Proverbios 17:28 - Dios Iwene

²⁸ Ja̧danö, jelo̧nöbi yötawa, sulabenö omukwatö jo̧nö: Sulabenö omukwatö jo̧ma yöa̧lökötjö̧ma jojodöma tjo̧mukwatena, jweinö omukwato̧, jö̧ba̧lö. Jao, ja'yubebi yöa̧lökötjöma tjo̧mukwatena, jwiinö waiso̧, jö̧ba̧lö, jo̧ba sulabenö omukwati̧ma waapji i̧sekwokobetjö̧.

Proverbios 17:28 Referans Kwoze

Diosnö ösödo̧ Job mikwo̧ usula emawina jawa 13:5

Isabenö 'wi̧inö kwöbaduwitjö̧ma, otiwo jö̧a̧lena chömöledö, 'wi̧inö yö̧ba̧lökönö kwö̧jaduwitjö̧ma, waisanö omukwatadödanö kwichejekwaduwena.

Proverbios 15:2

Ja̧danö, ju'wibi yötawa: Jweinö omukwato̧ yöawi̧ma isabenö mikwawobe. Jo̧bama yöawena, yöawi̧ a̧ja̧kwo̧ma jwiinö ösödobe, jweinö yöbawo̧, yöawi̧tjö chöwaisachibobö jo̧be, jö̧ba̧lö. Jobekwö mikwawokobe jweinö omukwatö̧kö̧ yöawi̧ma. Jweinö omukwatö̧kö̧ yöawi̧tjö tjöwaisachiboböma jwiobe, mikwawökö ji̧ jawada yöawobetjö̧.

Proverbios 18:1

Salomón ju'wi jwebebö yöawakwawa jawanö wanekwachi̧ jawa baikwö laebobe: Isabenö yötawa: Bakwo̧ma, jojodötjö 'da̧bachibö, jo̧dawa'ye ö̧jobö ösödo̧ma otiwanö omukwatökönö jo̧. Jobekwö omukwatö jo̧ma iteda ösödi̧ omukwatö jo̧. Ju'wedö, jweinö omukwatadö jo̧banö jwebebö yötjawena jwiinö öpöjödö, ölakwabikwawöda ö̧jobe.

Diosnö ösödo̧ Job mikwo̧ usula emawina jawa 32:16

Ja̧danö, ajayinö jobadö yötja̧lonö, ötjöma chiteada̧latö, jokwaijayonö babema, jobadö yötja̧lokobetjö̧, sule 'wii̧nö ja̧nö tjatadokobetjö̧,