Proverbios 29:21 - Dios Iwene

²¹ Ja̧danö, ju'wibi yötawa, wanedö: Bakwo̧ tjuluwo̧ma tjȩmunö midö eminobe, iteda ömöayo̧ ö̧jobö. Ja̧danö, midö eminökwema tjȩmutjö̧ ja̧tebö okobe jwiinö uluwo̧nö aeba̧li̧ma uluwo̧ma ba̧kwȩlö̧jatebö iyinobe. Jobekwö ba̧kwȩlö̧jatebö aeba̧li̧ iyobetjö̧ ju'winö pöe ö̧jenama o̧'wo sulinö edö okobe jwiinö uluwo̧ iteama önaukwakwo̧.

Proverbios 29:21 Referans Kwoze

Proverbios 29:20

Ja̧danö, ju'wibi yötawa: Waisanö omukwatö̧kö̧nöma Dios pjaatoböma jobe, 'diokobe. Jo̧kwaijayonö Dios pjaatoböma jwiyobe jelo̧nö, juluwanö omukwatökönö yöba̧lo̧nö. Jo̧banö, juluwanö omukwatökönö yöba̧lo̧nö Dios pjaatoböma jwiinö 'diobe. Isabenö, 'diobe juluwanö omukwatökönö yöba̧lo̧nö pjaati̧ma, waisanö omukwatö̧kö̧nö pjaatitjö̧ bajalekwönönö 'diobe.

Proverbios 29:22

Ja̧danö, ju'wibi yötawa: Bakwo̧ juluwanö dameakwö jo̧ma ju'wedökwö wene tjuna̧lobö isakwo̧. Ja̧danö, jo̧ba dameakwabo̧ma ju'wi jawabi ju'wi jawa sulabenö ja̧bö jo̧, ba̧kwȩlö̧jatebö.

Génesis 15:3

Ja̧danö, chitji̧nö kwiyokobetjö̧ jo̧bada, chömöayo̧da, chejunö chöbötatinökweda okobe jwiinö chiteaaja̧ma ö̧jibakwo̧— jö̧ba̧lijetö Abramma Isabenö Jo̧ Diosnö.

Proverbios 29:15

Ja̧danö, ju'wibi yötawa: Tjemu sulabenö omukwatö ja̧enama abe'do, ojo'do jwebebö, kwabö yötjawobö jo̧be. Jobekwö jwebebö kwabö yötjawitjö̧ma öwaisachibena, jweinö omukwatö ö̧jakwobetjö̧. Jobekwö baledökakobe tjȩmunö, abe'do ojo'do jwebebö kwabö yötja̧wökökwenöma. Tjemuma iteda ösödi̧da sulabenö omukwatö ja̧bo̧nö, abe'do, ojo'do jwebebö kwabö yötjawökötjö̧ma sulabenö omukwatö ö̧jakwo̧. Jobekwö ö̧jobetjö̧ ojo'doma jwiinö tabakwujuda jö̧jakwuju.

Proverbios 30:23

Ju'wibi: Bakwuju, jojodö tjöpöjödokoma bajaliyanö jilekwenö jemobe edö jwiinö tjöpöjödobe jojodöma. Ju'wibi: Bakwuju la'aka luwuju jömöayujuma, isuda juluwuju jö̧bemi tebachibö webuju baibanö bujunö edö jwiinö tjöpöjödobe jojodöma. Jobekwö laebobe ö'wejemu jawa baledi̧ jawama, böjȩ okobe deinö ju̧kwadöma jwiinö tjöpöjödi̧ jawa.

Lucas 7:2

Jobe bakwo̧ Roma jojodötjö guardia luwo̧, cienbedö guardia jojodö tjuluwo̧ma ö̧jinobe, ja̧danö jo̧ba ömöayedötjö bakwo̧ jwiinö ösödökwe ömöayo̧ma nöinö ö'wöchinobe, ö'wö baibenanö.

Lucas 16:3

Yöa̧liökwe, ömöayo̧ te'ada̧lakwawa luwo̧ma omukwatinobe itedada, Ayö, babema ¿dakwö ja̧takwajö kwakwawa chemoböma? Isabenö juluwö̧kö̧sa, 'diinö otidö balada chemoböma, ja̧danö jojodönö abeba̧lö chö̧joböma chötabakwobe. ¿Dakwö ja̧takwajö?

1 Timoteo 5:6

Jo̧kwaijayonö, jilekwe wobekwinuju Diosnö jo̧'wo̧ wana̧lökönö jwaikwöda jösödi̧da isakwujuma, ina 'yaba̧luju jö̧jijayonö, jo̧'wo̧ luwo̧nö wobinujudanö jichejekwa, ja̧danö Dios ömöledö jobujujayedönö tjite'ada̧loböma jwiobe.