Proverbios 3:20 - Dios Iwene

²⁰ Ja̧danö, jo̧bama waiso̧obetjö̧ jwai balawa niji teebetjö laebi̧danö dötewanö loobö weinobe. Ja̧danö, weinobe ojwiyo'wotjö ojwiyo o̧bobö. Okobe jwiinö waiso̧ Isabenö Jo̧ma.

Proverbios 3:20 Referans Kwoze

Génesis 7:11

Ja̧ o̧ba, Noé seiscientos a̧yo̧ ujuna̧lina o̧bama, ja̧wo̧dö du̧ju̧taja tjöbaledaja̧ bajalekwö diecisietenö möle baibena jwai balawa okwatijetö böjȩnöma. Niji 'wabachibö, ojwiyo niji okwatjö döi̧danö okwatibijetö. Ja̧danö, mölejȩbetjöbi nöobu o̧bijetö, jwai balawa okwatinö.

Génesis 27:28

Chitji̧, Diosma si̧li̧'i̧dö tjo'yoli weakwo̧, ku̧kwa pokwi̧ tiyudobö. Ja̧danö, kwöbatjonö otiwanö pökwi̧bi pokwobö pjaatakwo̧. Kwakwawabi nöinö, ubabi, ubasobu yu'yöawobubi nöinö pokwinö baibanö pjaatakwo̧.

Génesis 1:9

Ikenama: —Niji öwawachö, jwai balawa öibajinö babibi, bakwödöda baibanö— jö̧ba̧lö webijetö Diosma. Jejenö baibijetö, Dios wei̧danö.

Deuteronomio 33:28

Jo̧kwajabetjö̧, israel jojodöma wene jwiinö tjö̧jobe, Jacob itji̧mu tupadanö jojodöma labokobe otiwanö tjö̧jobe. Israel nijima, si̧li̧'idö ti'oli otiwanö tjoduwemi, ja̧danö trigojaye waji̧bi, ubasobubi nöinö jȩmi niji̧.

Proverbios 8:24

Ötjö, jweinö omukwatö ja̧kwawa wanekwachujuma jwai balawa ina jwiyayi ida̧ökö Isabenö Jo̧ ötjönö 'yata̧lobö ujuninokosa. Ja̧danö, ojwese'diju, ojwiyo okwati̧ e'dijubi, ina jwiyayi ida̧ökö Isabenö Jo̧ 'yata̧lobö ujuninokosa ötjönöma.