Proverbios 21:29 - Dios Iwene

²⁹ Ja̧danö, ju'wibi yötawa: Sulabenö omukwato̧ma ju'wi jawabi ju'wi jawa chöwaisa, jö̧ba̧lö yöa̧lijayonö wajwibo̧. Wajwiijayonö omöna yöa̧lobe, chöwaisa jö̧ba̧lö. Wajwibo̧. Jobekwö omukwatokobe otiwanö omukwatö jweinö yöba̧lo̧ma. Jo̧bama ajayinö ö'wiyawakwawönö omukwatobe, baledakwa̧ öwaisakobetjö̧.

Proverbios 21:29 Referans Kwoze

Proverbios 11:5

Ja̧danö, ju'wibi yötawa: Otiwanö omukwatadöma Dios wei̧ a̧ja̧kwö tjö̧jobetjö̧ jweinöda 'ya̧jadö. Jo̧kwaijayonö sulabenö omukwatadöma sulabenöda omukwatö tjö̧jobetjö̧ jweinöma 'yö̧kö̧dö. Wanedö yötawa: Jobadö sulabenö omukwatö tjö̧ji̧ma jwiinö ömöki tje'ewi̧danö ji̧. Ja̧danö, jobadöma ömöki̧ e'ewö metji̧danö mebadö, jweinö 'yö̧kö̧dö.

1 Tesalonicenses 3:11

Chömöledö, Dabe'do Diosnöbi, Duluwo̧ Jesúsnöbi ateba, yemidanö kwiteboduwibe dichibinö pjatjato jö̧ba̧lö.

Proverbios 28:14

Ja̧danö, ju'wibi yötawa: Isabenö Jo̧nö ba̧kwȩlöjatebö yebabinö omukwato̧ma o̧'wo̧ ösöwanö jo̧. Jobekwö ö̧jokobe bakwo̧, omajade 'dibo̧ma. Jo̧ba omajade 'dibo̧nöma suli̧ jawada baledakobe.

Proverbios 29:1

Bemi tupakwö laebakwa̧ma inesö la'aka luwo̧ Ezequías ömöayedöma ju'wi Salomón iwȩyudina eda̧lö tjiwȩyudina, Salomón woinobe okobe lekwinemi. Ja̧ tjiwȩyudinama baikwö laebobe, Salomón yöawina: Isabenö yötawa: Bakwo̧nö ba̧kwȩlö̧jatebö jwebebö yötjawijayonö uu 'diobe a̧ja̧kwökötjö̧ma ju'winö juluwanö 'dö̧achakwo̧, ö̧bibajoböma jwiinö.

Proverbios 7:13

Ja̧danö, jobujuma möayo̧ jeju ichajo̧nö wo̧ba̧lö du̧du̧buju. Ikenama, taba̧lökönö möayo̧nö öbajalenö jweinö edö yöja̧linobe jobujuma möayo̧nöma:

Proverbios 4:25

Ja̧danö, ju'wibi yötawakwö chitji̧, wanedö: Ökwö kwö̧ji̧ma mananö kwi̧'yi̧danö ji̧. Kwi̧’yenama jweinöda eda̧lö kwi̧’yo chitji̧. Pjeakwöma kwedoko, jweinöda eda̧lö kwi̧’yo.

Proverbios 4:26

Ja̧danö, kwi̧'yenama ö'wiyawakwawönö omukwatö kwi̧'yobö jo̧be. Jobekwö ö'wiyawakwawönö kwomukwatitjö̧ma jweinöda eda̧lö kwi̧'yena.