Proverbios 3:4 - Dios Iwene

⁴ Jobekwö kwö̧jitjö̧ma, Diosbi, jojodöbi ökwö kwö̧jobe edinö tjösödakobe kwö̧ji̧ma, otiwanö omukwatö jo̧ jö̧ba̧lö.

Proverbios 3:4 Referans Kwoze

Lucas 2:52

Ja̧danö Jesúsma otiwanö da̧peachöbi öda̧peachinobe, waisakwawa waisachöbi otiwanö öwaisachibinobe. Jo̧kwajabetjö̧ Diosbi, jojodöbi otiwanö omukwatö Jesúsnö tjösödinobe.

Romanos 14:18

Jau chömöledö, dö̧ja̧wo̧dö töbö metjapji jö̧ba̧lö te'ada̧lakwawö duju̧kwaduwo. Jejenö te'ada̧lakwawö ja̧nö Cristo wei̧ ja̧bö dö̧jitjö̧ma, Diosma ösödena, ja̧danö ju'wedöbi ökwödönö tjösödena, Otiwanö ja̧bö ju̧kwadö, jö̧ba̧lö.

1 Samuel 2:26

Ja̧danö, Samuelma otiwanö öda̧peachinobe, ja̧danö Isabenö Jo̧ öba a'otjöbi, jojodö tjöba a'otjöbi otiwanö ja̧bö ö̧jiawö, Diosbi jojodöbi Samuelnö tjösödinobe, otiwanö ja̧bö jo̧ jö̧ba̧lö.

Génesis 39:21

Jejunö ö̧jijayonö Isabenö Jo̧ Diosma Josénö pjabatö, lȩlö̧jinö edijetö. Ja̧danö, jeju okwa ba̧jadönö te'ada̧lo̧ma Josenö otiwanö edobö pjabatijetö Isabenö Jo̧ Diosma.

Hechos 2:47

Kabatökönö, Diosma otiwanö jo̧, jö̧ba̧lö, ju̧kwiabijadötö. Ju'wedö jobe ju̧kwadöma tjo̧'wo̧ ösödinö edijadötö jobadönöma. Ju'wi möle jwiinö Duluwo̧ma ju'wedönöbi, ju'wedönö tjö̧jibinö pjaatawö̧ batjibanö pjabatijetö.

Daniel 1:9

Dios pjaatobetjö̧, Aspenazma Danielnö ösödinobe, ja̧danö lȩlö̧jinö edinobe Danielnö,

2 Corintios 8:21

Jo̧kwajabetjö̧ otiwanö dotidobö disakwobe chömöledö, Duluwo̧ma edö otiwanö otidadö jö̧ba̧lö edakobetjö̧. Jau chömöledö, Duluwo̧ öba a'otjö otiwanö dotidobö disakwobe, jo̧kwaijayonö ja̧damaökö. Ju'wibi jojodö tjöba a'otjö otiwanö dotidobö disakwobe, okobe deinö jojodöbi edö dotidi̧ tjöwaisakobetjö̧, tjotido jö̧tja̧li̧danö isabenö otiwanö otidadö jö̧ba̧lö.

Proverbios 8:35

Isabenö yötawaduwakwö: Ötjönö badekwajo̧ma lekwe mölȩ ö̧jakwo̧. Ja̧danö, ötjönö badekwajo̧nöma Isabenö Jo̧ma ösödö pjaatakwo̧.

Proverbios 12:2

Ja̧danö, ju'wibi yötawa: Isabenö Jo̧ma jwiinö ösödobe otiwanö omukwatadönöma. Jo̧kwaijayonö ösödokobe sulabenö omukwatadönöma. Jao, Isabenö Jo̧ma jwiinö öpöjödobe sulabenö omukwatadönö, ju'wedönö sulabenö tjöwaedakwa̧ jawa omukwatö tjo̧'wo̧ junadönöma. Isabenö Jo̧ma lȩtebocha jö̧ba̧lö jwiinö öpöjödobe jobadönöma.

Proverbios 13:15

Ja̧danö, ju'wibi yötawa: Jojodöma otiwanö omukwato̧nö ösödadö, waiso̧, jö̧ba̧lö. Ja̧danö, ju'wibi yötawa: Jojodö tjo̧ma'apekwönö omöna yöba̧lo̧ma itedada wene jwöekwakwo̧.

1 Samuel 2:21

Ja̧danö, Eli aebi̧danö pjaatinobe Isabenö Jo̧ma, Ananö lȩlöinö edö, ji̧tji̧mu ömadönö wamedukwanöbi, ji̧tji̧mu ya̧dönö du̧ju̧tajanöbi 'yajebinobe. Ja̧danö, jitji̧ Samuelma Isabenö Jo̧ öba a'o ja̧nö ö̧da̧peachinobe.