Proverbios 23:5 - Dios Iwene

⁵ Isabenö yötawa: Ja̧ baladama juluwanö 'dö̧ibaji̧ jawa. Wanedö yötawakwö: Kwu̧kwa̧ baladama, pjiyuwa köa̧li̧danö o̧wa̧ja̧pa̧ juluwanö pokwibö jelobekwö köa̧li̧. Jao, juluwanö 'dö̧ibaji jawa. Ja̧danö, kwujuna̧li̧ baladadama juluwanö 'dö̧ibaji̧ jawaobetjö̧ kwemobö ö'wachökönö kwotidoko.

Proverbios 23:5 Referans Kwoze

Proverbios 27:24

Jao, jobadönö otiwanö kwite'ada̧lobö jo̧be. Jobadötjö belö mikwawö jö̧ba̧lö kwemina baladama ba̧kwȩlö̧jatebö kwujuna̧lokobetjö̧, kwite'ada̧lo kwa̧jwi̧mu̧nöma. Ja̧ balada 'dö̧ibajobetjö̧ kwa̧jwi̧mu̧nö kwite'ada̧lo ju'winö jobadönö midö kwiyakobetjö̧. Ja̧danö, ju'wibi, balada ba̧kwȩlö̧jatebö jö̧kö̧ jawa ji̧danö yötawa: Inesö la'aka luwo̧ma iteda ba̧kwȩlö̧jatebö yöbawö weokobe, ja̧danö jo̧batjö tupadanö jojodöbi ba̧kwȩlö̧jatebö yöbawö wetjökakwedö. Ju'winö jobadö wetjakwa̧ma kaatibakobe, ju'wedöda jobadö tjö̧jemi tetjachena.

1 Juan 2:16

Ja̧danö ¿taji tji̧sekwobeda böjȩ jawa sulabenö tjösödi̧ma? Biya̧ chö̧ja̧wo̧dö: Jojodö tjiteba'o sulabe wei̧ tjösödi̧ma. Ja̧danö, ju'wibi. Böjȩ jawa edö, ju'wi jawabi, ju'wi jawabi, Chujuna̧lo, jö̧ba̧lö. Ja̧danö ju'wi jawabi, böjȩ jawa sulabe tjösödi̧ tji̧sebi̧ma biya̧: Baikwö jö̧ba̧lo̧, Editjö, luwo̧sa. Ötjöma jojodö tjuluwo̧sa, ja̧danö teabi, kwakwawabi, baladabi juna̧lo̧sa, jö̧ba̧lö, yelösöda jo̧bama böjȩ jawa sulabe tjösödi̧ma i̧sebo̧. Chö̧ja̧wo̧dö, jejenö böjȩ jawa ösödö tjö̧ji̧ma Dabe'do Diostjö ichokobe. Jojodötjö, Diosnö öpöjödadötjöda ichobe, ja̧ böjȩ jawa tjösödi̧ma.

1 Timoteo 6:17

Cristonö ösödadötjö balada luwedönö baikwö yöbawidönö Timoteo, Aaa, ju'wedönötjö o̧penönöbedösa, jö̧ba̧lö tjomukwatokobö. Ja̧danö, böjȩ jawa tjujuna̧li̧, tupakwö jwiakwa̧ jawa tjujuna̧li̧ma tjo̧'wo̧ tjöwana̧lokobö yöbawidönö, Diosnöda tjo̧'wo̧ tjöwana̧lobö jo̧be. Jau, jo̧ba Diosda okobe jwiinö ökwödönö iyo̧ma, do̧'wo̧ ösöwanö dö̧jobö.

Mateo 6:19

Tupakwö yöawinobe Jesúsma: —Chömöledö, nöinö mikwawi̧ jawa ko̧ko̧dö junökönaduwi böjȩtjöma. Jau chömöledö, böjȩtjöma, pjȩlȩbö̧ma nöinö mikwawi̧ jawa suli̧ tjöwaedobe, ja̧danö duwetjekwachö suli̧ waekwobe nöinö mikwawi̧ jawama, ja̧danö naukwabidö sobö tebachö tjönaukwobe.

Génesis 42:36

Ikenama tjabe'do Jacobma jö̧ba̧lijetö i̧tji̧munö: —¡Ayö chi̧tji̧muwe! Chö̧jelma kwe'ewinaduwobe chi̧tji̧mu̧nö du̧ju̧tajanö. Josébi dea. Simeónbi dea. Babebi ¿kwe'ewaduwo jö̧ka̧laduwiji̧ Benjamínnöbi? ¡Ötjöwe! Ökwödömaö̧kö̧, kwabe'doduwida usula emawo̧sa— budewabinö jö̧ba̧lijetö.

Isaías 55:2

Chömöledö, tajawedö omöna jawa pan emö, kwiteaduwi balada iyö loköbaduwobeda? Ja̧danö kwotidaduwaja̧ mikwa baladanö, tajawedö kwomeawachibaduwö̧kö jawa kwemaduwobeda? Ötjö yötawi̧ teada̧lönö a̧ja̧kwö, otiwi̧ kwakwawa kwukwaduwo, inesö söi̧ kwakwawama.

Diosnö ösödo̧ Job mikwo̧ usula emawina jawa 27:19

Jo̧kwajabetjö̧, nöinö juna̧lo̧ abobö öbamatijayonö, a̧la̧ibenama ida̧ökö jwibo̧ baibajabe sulabo̧ma, yȩayi wiluenama, nöinö ujuna̧linama ida̧ökö jwiinö baibajabe.