Proverbios 22:19 - Dios Iwene

¹⁹ Chömöledö, babema jweinö omukwatadö jwebebö yötjawina jawa yötawobe ökwödönöma, Isabenö Jo̧nö kwo̧'wo̧ wa̧na̧lö kwö̧jaduwobö.

Proverbios 22:19 Referans Kwoze

Proverbios 3:5

Ja̧danö, ju'wibi jwebebö yötawakwö: Chitji̧, Isabenö Jo̧nöda kwo̧'wo̧ wa̧na̧lö kwö̧jo. Okobe jwiinö kwomajadenö jo̧banöda kwo̧'wo̧ wa̧na̧lö kwö̧jo. Ökwö jojo kwomukwati̧damaökö chitji̧, Isabenö Jo̧nöda kwo̧'wo̧ wa̧na̧lö kwö̧jo.

1 Pedro 1:21

Ja̧danö, Cristo ökwödönö pjaatinobetjö̧, Diosnö ösödadöja chömöledö. Jau chömöledö, Diosda Cristonö wobajaletjö tjeachajinö ja̧binama, ja̧danö jo̧banö dejatinö ujulu iyinama, jo̧kwajabetjö̧ Cristonö kwösödaduwenama, Dios yöawi̧ ösödadöja, ja̧danö Diosnö kwo̧'wo̧ wana̧ladöja. Jau chömöledö, Dabe'do Diosma isabenö otiwanö pjaatinobe sulabetjö dö̧jibobö, jo̧kwajabetjö̧ ja̧ pjaatina omukwatö sulabenö ja̧bökönö dö̧jobö jo̧be.

Isaías 26:4

Ba̧kwelöjatebö Isabenö Jo̧ Diosnö do'wo wa̧na̧lö dösödobö jo̧be, duluwo̧ Isabenö Jo̧ Diosma, inawa tjöeba̧lawa ba̧kwelöjatebö 'diinö ja̧wadanö ichejekwo̧obetjö̧.

Isaías 12:2

—Jau, edaduwi, Diosda ökwödönö dö̧jibinö pjabato̧ma, jo̧kwajabetjö̧ jo̧banö do̧'wo wa̧nalö ja̧nö, yebabökönö dö̧jakwedösa. Jau, Isabenö Jo̧ Diosda dujuluwachibanö pjabato̧ma, jo̧bada dö̧jibinö pjabato̧ma, ja̧danö döpöjojodötjö dö̧jibobö pjaatinobetjö̧, jo̧banö ösödö lo̧badösa, —jö̧balö yöka̧laduakwedöja.

Proverbios 22:20

Ja̧danö, treintanö jweinö omukwatadö yötjawina jawa böjanö wȩyudö yötawobe, jwebebö yöawakwawa jawabi, ja̧danö ju'wi jawabi ju'wi jawa kwöwaisaduwobö yötjawina jawabi.