Proverbios 26:24 - Dios Iwene

²⁴ Ja̧danö, ju'wibi yötawa, wanedö: Bakwo̧ jelo̧nö jwiinö öpöjödijayonö öwawinö i̧sebökönö, wamenö, omöna ösödö yöba̧lo̧ jo̧banöma. Isabenö, o̧'wo̧ sulinö edö omöna yöba̧lo̧ öpöjödökwenö, jo̧banö sulabenö ja̧akwa̧ o̧'wo̧nö omukwatö junö.

Proverbios 26:24 Referans Kwoze

Proverbios 12:20

Ja̧danö, ju'wibi yötawa: Jojodönö suli̧ tjöwaedobö tjo̧'wo̧ junö omukwatadöma ba̧kwȩlö̧jatebö idöda omöna yötjawakwa̧ omukwatadö. Jobekwö tjo̧mukwatokobe jojodönö otiwanö pjatjatobö omukwatadöma. Jobadöma otiwanö pjatjatakwa̧ jawa tjo̧'wo̧ junö omukwatadöma. Jobekwö tjo̧mukwatobetjö̧ tjo̧'wo̧ ösöwanöda ju̧kwadö.

Proverbios 10:18

Ja̧danö, ju'wibi yötawa, wanedö: Bakwo̧ma jelo̧nö jwiinö öpöjödijayonö öpöjödi̧ i̧sebökönö omöna yöa̧lobe, Chösödökwe, jö̧ba̧lö. Isabenö, jobekwö yöba̧lo̧ma omönada yöba̧lo̧. Ja̧danö, ju'wibi yötawa, wanedö: Bakwo̧ma jojodönö omöna yöawobe ju'wedönöma. Sulabenö ja̧tja̧jabe, jö̧ba̧lö yöawobe sulabenö ja̧tjö̧köjayonö. Jobekwö omöna yöbawo̧ma isabenö jweinö omukwatö̧kö̧.

Proverbios 14:8

Ja̧danö, ju'wibi yötawa: Ö'wiyawakwawönö omukwato̧ma jweinö 'ya̧kwawa di̧yajö jö̧ba̧lö, jelobekwö 'ya̧kwawa di̧yajö̧ jö̧ba̧lö waiso̧, jweinöda i̧'yakobetjö̧. Jobekwö i̧'yokobe jweinö omukwatö̧kö̧ma. Jo̧bama chi̧'yoböma chöwaisa, jö̧ba̧lö yöa̧lijayonö wajwibo̧. Itedada omöna yöba̧lo̧ chi̧'yakwa̧ma chöwaisa, jö̧ba̧lö. Jobekwö yöa̧lijayonö wajwiobetjö̧ jelobekwöda 'yo̧.

Proverbios 12:17

Ja̧danö, ju'wibi yötawa: Lȩekwa yöbawo̧ öba a'o ja̧nö jweinö yöba̧lo̧ma baledina edi̧ma jweinö yöawobe. Jobekwö yöawokobe omöna yöba̧lo̧ma, omönada yöbawo̧ lȩekwa yöbawo̧nö.

Proverbios 12:5

Ja̧danö, ju'wibi yötawa: Dios wei̧ a̧ja̧kwö ju̧kwadöma jojodönö otiwanö, bakwemiinö edö omukwatadö. Jo̧bekwö tjo̧mukwatokobe sulabenö omukwatadöma. Jobadö sulabenö omukwatö ju̧kwadöma jojodönö omöna yöba̧lö, suli̧ tjöwaedoböda omukwatadö.

Proverbios 11:1

Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Wanedö yötawa: Bakwo̧ tea luwo̧ma tea önobe ömöki̧ nönawapinö. Jo̧ba tea iyo̧ma iyawö̧nö önaukwotö jö̧ba̧lö ömöki̧ nönawapi̧nö, ö'öbönöda i̧sekwapinö tea önobe, jweinöda i̧sekwapi̧maökö. Chömöledö, jobekwö nöno̧nöma jwiinö öpöjödobe Isabenö Jo̧ma. Jo̧kwaijayonö Isabenö Jo̧ma jweinö i̧sekwapi̧nö tea nönö iyo̧nöma jwiinö ösödobe.

Génesis 34:13

Ja̧danö, jejenö aebi̧ a̧ja̧kwö Dina jöpöedöma Shequemnö balekwa mikwa jawa ja̧tjotö jöba̧löda omukwatijadötö. Tjöjawuju Dinanö sulabenö, taba̧löjinö ja̧ajiawö̧ balekwa mikwa ja̧tjotö jö̧ba̧löda omukwatijadötö. Jejenöda omukwatö omöna jö̧ba̧lijadötö Shequemnö, abe'do Hamornö:

1 Samuel 18:17

Ikenama Saulma Davidnö yöa̧linobe, —Bisuju chitjiju abönö pöonö, ökwö kwilekwo bajibanö wetobö chösöda. Ökwönö atebi̧ma bi̧yada, chömöayo̧ ja̧nö, yebabökönö Isabenö Jo̧ öpöjojodönö ölakwabikwawö kwö̧jobö. Isabenö jejenö yebabökönö ölakwabikwawö kwö̧jitjö̧ma, chitjiju Merab mikwujunö wetocha, —jö̧ba̧lö yöa̧linobe Saulma. Jo̧kwaijayonö, jejenö wamenö yöa̧lijayonö, isabenö omukwati̧ma baikwö omukwatinobe, —Ötjöda Davidnö kwabö lotobö jwiena, filisteo jojodökwö ölakwabikwawö ö̧jobö wetitjö̧ma, jobadöda Davidnö kwabö lotjena, —jö̧ba̧lö.

2 Samuel 13:26

Jejenö ichökiökwe, Absalonma aebinobe, —Ökwö kwichököjayonö, chöpöe Amnon ichobö atebakwö, —jö̧ba̧lö. Aebökwe, —¿Tajawedö Amnon i̧'yobö kwösödobeda? Wetökena, —jö̧ba̧lö atadinobe Davidma.

2 Samuel 13:27

Jo̧kwaijayonö Absalonma lekwe aeba̧linobe, bajaliyanö Amnonnöbi, okobe deinö ju'wedö i̧tji̧mu ömadönöbi Absalonkwö ba'ali tjujunobö weenanö kabatö.

2 Samuel 20:9

ja̧danö Amasanö, —Dokwa chömöledöso̧, otiwanö kwö̧ji̧ji̧? —jö̧ba̧lö, ömamu öwaisobekwöchobesamunö Amasa ajesa'ye do̧atinobe, ibekasa'wonö du̧atobö.