Proverbios 18:9 - Dios Iwene

⁹ Ja̧danö, ju'wibi yötawa, du̧ju̧tajanö wanedö, bakwainö sulabenö omukwatadönö. Bakwo̧ iteda otidawa otidökönö 'du̧wekwo̧ma. Jelo̧, okobe jwiinö söbebö lobo̧. Isabenö yötawa: 'du̧weko̧bi, söbebö lobo̧bi ba̧kwainö sulabenö omukwatadö.

Proverbios 18:9 Referans Kwoze

Proverbios 10:4

Ja̧danö, ju'wibi yötawa: 'Du̧wekwadöma jwibadöda tjö̧jakwedö. Jo̧bekwö tjö̧jökakwedö ba̧kwȩlö̧jatebö dösökwadöma. Ba̧kwȩlö̧jatebö dösökwadöma dösölö̧jinö tjotidobetjö̧ juna̧la̧dö tjö̧jakwedö.

Hebreos 6:12

Chömöledö, jejenö jwaikwöda kwi̧'yaduwobö chösöda, kwu'du̧wekwachibaduwapji jö̧ba̧lö, da̧peachökönö kwo̧'wo̧ luwo̧duwi̧nö. Ja̧danö, da'dödöminetjö ju'wedöma Diosnö tjo̧'wo̧ wana̧lö tjö̧jinobe. Jobadöma Diosnö tjo̧'wo̧ wana̧lö tjite'ada̧linobe jo̧ba iyakwa̧, Chiyakwo̧sa, jö̧ba̧lö, yöbawö ujunina iyakwa̧ma. Te'ada̧lö tjö̧jinobe, Isabenö Dios yöbawö ujuninadanö iyakobe, jö̧ba̧lö. Chömöledö ökwödö jejenö kwö̧jaduwobö chösöda, Diosnö kwo̧'wo̧duwi wana̧lö, jo̧ba yöbawö ujunina badekwachakwa̧ te'ada̧lö.

Romanos 12:11

Kwotidaduwi̧ma otiwanö kwotidaduwo, nuwelö̧jachibökönö, ja̧danö jwaikwöda Duluwo̧ Dios wei̧ ja̧bö kwö̧jaduwo, kwomajadeduwinö Diosnö ösödö.

Mateo 25:26

Jö̧a̧lökwe, uluwo̧ atadinobe: Chömöayo̧ sulabo̧, ja̧danö 'dö̧wekwo̧ja. Ötjöma batjo chotidököyutjö wa̧ji̧ emo̧sa jö̧ba̧lö kwöwaisinatjö̧ma, ja̧danö trigosade chikwököyutjö wa̧ji̧ emo̧sa jö̧ba̧lö kwöwaisinatjö̧ma,

Proverbios 28:24

Ja̧danö, ju'wibi yötawa: Bakwo̧ itji̧ma iteda abe'do ojo'do tjitea önaukwaja̧ ikena omukwatena ¿dakwö sulobö? Sulökö, jö̧ba̧lö. Isabenö, jobekwö omukwato̧ma sulabenö omukwato̧. Jo̧bama okobe deinö naukwabidödanö sulabenö naukwabo̧.

Diosnö ösödo̧ Job mikwo̧ usula emawina jawa 30:29

Jau, tebo awi̧li̧dö tjubudekwi̧danö, ja̧danö tumulu'udö tjubudekwi̧danö budekwo̧ batibajabe, jo̧dawa'ye ja̧nö jwiinö usula chemawobetjö̧.

Proverbios 18:8

Ja̧danö, ju'wibi yötawa: Jojodöma, tja̧ja̧kwokonö sewoba̧lö sulabenö yötja̧li̧ a̧ja̧kwö jwiinö ösödadö, a̧ja̧kwaduwi jö̧ba̧lö. Isabenö, söi̧ kwakwawa tjukwi̧danö ösödadö. Jao, söi̧ kwakwawa tjö̧kati̧danö tjö̧katobe tja̧ja̧kwokonö sewoba̧lö sulabenö yötja̧li̧ma.

Proverbios 19:15

Ja̧danö, ju'wibi yötawa: 'Du̧wekwo̧ma otidökönö, aba̧löda aba̧lo̧ bötisinö. Isabenö a̧wi̧chinö ö̧jakwo̧ 'du̧wekwo̧ma otidokobetjö̧.