Proverbios 24:3 - Dios Iwene

³ Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, wanedö yötawakwö: Bakwo̧ jweinö omukwatobetjö̧ iteda eju otiwanö otidinobe. Ja̧danö, otiwanö omukwatö ö̧jobetjö̧ iteda ejuma 'diinö kwaibökejudanö otidinobe.

Proverbios 24:3 Referans Kwoze

Proverbios 14:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Bakwuju, jweinö omukwatö jujuma otiwanö omukwatuju. Ja̧danö, otiwanö omukwatö jö̧jobetjö̧ jilekwe, ja̧danö jitji̧mu̧, ja̧danö okobe deinö jejunö ju̧kwadöma otiwanö ju̧kwadö, wene jwiinö. Jobekwö otiwanö tjö̧jokobe jweinö omukwatökönö juju jömöledöma. Jobuju jweinö omukwatökönö jujuma omukwatökönö sulabenö jö̧jobetjö̧ jilekwenö, ja̧da̧nö ji̧tji̧mu̧nö, ja̧danö okobe deinö jejunö ju̧kwadönö wene jwöjebakwuju.

1 Corintios 3:9

Jau chömöledö, ötjöbi, Apolosbi bakobe Dios wei̧ otidö batjo otikwa jojodödanö ichejekwadösa. Ja̧danö, ökwödö Corintio jojodöma Dios öbatjodanö ichejekwadöja chömöledö. Ja̧danö ju'wi wanedö yötawa chömöledö: Ökwödöma Dios ejudanö ichejekwadöja.

Proverbios 9:1

Baikwö laebobe Salomón wanedö yöawina jawa, jweinö omukwatö ja̧kwawa wanekwachujunö wanedö: Jweinö omukwatö ja̧kwawa wanekwachujuma o̧do otiduju, isuda jejuma. Ja̧danö, okwi'iju, jelemutjö̧ do'olataja o'iju jujunobö löbuju, mö yöeba̧li̧ okwi'iju.

Colosenses 2:7

Wanedö yötawa chömöledö: Jo̧batjö pokwö kwö̧jaduwobe ichejekwa, jo̧kwajabetjö̧ kwö̧jaduwi̧ bö'diama 'diinö jo̧banö do̧ba̧lö kwöda̧peachaduwo, jo̧banö jwaikwöda ösödö kwö̧jaduwakobetjö̧. Jau chömöledö, jejenö ökwödönö tjöba̧ja̧dinadanö kwö̧jaduwo, ja̧danö jwaikwöda Diosnö ösödö kwö̧jaduwo, otiwanö pjabato̧ja jö̧ba̧lö.

2 Samuel 7:26

Inesö otiwo̧ kwö̧ji̧ wene öwawakobetjö̧. Jau chuluwo̧, jejenö ja̧köbiawö̧, bö̧jȩ jojodöma ba̧kwelöjatebö ösödö yötja̧lakwedö, Isabenö Jo̧ Okobe Jwiinö Juluwo̧ Diosma, israel jojodö tjuluwo̧ Dios jö̧ba̧lö. Ja̧danö pjakatawö̧, chi̧tji̧mu tupadanö jojodöma ba̧kwelöjatebö israel jojodö tjuluwedö ja̧nö kwöba a'o tjö̧jakwedö.