Proverbios 25:15 - Dios Iwene

¹⁵ Ja̧danö, ju'wibi yötawa: Inesö la'aka luwo̧nö ba̧kwȩlö̧jatebö kabatökönö tjo̧'o̧manö dameakwökönö akeba̧litjö̧ma ju'wi mölȩ bajadiyanö akeba̧li̧danö pjaatena. Ja̧ ji̧danö, tjo̧'o̧manö ösödö yöka̧litjö̧ma yöka̧li̧ ajayinö öpöjödinadöma bajaliyanö tjo̧mukwatena, otiwanö yöba̧lo̧, jö̧ba̧lö.

Proverbios 25:15 Referans Kwoze

Proverbios 15:1

Salomón ju'wi jwebebö yöawakwawa jawanö wanekwachi̧ jawama baikwö laebobe: Wanedö yötawa: Bakwo̧ma sulabenö jwöeba̧lobe jelo̧nö. Ja̧danö, jwöeba̧lajökwema ¿di̧yatjö̧ atadakwawojobö jo̧beda, ¿labinö atadobökö̧, tjo̧'omanö ösödö atadobökö̧? Isabenö yötawa: Labo̧nö tjo̧'o̧manö ösödö ataditjö̧ma ölabiatjöma tjo̧'o̧manö söawena. Jobekwö baledökena labinö ataditjö̧ma. Jwöeba̧lökwema labinö ataditjö̧ma labo̧ma ölabikobe, ajayinö ölabiatjö̧ bajalekwönönö. Isabenö, labinö jwöbeba̧lo̧nö tjo̧'o̧manö ösödö tjatadobö jo̧be.

Proverbios 16:14

Ja̧danö, ju'wibi yötawa: Inesö la'aka luwo̧ma o̧'wo̧ sulawö ö̧jitjö̧ma jwiinö labo̧. O̧'wo̧ sulawö̧ ö̧jobetjö̧ ömöayedönö weena jojonö kwabö lotjobö. Jo̧kwaobetjö̧, jweinö omukwato̧ma o̧'wo̧ sulawö inesö la'aka luwo̧nö o̧'wo̧ suli̧ma söachobö pjaatakwo̧.

1 Samuel 25:14

Jejenö baledonö, Nabal ömöayedötjö bakwo̧, Nabal yöa̧laja̧ a̧ja̧kwajo̧ma, Nabal ilekwo Abigail mikwujunö yöbawö i̧'yinobe. Ichibö, yöawinobe: —Chuluwuju, isabenö wene baibajabe. Davidma iteda ömöayedönö weinobe, duluwo̧ Nabalnö dokwa jö̧ba̧lö atjebobö, jo̧kwaijayonö jo̧bama sule jwöbeba̧löda sulabenö atadatö.

Jueces 14:9

Badekwajo̧, ömamunö ko'dö eminobe wa̧yo̧ma, ja̧danö kweachonö, neinobe. Ja̧danö, abe'dobi ojo'dobi tjöba a'o ichibajo̧, jobadönöbi iyinobe, netjobö. Jo̧kwaijayonö, jobadönö yöawinokobe, —Wayo̧ma didiba iwe'ijutjö chemajabe, —jö̧ba̧lö.

Diosnö ösödo̧ Job mikwo̧ usula emawina jawa 41:3

Kwujuluwajökwe, jo̧banö kwejatobö aeba̧lenaji̧? Jo̧banö lȩlöjinö kwedobö, budekwö aebenaji̧?

Proverbios 16:32

Ja̧danö, ju'wibi abebö cha̧ja̧kwaduwakwö: ¿Di̧yatjö̧ mikwawinö ö̧jobökö̧? ¿Dameakwö̧kö̧ ö̧ji̧ökö̧, jwiinö juluwo̧ ö̧ji̧ökö̧? ¿Di̧yatjö̧ mikwawinö ö̧jobökö̧? Isabenö yötawa: Dameakwö̧kö̧ ö̧ji̧danö isabenö mikwawobe. Isabenö, jwiinö juluwo̧ ö̧ji̧tjö̧ bajalekwönönö mikwawobe dameakwö̧kö̧ ö̧ji̧ma. Ja̧danö, ju'wibi abebö cha̧ja̧kwaduwakwö: ¿Di̧yatjö mikwawobeda, dameakwö̧kö̧ ö̧jiobökö̧, inesö la'aka luwo̧ öpöjödawö̧nö ujuluwikö̧? Di̧yatjö̧ mikwawobeda? Isabenö yötawa: Dameakwö̧kö̧ ö̧ji̧ma jwiinö mikwawobe. Isabenö, inesö la'aka luwo̧ öpöjödawö̧nö ujuluwaja̧tjö̧ bajalekwönönö mikwawobe dameakwö̧kö̧ ö̧ji̧ma.