Proverbios 15:7 - Dios Iwene

⁷ Ja̧danö, ju'wibi yötawa: Jweinö omukwatö yöbawadöma jojodönö pjabatö yöbawadö, ju'wi jawabi ju'wi jawa tjöwaisobö. Jobekwö pjabatö yötjawokobe jweinö omukwatöködöma. Jweinö omukwatöködöma ¿dakwö pjabatö yötjawoböda? Jwibadö. Jojodönö pjabatö yötjawoböma jwiyobe jweinö tjo̧mukwatokobetjö̧.

Proverbios 15:7 Referans Kwoze

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

Santiago 3:6

Chö̧ja̧wo̧dö, jejenö ökwödö dinenenö yöda̧li̧ma. Ja'yubetjö nötekwajö ubö okobe jwiinö ubi̧danö dinenema ja'yuwijayonö jwiinö sulabenö baibobe. Yelösöda daatjö laebi̧, dinenenö yöda̧li̧ma juluwobe okobe jwiinö dö̧ji̧ma sulabenö baibanö dö̧jobö. Chö̧ja̧wo̧dö, do̧'wo̧ luwo̧nö sulabenö edö dinenenö yöda̧li̧ma Awetja ökwöla juwawa önötekwaji̧danö, okobe jwiinö ubö loobema, okobe jwiinö dö̧ji̧ma sulabenöda baibanö.

Efesios 4:29

Ja̧danö, sulabema yöka̧laduwa chömöledö. Pjabatö yöa̧lakwawada yöka̧laduwo, bakwo̧ o̧'wo̧ tjo̧bekwö jo̧nö pjabatö. Jejenö yöka̧laduwi̧ a̧ja̧kwadönö pjakataduwakobe, tjo̧'wo̧ luwo̧ ösöwachibawö̧ jö̧tja̧lobö, Bidöma otiwanö pjabatö yöba̧ladö, jö̧ba̧lö.

Marcos 16:15

Ikenama Jesúsma jö̧ba̧lijetö jobadönö: —Wetaduwakwö. Böjȩ okobe jwiinö 'ya̧duwi Dios otiwa jawa wene okobe deinö Dios otidinawö̧nö yökawaduwo.

Mateo 10:27

Jau chömöledö, babema yȩa'wo okwatjö ökwödönö yötawi̧ma, möle dewena yökawaduwo, ja̧danö babe ökwödönö tjo̧'omanö yötawi̧ma, mötjö labinö jwöbö yökawaduwo.

2 Timoteo 2:2

Ja̧danö, kwujuluwachibanö ja̧nö, ötjö chöba̧ja̧dina jawama ökwöbi kwöba̧ja̧do, Dios wei̧ otiwanö ja̧bö ju̧kwadönö. Jobadönö kwöba̧ja̧do Timoteo, jobadönö kwöba̧ja̧di̧danö jobadöbi yadakwö ju'wedönö otiwanö tjöba̧ja̧dakobetjö̧. Jau Timoteo, belö ba̧jekwadö tja̧ja̧kwonö chöba̧ja̧dijatö, ja̧danö ja̧ chöba̧ja̧dina jawa kwöwaisachijatö, ¿jö̧tö? Ja̧ jawa ökwöbi kwujuluwachibanö ja̧nö kwöba̧ja̧do, ökwönö chöba̧ja̧dinadanö.

Proverbios 15:2

Ja̧danö, ju'wibi yötawa: Jweinö omukwato̧ yöawi̧ma isabenö mikwawobe. Jo̧bama yöawena, yöawi̧ a̧ja̧kwo̧ma jwiinö ösödobe, jweinö yöbawo̧, yöawi̧tjö chöwaisachibobö jo̧be, jö̧ba̧lö. Jobekwö mikwawokobe jweinö omukwatö̧kö̧ yöawi̧ma. Jweinö omukwatö̧kö̧ yöawi̧tjö tjöwaisachiboböma jwiobe, mikwawökö ji̧ jawada yöawobetjö̧.

Proverbios 15:6

Ja̧danö, ju'wibi yötawa: Dios wei̧ a̧ja̧kwö ju̧kwadöma tjeju okwa nöinö mikwawi̧ jawa juna̧la̧dö. Ja̧danö, sulabenö omukwatadöbi juna̧ladö, sulabenö ja̧tjinatjö̧ tjȩmina jawa. Jobekwö sulabenö ja̧tjinatjö̧ nöinö tju̧juna̧lobetjö̧ wene nöinö tju̧juna̧lakwedö.

Proverbios 15:8

Ja̧danö, ju'wibi yötawa: Isabenö Jo̧ma jwiinö öpöjödo̧ sulabenö omukwatadö tjö̧ji̧ma. Jobadö jo̧banö kwabö juwö tjiyi̧bi edö jwiinö öpöjödo̧ Isabenö Jo̧ma, sulabenöda omukwatö tjö̧jobetjö̧. Jobekwö öpöjödokobe Isabenö Jo̧ma, Dios wei̧ a̧ja̧kwö ju̧kwadönöma. Isabenö Jo̧ma Dios wei̧ a̧ja̧kwö ju̧kwadönö jwiinö ösödo̧. Jobadö Diosnö atjebi̧ma a̧ja̧kwö jwiinö ösödo̧. Jobadöma ba̧kwȩlö̧jatebö Dios wei̧ a̧ja̧kwö tjö̧jobö isakwadötjobetjö̧ Isabenö Jo̧ma jwiinö ösödobe jobadönöma.

Proverbios 5:2

Jobekwö ötjö yötawi̧ a̧ja̧kwö kwö̧jobetjö̧ ajayinö kwo̧'wo̧ junö kwomukwatinama badekwachinö kwö̧jakwo̧ja. Ja̧danö, jweinö yöka̧lakwo̧ja chitji̧ ötjö yötawi̧ a̧ja̧kwö kwö̧jobetjö̧.

Proverbios 16:23

Ja̧danö, ju'wibi yötawa: Jweinö omukwatö jo̧ma yöa̧lakwa̧ abönö o̧'wo̧nö omukwatö juno̧. Jobekwö omukwatö yöawobetjö̧ jo̧ba yöawi̧ a̧ja̧kwö tjösödobe jojodöma, jweinö yöbawo̧, da̧ja̧kwobö jo̧be, jö̧ba̧lö.