Proverbios 20:22 - Dios Iwene

²² Ja̧danö, ju'wibi yötawa: Balekwa mikwa ja̧awama mikwawokobe. Jo̧kwaobetjö̧ yöka̧loko, Ötjönö sulabenö ja̧binanöma balekwa mikwa sulabenö ja̧tocha, jö̧ba̧lö. Jobekwö kwomukwatoko, Isabenö Jo̧nö kwo̧'wo̧ wa̧na̧lö kwite'ada̧lo, jo̧bada ökwönö pjaatobö.

Proverbios 20:22 Referans Kwoze

1 Tesalonicenses 5:15

Ja̧danö, ökwödönö sulabe baibenama, kwite'ada̧laduwo, ökwödötjö bakwo̧bi balekwa mikwa sulabenö ja̧apji jö̧ba̧lö. Kabatökönö otiwanö ja̧bö kwö̧jaduwobö kwisakwaduwo, kwömöledöduwi Jesúsnö ösödadönöbi, ju'wedö jojodönöbi.

Proverbios 24:29

Isabenö yötawa: Kwömöledöso̧nö, ökwönö sulabenö ja̧inajayonö kwomukwatoko, ötjönö sulabenö ja̧inadanö ja̧tocha jo̧banöma, jö̧ba̧lö. Chitji̧ jobekwö kwomukwatoko, ötjönö sulabenö ja̧ina balekwa mikwa ja̧tocha, jö̧ba̧lö.

Proverbios 17:13

Ja̧danö, ju'wibi yötawa: Bakwo̧ma, jelo̧nö otiwanö pjaatobe. Jobekwö pjaatijayonö pjaatökwema sulabenö ja̧obe jo̧banö pjabato̧nöma. Ja̧danö, sulabenö ja̧obetjö̧ ba̧kwȩlö̧jatebö suli̧ jawa baledakobe sulabenö ja̧bo̧nöbi, ömöledönöbi.

1 Pedro 3:9

Ju'wedö ökwödönö sulabenö ja̧tjenama, balekwa mikwa sulabenöma ja̧köbaduwoko, ja̧danö ökwödönö sulabenö yötja̧lenama, balekwa mikwa jobadönö sulabenöma kwatadaduwoko. Jau chömöledö, jobadönö balekwa mikwa sulabenöma ja̧bökönö, Diosnö akebaduwo, jobadönö pjaatobö. Jau chömöledö, Diosma ökwödönö jwöinobe, okwödönö dösölö̧jinö pjaatobö, ja̧danö Dios ökwödönö jejenö pjaatobetjö̧, ja̧ omukwatö ju'wedönö pjabatö Diosnö akebaduwobö jo̧be.

Deuteronomio 32:35

Isabenö ötjödasa sulabenö ja̧tji̧ balekwa mikwa lȩbebo̧ma, ja̧danö lȩtebobö badekwachenama, lȩtebocha. Baikwö wanedö yötawa: Ja'yubenö lekwajabetjö dusachibö metja̧kwedö, ja̧danö wene tjöbaledakwa̧ma juluwanö badekwachakobe, ja̧danö juluwanö jobadönö söbebö lotakobe, –jö̧ba̧lö yöawobe Diosma.

1 Pedro 2:23

Jo̧banö sulabenö yötja̧lenama, balekwa mikwa sulabenöma atadinokobe, ja̧danö usula emawenama, usula emawinö ja̧badönö yebeabinöma yöa̧linokobe. Jau chömöledö, Cristoma jwaikwöda Diosnö, inesö jojodö ja̧tji̧ otiwojobö sulojobö jö̧ba̧lö yöbawo̧nö o̧'wo̧ wana̧lö ite'ada̧linobe, jo̧bada bajaliyanö yöawakwo̧ jö̧ba̧lö. Ökwödöbi jo̧ba omukwatinadanö kwomukwataduwo chömöledö, ja̧danö usula kwemawaduwenabi jwaikwöda otiwanö ja̧bö kwöbaledaduwo, Cristo ökwödönö i̧sebinadanö.

Mateo 5:39

Jo̧kwaijayonö, wainö wetaduwakwö chömöledö baikwö: Sulabenö ja̧badönö kwölabikwawaduwoko jö̧ba̧lö. Jelo̧ kwibekasa'wonö 'bȩitjö̧ma, jalachibi bakwachobesa'wobi 'bȩobö, balekwa mikwama jo̧banö 'bȩköboko.

1 Pedro 4:19

Jo̧kwajabetjö̧ chömöledö, Dios ökwödö usula kwemawaduwobö ösöditjö̧ma, Diosnö kwo̧'wo̧ wana̧lö usula emawö jwaikwöda otiwanö ja̧bö kwö̧jaduwo chömöledö, ökwödönö otidinama, jö̧a̧linadanö do̧'wo̧ luwo̧nö ite'ada̧lakwo̧ jö̧ba̧lö.

2 Samuel 16:12

Ja̧danö ju'wibi yöta̧laduwakwö, Bite ötjönö sulabenö ja̧i̧ edö, Isabenö Jo̧ma edö, lȩlöinö edö pjaatena ötjönö. Simi usula chemawinö sulabenö yöa̧liökwe, Isabenö Jo̧ma lȩlöinö edö otiwanö pjaatena, —jö̧ba̧lö yöa̧linobe Davidma.

Isaías 40:31

Jo̧kwaijayonö Isabenö Jo̧nö tjo̧'wo wana̧ladöma, Dios pjaatawö̧ yemidanö tjujuluwachibakwedö. Wanedö yötawa, wiyuli möakwö kabekwö köi̧danö, tjujuluwachibanö katjekakwedö, ja̧danö ödö ö'ötjakwawijayonö, tji̧me'dawachibökakwedö, ja̧danö ödö kwetjachijayonö, 'dö̧tjachibökakwedö.

Proverbios 20:21

Ja̧danö, ju'wibi yötawa: Bakwo̧ iteda abe'do debö i̧'yaja̧ okobema abe'do iteatjö, abe'do ajayinö emobö yöbawö ujuninama, emobö jo̧be. Jobekwö ji̧jayonö abe'do ina 'yaa̧layi emoböma jwiyobe, Diosma öpöjödapji jö̧ba̧lö, bitema pjatatökakwo̧ jö̧ba̧lö. Isabenö, Diosma pjaatokobe abe'do iteatjö abönö emo̧nöma.

1 Samuel 25:13

Yötja̧lökwe, ödameakwinobe Davidma, ja̧danö okobe deinö ömöayedönö weinobe, —Okobe deinö kwitea kwölöte'oduwima koleasö̧jenö nönaduwi, jo̧ba Nabalnö kwabö lodajo, —jö̧ba̧lö. Ja̧danö Davidbi iteda itea kwölöte'o koleasö̧jenö önawinobe. Ikenama, ömadö doscientobedö okobe tjitea teada̧lö tjö̧jibonö, ju'wedö cuatrocientobedö jenanö Davidkwö tji̧'yinobe Nabal ö̧jobekwö.

Proverbios 19:11

Ja̧danö, ju'wibi yötawa: Bakwo̧ ö'wiyakwawönö omukwatobetjö̧ juluwanö ödameakwokobe. Jo̧banö sulabenö yöba̧la̧dönöbi labinö atadö̧kö̧. Isabenö, jojodöma jo̧banö otiwanö tjedobe, otiwanö omukwato̧ jö̧ba̧lö, sulabenö yöba̧ladönö labinö atadokobetjö̧.