Proverbios 28:8 - Dios Iwene

⁸ Ju'wibi yötawa, wanedö: Bakwo̧ balada balewo̧ma, öbalewajawö̧nöma bajalekwönönö tjebatö tji̧midobö aebobe. Jobekwö aebobetjö̧ nöinö balada emobe, balada luwo̧ baibanö. Isabenö yötawa: Ju'winö jo̧ba u̧kwa baladama jelo̧ ujuna̧lakobe, balada jwibadönö lȩ lö̧jinö edö pjabato̧da.

Proverbios 28:8 Referans Kwoze

Proverbios 13:22

Ja̧danö, ju'wibi yötawa: Otiwanö omukwato̧ma debö i̧'yakwa̧ abönö balada ujunibakwa̧ yöbawo̧, ö'dö̧dö tjȩmakwa̧ baladama. Jobekwömakö sulabenö omukwato̧ baladama. Sulabenö omukwato̧ma debö i̧'yaja̧ ikena jo̧ba u̧kwa baladama Dios wei̧ a̧ja̧kwadöda emibadö.

Éxodo 22:25

Ju'wi wanedö yötawa: Ötjö chömöledötjö jwibo̧nö balada kwöbalewaduwitjö̧ma ja̧ kwöbalewaduwaja̧ bajalekwönönö imidoma akeba̧laduwoko. Ju'wedö balada balewadöma jejenö sulabenö atjebali̧danö akeba̧laduwoko.

Proverbios 14:31

Ja̧danö, ju'wibi yötawa: Usula jojodönö lȩlö̧jinö edökönö labo̧ma Diosnöda sulabenö labo̧, jobadö usulasedönö otidinanöma. Jobekwö jö̧kö̧ usulasedönö otiwanö pjabatö edo̧ma. Usula jojodönö otiwanö pjabatö edo̧ma Diosnö otiwanö edo̧, juluwo̧, jö̧ba̧lö.

Proverbios 19:7

Ja̧danö, ju'wibi yötawa: Isabenö, okobe deinö tjöpöjödobe jwibo̧nö, yö̧ne ömöledöbi. Ja̧danö, jo̧ba yö̧ne ömöledöbi tjöpöjöditjö̧ma ¿dakwö tjösödoböda yö̧ne ömöledöböködöma? Tjöpöjödobe jo̧ba jwibo̧nöma jo̧ba ö̧jobekwö 'yö̧könö. Ja̧danö, jwibo̧ma ömöledönö yöa̧lobö isakwijayonö deobe jo̧banö ösödo̧ma.

2 Samuel 12:6

Jelo̧ ajwinö önaukwajabema, nöinö tjebatö imidobö jo̧be, obeja bakwujunö önaukwajabema, ö'wejemubedö obejadönö tjeatobö jo̧be, lȩlöinö edökönö, sulabenö jelo̧ usulaso̧ ajwinö önaukwinobetjö̧, —jö̧a̧linobe Davidma.

Proverbios 14:21

Ja̧danö, ju'wibi yötawa: Bakwo̧ ipjeanö jo̧nö, jwibo̧nö öpöjödo̧ma sulabenö omukwatö jo̧. Isabenö, jwibadönö lȩlöjinö edö pjabato̧ma o̧'wo̧ ösöwanö jo̧.