbios 31:15 - Dios Iwene

¹⁵ Otiwanö te'ada̧luju jömöledönöbi, jömayedönöbi otiwanö tjukwobö. Dewachakwa̧ abönö wilubö otiduju jömöledö tjukwakwa̧bi, jömöayedö ya̧dö tjukwakwa̧bi.

Proverbios 31:15 Referans Kwoze

Romanos 12:11

Kwotidaduwi̧ma otiwanö kwotidaduwo, nuwelö̧jachibökönö, ja̧danö jwaikwöda Duluwo̧ Dios wei̧ ja̧bö kwö̧jaduwo, kwomajadeduwinö Diosnö ösödö.

Lucas 12:42

Abebö a̧ja̧kwökwe Jesúsma atadö wanedö yöawinobe: —Chömöledö, la'aka luwo̧ ömöayo̧ otiwanö iteda uluwo̧ wei̧ ja̧bö ö̧ji̧danö kwö̧jaduwo. Baikwö wanedö yötawa: Bakwo̧ la'aka luwo̧ma, jelobe i̧'yakwa̧ abönö iteda ömöayedötjö bakwo̧nö weinobe, iteda eju jawa ite'ada̧lobö, ja̧danö ju'wedö uluwo̧ ömöayedönö te'ada̧lö, tju̧kwa kwakwawa tjukwo jö̧tja̧lena iyobö.

Marcos 1:35

Ju'wi dewachöma Jesúsma yötedaayi labebijetö. Labeibö jojodö deobekwö 'yi̧jetö Diosnö aebobö. Ichibö Diosnö abebijetö.

Proverbios 20:13

Ja̧danö, ju'wibi yötawa, ökwödönö jwebebö: Aba̧löma kwaba̧laduwa wiluibaduwi, ja̧danö kwöbajaleduwima eda̧lö kwotidaduwo kwukwaduwakwa̧ nöinö kwujuna̧laduwobö.

Josué 3:1

Jemi ikena möle yȩayi, Josuebi okobe deinö ju'wedö israel jojodöbi a̧la̧ibö Sitintjö labebö tji̧'yinobe Jordan mikwödö ö'öböbe. Ja̧danö, ojwe petjibakwedö, jobe petjibobö tjiteada̧linobe.

Mateo 24:25

Jau chömöledö, ja̧ baledakwa̧ abönö, ökwödönö yötawajabe kwöwaisaduwobö.

Proverbios 31:16

Ikenama, niji tjiyemima 'ya̧nö eduju. Ja̧danö, jemima edö, otiwemi, jö̧ba̧lö jösöditjö̧ma mido jemena. Jemima jujunobö midö emuju isuda jotidaja̧ tjiyina mikwa baladanö. Ja̧danö, jemima jöbatjonöma uba jujunakwuju.