Ja̧danö, ju'wibi yötawa: Otiwanö omukwatö ju̧kwadöma jweinöda yöba̧lö ju̧kwadö. Jobekwö tjö̧ji̧ma jobadönö öibi̧danö öibobe jwaikwöda tji̧'yobö. Jobekwö tjö̧jokobe ju'wedönö sulabenö omukwatadöma. Jobadöma omöna yöba̧ladö jojodönö jelobekwö öbibö. Ja̧danö, jobekwö sulabenö omukwatö tjö̧jobetjö̧ idödada wene jwötjekwakwedö.
Proverbios 19:3 - Dios Iwene3 Ja̧danö, ju'wibi yötawa: Isabenö, bakwo̧ jweinö omukwatökönö ö̧jobetjö̧ itedada wene jwöbekwo̧. Jobekwö jo̧banö wene nöinö baledena iteda jawaijayonö Isabenö Jo̧nöda o'wo̧ sulinö edö labinö jwöbeba̧lo̧, ökwöda jawa, jö̧ba̧lö. Gade chapit la |
Proverbios 19:3
21 Referans Kwoze
Ja̧danö, jobekwö ina yö̧a̧lonö, la'aka luwo̧ weajökwe ichibinobe, ja̧danö ichibajo̧ yöawinobe, —La'aka luwo̧ma yöa̧lobe, –Tajawedö Isabenö Jo̧ Dios pjaatakwa̧ chiteada̧lobö? Babe wene döbaledi̧ma, Isabenö Jo̧ Diostjöda ichi̧, jo̧kwajabetjö̧, Dios pjaatakwo̧ jö̧ba̧lö chiteada̧loböma mikwawokobe, —jö̧ba̧lö la'aka luwo̧ yöa̧li̧ yöawinobe.
Jau Saul, Dios edemi Dios wei̧ öpöjödakwawama, mea boawadanö bakwaiobe, ja̧danö Dios edemi, Dios wei̧ a̧ja̧kwökönö ja̧awama, sulabenö o̧'wo jawa ösödakwawadanö bakwaiobe. Jo̧kwajabetjö̧ baikwö yötawakwö Saul, Isabenö Jo̧ wei̧ kwa̧ja̧kwobö kwöpöjödiökwe, israel jojodö la'aka tjuluwo̧ kwö̧joböbi öpöjödachibajabe Isabenö Jo̧ma, —jö̧ba̧lö yöawinobe Samuelma Saulnö.
Jejenö atadökwe, Samuelma yöawinobe, —Isabenö omukwatö̧kö̧ omukwati̧danö sulabenö ja̧köbajabe Saul, Kwuluwo̧ Isabenö Jo̧ Dios weöködanö, a̧ja̧kwökönö sulabenö ja̧köbajabe. Ökwönö jweinö wei̧jayonö, a̧ja̧kwökönö ja̧köbajabe. Isabenö yötawakwö, isabenö jo̧ba wei̧ kwa̧ja̧kwatjö̧ma, ökwöda kwitji̧mu tupadanö jojodöma ba̧kwelöjatebö israel jojodö tjuluwedö tjö̧jobö weo jö̧a̧linobe Isabenö Jo̧ma.
Isabenö wajwibö, jweinö omukwatöködönö otiwanö kwomukwataduwobö jwiobe chömöledö, jobadöjayedöma sulabenö yötja̧lobetjö̧, jadanö sulabenö jatjobö omukwatö isakwadö. Jobadöma Dios öpöjödi̧ jawa sulabenö jabadö, ja̧danö Isabenö Jo̧nö yötja̧lenama, jweinö yöba̧lökönö ö'öbönö sulabenö yöba̧ladö Isabenö Jo̧nö. Ja̧danö ju'wibi a̧wi̧chi̧ tjöbadönöma, kwakwawa iyöködö tjukwobö, ja̧danö o̧ti̧tjö tjöbadönö ojwiyo iyökönö, sulabenö a̧'dȩladö.
Piblisite