Proverbios 20:27 - Dios Iwene

²⁷ Ja̧danö, ju'wibi yötawa: Isabenö Jo̧ma jojodönö pjabato̧ tjo̧'wo̧ okwa tjo̧mukwati̧ma tjöwaisachibobö, jweinö tjo̧mukwatojobö jö̧ba̧lö, jelobekwö tjo̧mukwatojobö jö̧ba̧lö. Wanedö yötawa: Dȩju̧wa̧'yu öwawinö dejati̧danö jojodö tjo̧'wo̧ okwa dejato̧ Isabenö Jo̧ma, okwa tjo̧mukwati̧ma öwawinö idejatobe tjo̧'wo̧ ji̧ tjöwaisobö.

Proverbios 20:27 Referans Kwoze

1 Corintios 2:11

Jau chömöledö, wanedö yötawa: Ökwö kwomukwati̧ma ju'wedö jojodö edöködö, ¿jö̧tö? Jo̧kwaijayonö, ju'wedö tjedököjayonö, ökwöda kwo̧'wo̧ luwo̧ma öwaisobe, ökwö kwo̧'wo̧ luwo̧obetjö, ¿jö̧tö? Dios O̧'wo̧ Luwo̧bi ja̧danö, sule Dios O̧'wo̧ Luwo̧da okobe jwiinö Dios jawa waiso̧ma, iteda O̧'wo̧ Luwo̧obetjö̧.

Diosnö ösödo̧ Job mikwo̧ usula emawina jawa 32:8

Jejenö omukwatö 'wii̧nö chö̧bijatö chömöledö. Jo̧kwaijayonö isabenö jojodö waisanö omukwatadö batjibobö pjaati̧ma, lekwe o̧bia tjö̧ji̧maökö, Okobe Jwiinö Juluwo̧ Dios o̧'wo luwo̧ jojodökwö ö̧ji̧da, jojodö okwa jawa waisachibanö tjomukwatobö pjaati̧ma.

Génesis 2:7

Ikenama Isabenö Jo̧ Diosma nijitjö jojodanö otidijetö. Otidajökwe isu̧nö ja̧kwawa imiyupjo pjubijetö jojo baibanö.

Proverbios 20:30

Ja̧danö, ju'wibi yötawa: Isabenö, sulabenö ja̧bo̧nö kwakwabö lȩtjebobö jo̧be. Jobekwo̧ kwakwabö lȩtjebitjö̧ma sulabenö omukwati̧ma kaatibobö pjaatena. Jao, o̧'wo̧ okwa sulabenö omukwati̧ söawena, otiwanö omukwatobö, jo̧banö kwakwabö lȩtjebitjö̧ma.

Proverbios 20:28

Ja̧danö, ju'wibi yötawa: Inesö la'aka luwo̧ma otiwanö, lekwe ba̧nö weo jö̧a̧litjö̧ma baikwö ö̧jobö jo̧be: Iteda yöbawö weawö̧nö ba̧kwȩlö̧jatebö lȩ lö̧jinö edobö jo̧be. Ja̧danö, weawö̧nö pjatatocha jö̧ba̧lö yöbawö ujuninadanö badekwachinö i̧sebobö jo̧be. Isabenö, inesö la'aka luwo̧ma ömöayedönö lȩ lö̧jinö edo̧ma lekwe ba̧nö weakwo̧.