Proverbios 22:29 - Dios Iwene

²⁹ Jemi ikena jweinö omukwatadö yötjawina jawama baikwö laebobe: Isabenö yötawa: Bakwo̧ waisanö otido̧ma otiwanö ö̧jakwo̧. Iteda otikwama otiwanö öwaisobetjö̧ inesö la'aka luwo̧ma nöinö ösödo̧ jo̧banöma, otidobö webö. Jobekwö jo̧ba waisanö otido̧ma inesö la'aka luwo̧ ömöayo̧ baibanö otidakwo̧. La'akatjö̧da jo̧kwadabedö wetji̧ otidokobe, inesö la'aka luwo̧ ömöayo̧ baibanö, otiwanö ja̧nö otidakwo̧.

Proverbios 22:29 Referans Kwoze

Mateo 25:21

Jejenö yöawökwe, uluwo̧ma atadinobe: Otiwanö kwotidajabe, chömöayo̧ otiwo̧, ja̧danö kwotido jö̧ka̧li̧danö otido̧ja. Ja'yubeda ökwönö wetinama otiwanö kwotido jö̧ka̧li̧danö kwotidajabe, jo̧kwajabetjö̧ tupakwö nöi̧ jawa kwite'ada̧lobö chujunocha. Ötjökwö pjiesta junö tebachi, jö̧ba̧lö.

Proverbios 12:24

Ja̧danö, ju'wibi yötawa: Dösölö̧jinö otidadöma tjuluwedö tjuju̧kwakwedö. Jobekwö baledokobe 'du̧wekwadönöma. 'Du̧wekwadöma ju'wedö wetjawö̧da otidö tjuju̧kwakwedö.

Proverbios 10:4

Ja̧danö, ju'wibi yötawa: 'Du̧wekwadöma jwibadöda tjö̧jakwedö. Jo̧bekwö tjö̧jökakwedö ba̧kwȩlö̧jatebö dösökwadöma. Ba̧kwȩlö̧jatebö dösökwadöma dösölö̧jinö tjotidobetjö̧ juna̧la̧dö tjö̧jakwedö.

Mateo 25:23

Jejenö yöawökwe, uluwo̧ma atadinobe: Otiwanö kwotidajabe chömöayo̧, chömöayo̧ otiwo̧, ja̧danö kwotido jö̧ka̧li̧danö otido̧ja. Ja'yubeda ökwönö wetinama otiwanö kwotido jö̧ka̧li̧danö kwotidajabe, jo̧kwajabetjö̧ tupakwö nöi̧ jawa kwite'ada̧lobö chujunocha. Ötjökwö pjiesta junö tebachi, jö̧ba̧lö.

Génesis 41:46

Joséma Egipto la'aka luwo̧ faraón wei̧ jamatö otidena treinta a̧yo juna̧lijetö. Ja̧danö, otidiabijetö Joséma faraón ö̧jelö labebö okobe jwiinö Egipto nijinö kwebachö 'ya̧nö.

Romanos 12:11

Kwotidaduwi̧ma otiwanö kwotidaduwo, nuwelö̧jachibökönö, ja̧danö jwaikwöda Duluwo̧ Dios wei̧ ja̧bö kwö̧jaduwo, kwomajadeduwinö Diosnö ösödö.

1 Reyes 10:8

Isabenö tjo'wo ösöwanö ja̧dö, kwöba a'otjö otidadö kwömöayedöma Salomon. Jobadöma kabatökönö kwöba a'o ja̧nö, waisanö omukwatö yökawi̧ a̧jakwadö, isabenö tjo̧wo ösöwanö ju̧kwadö kwömöayedöma.

2 Timoteo 4:2

Dios iwene yökawo jö̧ba̧lö. Ja̧danö ja̧ yökawo jö̧ta̧laja̧ma, sule wene jwienadamaökö, wene jwienabi, wene jȩnabi yayonö yökawobö jo̧be. Jau Timoteo, ba̧kwȩlö̧jatebö kwo̧'wo̧ 'dibachibö ja̧nö, otiwanö kwöba̧ja̧dobö jo̧be jojodönö. Baikwö yötawa: Jwekebobö baibenama, jwekebobö jo̧be, ja̧danö lȩkebobö baibenama, lȩkebobö jo̧be, ja̧danö tjujuluwachibanö yökawobö baibenama, tjujuluwachibanö yökawobö jo̧be.

Génesis 47:6

Chiteboma jalobe, inesö otiwemida tjuju̧kwobö kwujunodönö. Gosén nijinöda tjuju̧kwobö otiwa, atjebaja̧danö. Ju'wi jawabi yöta̧la: Jobadötjö tja̧jwi̧munö te'ada̧lakwawa jwiinö waisadö tjuju̧kwitjö̧ma ötjö cha̧jwi̧munöbi tjite'ada̧lo weköbo— jö̧ba̧lijetö faraónma Josénöma.

1 Samuel 16:21

Jejenö Davidma Saul ömöayo̧ baibinobe, ja̧danö Saulma nöinö ile niebinobe Davidnö, ja̧danö jo̧banö ösödö, Davidnö ujuninobe, yönö ömöayo̧, Saul itea ölakwabikwawa jawa kwebato̧ baibanö.

Proverbios 23:1

Salomón jweinö omukwatadö yötjawina jawa wȩyudö yöawinama ina baikwö laebobe: Inesö la'aka luwo̧ma ökwönö jo̧bakwö ba̧nö kwukwobö a̧debitjö̧ma, jo̧bakwö kwanö kwö̧bena ö'wöyawakwawönö kwö̧jobö jo̧be, bitema inesö la'aka luwo̧ jö̧ba̧lö, ja̧danö otiwanö chö̧jobö jo̧be jö̧ba̧lö.

Génesis 41:38

Ikenama faraón jö̧ba̧lijetö ipjea jojodönö: —Isabenö Jelo̧ma bitedajayo̧nöma döbadekwajökena. Chedemi Dios O̧'wo̧ Luwo̧ma bitekwö jo̧— jö̧ba̧lijetö.

1 Samuel 17:31

Ja̧danö, David yöa̧li̧ a̧ja̧kwö, ju'wedö Saulnö yötjawinobe, ja̧danö a̧ja̧kwö, David ichobö weinobe Saulma.

2 Samuel 2:32

Ja̧danö, Asael iteba'o e'ewö, Belenbe tje'ewinobe, ja̧danö jobetjö inawa ötölanö tjödinobe, Asael abe'dominenö tjödinölanö. Ja̧danö, lödajadö, yö̧te baledibanö, Hebronbe kwebachö tjȩwa̧jinobe, ja̧danö dewachena jenanö, Hebronbe tjichibinobe.

1 Crónicas 4:23

Jobadöma lete'otjö dadö otidinadö, ja̧danö Netaim comunidadnöbi, Gedera comunidadnöbi ja̧nö, inesö la'aka luwo̧ wei̧ otidö tjö̧jinobe.

Daniel 1:4

Ja̧danö, sule bakwainö otiwadönöda, ja'yubebi suli̧ jwibadönöda, waisanö omukwatadönöda, otiwanö waisakwawa tjöba̧ja̧dinawö̧nöda, tupakwö waisachakwawa tjöwaisachibobö juluwadönöda, ja̧danö inesö la'aka luwo̧ ejunö ja̧nö tjotidobö waisadönöda 'da̧batö ujunobö weinobe Nabucodonosorma Aspenaznö. Ja̧danö tupakwö weinobe, jejenö 'da̧batö ujunajawö̧nö Babilonia jojodö tjiwene tjöba̧ja̧dobö, ja̧danö Babilonia jojodö tjiwȩyudina jawa tjöba̧ja̧dobö weinobe.

Daniel 1:19

Ja̧danö Nabucodonosorma böjö edö, ichejebawö̧kwö yöala̧kwawinobe bakwo̧nökwena, ja̧danö okobe deinö ichejebawö̧tjö bakwo̧bi deinobe Danieldanöbi, Ananiasdanöbi, Misaeldanöbi Azaríasdanöbi waiso̧ma. Jo̧kwajabetjö̧, jobadöma la'aka luwo̧ öba a'o tjö̧jinobe, la'aka luwo̧ waisanö omukwatö ö̧jobö pjabatadö batjibanö.