Proverbios 23:18 - Dios Iwene

¹⁸ Jobekwö kwö̧jitjö̧ma isabenö, kwo̧'wo̧ ösöwanö kwö̧jakwo̧ja okobe jwiinö kwö̧ji̧ma, 'yaka̧lemi baibanö. Ja̧danö, Isabenö Jo̧nö yebabinö omukwatö kwö̧jobetjö̧ jo̧ba ju'wi mölȩ pjaatakwa̧, kwite'ada̧li̧ pjaatakwa̧ma isabenö baledakobe.

Proverbios 23:18 Referans Kwoze

Hebreos 10:35

Jo̧kwaobetjö̧ chömöledö, jejenö kwö̧jinaduwi̧danö jemi tupakwöbi jwaikwöda kwi̧'yaduwo, Diosnö kabatibökönö. Diosnö kwo̧'wo̧duwi wana̧löda kwi̧'yaduwo, Dios jö̧a̧li̧danö isabenö baledakobe, jö̧ba̧lö. Isabenö chömöledö, ju'wi möle Dios otiwi̧ iyakwa̧ma kwemaduwakwedöja.

Proverbios 24:14

Ja̧ wa̧yo̧ pjaati̧danö wanekwachobe ökwö jweinö omukwatö kwö̧ji̧ma, kwo̧'wo̧ okwanö pjaati̧ma. Jao chitji̧, jweinö omukwatö kwö̧jitjö̧ma kwo̧'wo̧ ösöwanö kwö̧jakwo̧ja. Ja̧danö chitji̧, jweinö omukwatö kwö̧jitjö̧ma ju'winö Dios badekwachinö i̧sebobö kwite'ada̧li̧ma isabenö kwedakwo̧ja.

Filipenses 1:20

Inesö jwaikwöda chösödi̧ma biya̧ chömöledö, la'akatjöda tabakwö chö̧jökena jö̧ba̧lö. Jau chömöledö, babebi, tupakwöbi ba̧kwȩlö̧jatebö yebabökönö chö̧jobö chösöda, ötjö ja̧bö chö̧ji̧ edinö jojodö otiwanö Cristonö tjomukwatobö. Jau chömöledö, ötjö böjȩnö chö̧ji̧ma, Cristo ösödi̧ ja̧totö jö̧ba̧lö chö̧jobe, ja̧danö ö'wö batibaja̧ ikenama, o̧penönö otiwakobe. Jo̧kwajabetjö̧ chö̧jitjö̧bi, wotitjö̧bi, bakweminö otiwanö Cristonö tjomukwatinö ja̧tobö chösöda.

Proverbios 24:20

Jobekwö kwomukwatoko chitji̧, jobadönö bajaliyanöma sulabenö baledakwawö̧tjobetjö̧. Wanedö yötawa: Jobadöma deju̧wa'yu tjewawa'yu omönanö tiibayudanö tiibakwawö̧, debö tji̧'yinö.

Lucas 16:25

Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.