Proverbios 3:5 - Dios Iwene

⁵ Ja̧danö, ju'wibi jwebebö yötawakwö: Chitji̧, Isabenö Jo̧nöda kwo̧'wo̧ wa̧na̧lö kwö̧jo. Okobe jwiinö kwomajadenö jo̧banöda kwo̧'wo̧ wa̧na̧lö kwö̧jo. Ökwö jojo kwomukwati̧damaökö chitji̧, Isabenö Jo̧nöda kwo̧'wo̧ wa̧na̧lö kwö̧jo.

Proverbios 3:5 Referans Kwoze

Proverbios 28:26

Ju'wibi yötawa: Bakwo̧ma itedada omukwati̧ma ba̧kwȩlö̧jatebö ösöditjö̧ma, otiwa, jweinöda omukwato̧sa jö̧ba̧lö, jweinö omukwatokobe. Ja̧danö, ju'wibi yötawa: Jweinö omukwatö jo̧ma labi̧ jawa baledi̧tjö ö̧jibakwo̧.

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Proverbios 3:7

Ju'wibi yötawakwö chitji̧: Kwomukwatoko, ötjöma jwiinö waiso̧sa, jö̧ba̧lö. Jobekwödanömaökö chitji̧. Isabenö Jo̧nö yebabinö omukwatö kwö̧jo. Ja̧danö, suli̧ jawa öpöjödö kwö̧jo.

Romanos 12:16

Okobe deinö kwömöledöduwinö bakweminö dösölö̧jinö ja̧bö kwö̧jaduwo. Ja̧danö, Otiwadösa, jö̧ba̧löma kwomukwataduwoko, ja̧danö ju'wedönöma, Mikwawöködö, jö̧ba̧löma kwomukwataduwoko, jo̧kwadabedönöma. Okobe deinö kwömöledöduwinöma bakweminö ösödö kwomukwataduwo, ja̧danö, Aaa, waisadösa, jö̧ba̧löma kwomukwataduwoko.

Proverbios 22:19

Chömöledö, babema jweinö omukwatadö jwebebö yötjawina jawa yötawobe ökwödönöma, Isabenö Jo̧nö kwo̧'wo̧ wa̧na̧lö kwö̧jaduwobö.

Diosnö ösödo̧ Job mikwo̧ usula emawina jawa 13:15

Jau chömöledö, yöta̧li̧ öpöjödö kwabö loena Diosma, jo̧kwaijayonö yayonö jo̧banö ösödö, jweinö yöta̧locha. Jweinö döbabiyakwena jo̧banö yöba̧lö, chö̧ji̧ jawa labebö lobö yöta̧lobö chösöda, –Isabenö kwöpöjödi̧nö ja̧bö̧kö̧sa, –jö̧ba̧lö.

Proverbios 23:4

Jemi ikena jweinö omukwatadö yötjawinama baikwö laebobe: Isabenö yötawakwö: Balada nöinö kwemobö kwösödobetjö̧ nöinö, ö'wachökönö kwotidena ¿jö̧tö̧? Jwebebö yötawakwö: Jobekwö balada nöinö kwujuna̧lobö ö'wachökönö kwotidoko kwime'dawachibapji jö̧ba̧lö. Jweinö kwomukwato, ö'wachökönö kwotidoböma kakatibo.

Efesios 1:12

Ja̧danö, Diosma ökwödö judío jojodönö, abönö Cristonö ösödinadönöma 'da̧batö junijetö itenöda ösödanö yöbawadö badibobö, Diosma jwiinö otiwo̧, jö̧ba̧lö.