Proverbios 26:10 - Dios Iwene

¹⁰ Ja̧danö, ju'wibi yöawobe: Bakwo̧ luwo̧ma jweinö omukwatö̧kö̧nöma otidobö ujunitjö̧ma itedada jweinö omukwatokobe. Wanedö yötawa: Bakwo̧, mana pjeanö ja̧nö kwebachadönö 'böbawo̧ ö̧jobe. Isabenö jo̧bama jweinö omukwatö̧kö̧. Ja̧danö, jo̧ba omukwatö̧kö̧danö jweinö omukwatokobe luwo̧ma jweinö omukwatö̧kö̧nö otidobö ujunitjö̧ma.

Proverbios 26:10 Referans Kwoze

Romanos 2:6

Isabenö yötawaduwakwö chömöledö, Diosma jweinö yöawakwo̧ jojodö sulabenö ja̧tjinojobö, otiwanö ja̧tjinojobö jö̧ba̧lö.

Proverbios 11:31

Ja̧danö, ju'wibi yötawa: Dios wei̧ a̧ja̧kwadöma, bö̧jenö ja̧nö otiwanö tjö̧ji̧ mikwa baibanö iyawa emadö. Jobekwö Dios wei̧ a̧ja̧kwadö otiwanö tjȩmitjö̧ma sulabenö omukwatadöma ¿tajida tjȩmakwa̧jö? Isabenö yötawa: Sulabenö ja̧badöma sulabenö tjö̧ji̧ mikwa baibanö lȩekwada tjȩmakwedö.

Proverbios 26:9

Ja̧danö, ju'wibi yötawa: 'Dukwachökwema omukwatökönö ba̧ja̧ ö'i̧ya̧ emibö wökwo̧ jojodönö kwakwaobö. Jobekwö kwakwaobö öwökwijayonö waekwobe, jojodöma kwabawajöködö. Ja̧ ji̧danö, jweinö omukwatö̧kö̧ma jwebebö yöawakwawa jawanö wanekwachi̧ jawa jojodönö yöawobö ösödijayonö waekwobe, jelobekwö yöawobetjö̧, jojodönö pjabatököknö.

Proverbios 26:11

Ja̧danö, ju'wibi yötawa: Awilima etekwawaja̧ ikena yemidanö etekwawaja̧ma tjebatö kwo̧. Ja̧ ji̧danö jweinö omukwatö̧kö̧ma omukwatökönö ja̧aja̧ma yemidanöbi ja̧akwo̧.