Jau Timoteo, kwöwaisa, Duluwo̧ ömöayedöma jwöjwötjakwawobö jwibadö, ¿jö̧tö? Jwöjwöbakwawökönö, okobe deinö jojodönö dösölö̧jinö yötja̧lakwawobö jo̧be Duluwo̧ ömöayedöma. Jau Timoteo, Duluwo̧ ömöayedöma okobe deinö jojodönö dösölö̧jinö yötja̧lobö jo̧be. Ja̧danö ju'wibi, jojodönö tjöba̧ja̧dobö jo̧betjö̧, otiwanö jojodönö Dios iwene ba̧ja̧dakwawa tjöwaisachobö jo̧be, jweinö tjöba̧ja̧dakobetjö̧. Ja̧danö ju'wibi, jojodö jobadönö sulabenö ja̧tjenama o̧'wo̧ 'dibachibö tjöbaledobö jo̧be.
Proverbios 3:30 - Dios Iwene30 Ju'wibi jwebebö yötawakwö: Bakwo̧ ökwönö suli̧ öwaedokobetjö̧ ölakwabikwawönö jwökeba̧loko jo̧banöma. Jo̧banö jwökeba̧lobö jwiya chitji̧, ökwönö sulabenö öwaedokobetjö̧. Gade chapit la |
Proverbios 3:30
10 Referans Kwoze
Ja̧danö, ju'wibi yötawa: Jweinö omukwatö̧kö̧ma yöa̧lena yöa̧lawö̧ma jo̧bakwö nöinö wene tju̧juna̧lobe. Yelösöda, ölakwabikwawö, ja̧danö jo̧banö jwöbeba̧lö tjöpöjödobe, sulabenö yöba̧lo̧, jö̧ba̧lö. Isabenö, jo̧ba jweinö omukwatö̧kö̧ma sulabenö yöa̧lobetjö̧ itedada wene jwöbekwo̧. Yöa̧lawö̧ma jwiinö öpöjödö tjo̧'wo̧ sulachibobetjö̧ kwakwatjobö aeba̧li̧danö itedada AEKWOBEDANÖ abeba̧lo̧, jweinö omukwatö̧kö̧ma.
Ja̧danö, ju'wibi yötawa, wanedö: Ojwe tjöekwemi ojwiyo ja'yubeda ebawobe. Ja̧danö, jemi dadö tju̧tumökötjö̧ma ojwiyoma nöinö ebawibö pjolachaibakobe ¿jö̧tö̧? Te'ada̧lökönö jemima dadö tju̧tumobö jo̧be. Isabenö yötawa: Ja̧ tju̧tumi̧danö jojodöma jamatö jwöjwötjakwawena te'ada̧lökönö katjatakwawobö jo̧be jwiinö tjölakwabikwawapji jö̧ba̧lö. Isabenö, ojwe pjolachibapji jö̧ba̧lö juluwanö tju̧tumi̧danö jojodöma jamatö jwöjwötjakwawena juluwanö katjatakwawobö jo̧be, jwiinö tjölakwabikwawapji jö̧ba̧lö.
Ja̧danö, ju'wibi yötawa: Bakwo̧ ju'wedö wene juna̧la̧dö jwötjeba̧lakwawena, iteda jawamaököjayonö jwöbeba̧lö teachitjö̧ma jweinö omukwatokobe. Jo̧ba jawamaököobetjö̧ ¿dakwö jwöbeba̧lö teachoböda? Jwiyobe, teachoböma. Wanedö yötawa: Jo̧ba wene juna̧ladö jwötjeba̧lemi tebacho̧ma yelösöda jweinö omukwatokobe. Bakwo̧ awilinö, mananö baledibo̧nö ölakiyunö bö'ödo̧ jweinö omukwatöködanö jweinö omukwatokobe.
Ja̧danö, ja̧ wanedö yöta̧laja̧danö, baikwö yöta̧lakwö Amasias: Ökwöma isabenö Edom jojodönö kwujuluwajabe, ja̧danö jobadönö kwujuluwajobetjö̧, kwomajadenö, –Juluwo̧sa, –jö̧ba̧lö omukwato̧ bakibajabe, ja̧danö ju'wedönöbi kwujuluwobö kwomukwatajabe. Jobekwö kwomukwatoko Amasias, Edom jojodönö juluwajo̧, –Otiwa, –jö̧ba̧lö, jemi tupakwö kwujuluwobö isakwökönö, kwitebonö kwö̧jo. Jau Amasias, wene isakwö, ötjökwö kwölakwabikwawobö kwisakwoko, ötjökwö kwölakwabikwawobö kwisakwitjö̧ma, isabenö kwöwaekwakwo̧ja, ja̧danö ökwödamaökö, ju'wedö kwömöledö Juda jojodöbi tjöwaekwakwedö. Dölakwabikwawoko Amasias, —jö̧ba̧lö atadö yöa̧linobe Yoasma.
Piblisite