Proverbios 28:10 - Dios Iwene

¹⁰ Ja̧danö, ju'wibi yötawa, wanedö: Sulabenö omukwatadöma otiwanö omukwatadönö sulabenö ötjibobe jelobekwö omukwatö sulabenö ja̧tjobö. Isabenö yötawa: Jobekwö sulabenö öbibadöma idönöda wene jwötjebakwedö. Jobadöma 'daliwa tjö̧naja̧nöda tjö̧li̧bakwedö, idönöda sulabenö badekwachawö̧ jö̧ba̧lö. Jobekwö badekwachokobe jweinö yöba̧lö otiwanö omukwatadönöma. Jobadö otiwanö omukwatadönöma otiwanö badekwachawö̧.

Proverbios 28:10 Referans Kwoze

Proverbios 26:27

Ja̧danö, ju'wibi yötawa, wanedö: Bakwo̧ laju soobe, öpöjödökwe meobö. Jobekwö meobö omukwatijayonö itedada mebo̧ soajaju okwa. Ju'wibi yötawa: Bakwo̧ öpöjödökwenö kwabö looböma inawa nöawa mö'ösa'o bajaletjö jibö döbebo̧, labinö böleinö. Jobekwö öpöjödökwenö kwabö loobö omukwatijayonö jawanöma itedada 'dabo̧.

Gálatas 2:4

Jau chömöledö, ajayinöma ju'wedö Jesúsnö ösödöködöma Jesúsnö ösödöködötjijayonö, Jesúsnö ösödadödanö ichejekwö ökwödö Jesúsnö ösödadö dö'da̧de tjichibinobe, Cristo Jesúsnö ösödadö dö̧ji̧, Cristo Jesús midawö woinobetjö̧ Moisés iwȩyudina jawatjö dö̧jibina tjedo jö̧ba̧lö. Jobadöma ökwödönö suli̧ tjöwaedotö jö̧ba̧lö, yemidanö Moisés iwȩyudina jawatjö ömöayedödanö badibanö ja̧tjotö jö̧ba̧lö tjichinobe chömöledö,

Mateo 6:33

Jo̧kwajabetjö̧ ja̧ jawa omukwatökönö kwö̧jaduwo chömöledö. Ja̧ jawa omukwatökönö jwaikwöda Dios la'aka luwo̧ ö̧jakwa̧ jawada isakwö kwö̧jaduwo. Ja̧danö chömöledö, jwaikwöda Dios la'aka luwo̧ ö̧jakwa̧ jawa isakwö kwö̧jaduwiökwe, Kwabe'doma isabenö ökwödönö ite'ada̧lakobe. Jau chömöledö, kwakwawabi, owawabi, 'dukawaduwakwa̧bi jo̧bada ökwödönö te'ada̧lö iyakobe.

Proverbios 15:6

Ja̧danö, ju'wibi yötawa: Dios wei̧ a̧ja̧kwö ju̧kwadöma tjeju okwa nöinö mikwawi̧ jawa juna̧la̧dö. Ja̧danö, sulabenö omukwatadöbi juna̧ladö, sulabenö ja̧tjinatjö̧ tjȩmina jawa. Jobekwö sulabenö ja̧tjinatjö̧ nöinö tju̧juna̧lobetjö̧ wene nöinö tju̧juna̧lakwedö.

Apocalipsis 2:14

Chömöledö, otiwanö kwö̧jaduwijayonö ja'yubeda jo̧be, chöpöjödi̧ma. Ökwödötjö ju'wedöma jelobekwöda omukwatö ja̧köbaduwobe. Ja̧ omukwatö ja̧köbaduwi̧ma yelösöda chöpöjöda, biya̧: Chedemi ina kwösödaduwobe damötjö ji̧na, Balaammine omukwatina, jo̧ba omukwatö ö̧jinadanö omukwatö ja̧nö. Damötjö Balaamminema weinobe la'aka luwo̧ Balacminenö Israel jojodönöma jelobekwö öibobö, sulabenö ja̧tjobö. Jejenö weökwe, Balacminema, Israel jojodönö, tjo̧'wo̧ jawa tjiyaja̧ kwakwawa tjukwoböbi, tji̧lȩkwa̧muböködökwö tjö̧joböbi, jelobekwö omukwatö ja̧tjobö öibinobe. Ökwödötjö ju'wedöma ina jo̧ba Balaammine sulabenö omukwatö ja̧inadanö omukwatö ja̧köbaduwobe.

Proverbios 21:20

Ja̧danö, ju'wibi yötawa: Jweinö omukwato̧ma itea jwiinö mikwawi̧ jawa, ja̧danö o̧tesobubi jwiinö mikwawobu eju okwa wa̧nö te'ada̧lo̧. Jobekwödanö ite'ada̧lokobe jweinö omukwatö̧kö̧ma. Jo̧ba jweinö omukwatö̧kö̧ma okobe jwiinö ujuna̧li̧ma, iteabi, kwakwawabi juluwanö 'dö̧ibajökwe.

Proverbios 10:3

Ja̧danö, ju'wibi yötawa: Isabenö Jo̧ma jo̧ba wei̧ a̧ja̧kwö ju̧kwadönö pjaatakwo̧ la'akatjöda a̧wi̧chi̧tjö tjötjokobö. Jobekwö pjaatökakwo̧ Isabenö Jo̧ma sulabenö omukwatadönöma. Jobadöma ju'wi jawabi ju'wi jawa tjȩmobö isakwadö, nöinö tju̧juna̧lobö. Jobekwö nöinö tju̧juna̧lobö tjisakwijayonö Isabenö Jo̧ma tju̧juna̧loböma tjöwaekwinö ja̧akwo̧.

1 Samuel 26:19

Chuluwo̧, ötjönö kwa̧ja̧kwobö atebakwö, ötjö kwömöayo̧ yöta̧li̧ kwa̧ja̧kwobö ateba. Isabenö Jo̧ Diosda ötjönö kwöpöjödobö weatjö̧ma, jo̧banö iyawa chiyobö jȩna, ötjönö ödameakwi̧ kaatakwawobö. Jo̧kwaijayonö jojodöda ötjönö kwölabobö ja̧tjatjö̧ma, Isabenö Jo̧ jobadönö lȩebobö jo̧be. Jau, ötjönö kwölabobö ja̧badöma sulabenö ötjönö a'dewö lotjobe, Duluwo̧ Isabenö Jo̧ iyinemi nijitjöma, ja̧danö ötjönö wetjobe, –Isabenö Jo̧nö ösödökönö, ju'wedö tjösödawö̧nöda ösödö kwö̧jo,–jö̧ba̧lö.

Hebreos 6:12

Chömöledö, jejenö jwaikwöda kwi̧'yaduwobö chösöda, kwu'du̧wekwachibaduwapji jö̧ba̧lö, da̧peachökönö kwo̧'wo̧ luwo̧duwi̧nö. Ja̧danö, da'dödöminetjö ju'wedöma Diosnö tjo̧'wo̧ wana̧lö tjö̧jinobe. Jobadöma Diosnö tjo̧'wo̧ wana̧lö tjite'ada̧linobe jo̧ba iyakwa̧, Chiyakwo̧sa, jö̧ba̧lö, yöbawö ujunina iyakwa̧ma. Te'ada̧lö tjö̧jinobe, Isabenö Dios yöbawö ujuninadanö iyakobe, jö̧ba̧lö. Chömöledö ökwödö jejenö kwö̧jaduwobö chösöda, Diosnö kwo̧'wo̧duwi wana̧lö, jo̧ba yöbawö ujunina badekwachakwa̧ te'ada̧lö.

1 Pedro 3:9

Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.

Proverbios 2:21

Jobekwö omukwatö kwö̧jo chitji̧. Isabenö yötawa: Otiwanö omukwatö, jweinö yöba̧lö ju̧kwadöma tjitebonö ja̧nö otiwanö tjö̧jakwedö, Dios pjaatakwawö̧. Ja̧danö, otiwanö ja̧bö ju̧kwadöma tjitebonö lekwe tjö̧jakwedö.

Proverbios 28:18

Ja̧danö, ju'wibi yötawa: Otiwanö omukwatö, jweinö yöba̧lö jo̧nöma labi̧ baledi̧tjö ö̧jibinö pjatjatökwe. Jobekwö baledokobe sulabenö omukwatö jo̧nö. Sulabenö omukwatö jo̧nöma ö̧jibi̧ jwibo̧, juluwanö söbebö lotjakwo̧.