Proverbios 15:24 - Dios Iwene

²⁴ Ja̧danö, ju'wibi yötawa: Ö'wiyawakwawönö omukwatö jo̧ma lekwe ja̧kwawa mananö 'yo̧, jwaikwöda. Jo̧ba, ö'wiyawakwawönö omukwatö jo̧ma jelema, woawa mananö 'yö̧kö̧, wobinadö tjuju̧kwobekwö 'ya̧kwawamanö.

Proverbios 15:24 Referans Kwoze

Filipenses 3:20

Jo̧kwaijayonö böjȩ jojodöböködösa ökwödöma, böjȩ jawada domukwato jö̧ba̧lö. Ökwödöma mölejȩ jojodösa chömöledö, ja̧danö dö̧jibinö pjabato̧ Duluwo̧ Jesucristo mölejȩbetjö ichakwa̧ te'ada̧lö dö̧jobe ökwödöma chömöledö.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Mateo 7:14

Jau chömöledö, ja̧kwawa jawasade apjudema, ja'yuwade, ja̧danö ja̧kwawa manama, wayama, ja̧danö ja'yubeda jojodö jade apjude badekwajadö. Jade ja'yuwadenöda tekachaduwo chömöledö— jö̧ba̧lö wanedö yöawinobe Jesúsma.

Proverbios 23:14

Isabenö, jobekwö jwebebö kwabö yökawaduwitjö̧ma tjöwaisachibakwedö. Ja̧danö, jwebebö kwabö yökawaduwitjö̧ma kwi̧tji̧mu̧duwi tjö̧jibanö pjakataduwakwedöja, ju'winö ö'wö batjibokobö.

Proverbios 7:27

Chitji̧, jobuju jejube 'ya̧kwawama wobalenöda badekwachobe. Jobujukwö kwi̧'yoko chitji̧.

Proverbios 6:23

Ja̧danö, ju'wibi yötawakwö chitji̧, wanedö: Ökwödö jwebebö yödawi̧ jawama dejuwa'yu dewinö dejati̧danö dejati̧ jweinö kwi̧’yobö. Ja̧danö, ökwödö jwebebö yödawi̧ jawama dewa’wo dejati̧danö dejati̧, dewa’wonö dejati̧danö kwö̧jobö. Ja̧danö chitji̧, ötjö kwabe'dobi, kwojo’dobi ökwönö jwebebö yödawi̧ma öwönö jweinö omukwatö kwö̧jobö yödawobe.

Proverbios 5:5

Chitji̧, jobujuma ökwönö öbibö 'yuju, wobale ichikwa mananö.

Proverbios 2:18

Chitji̧ ¡jobujukwöma kwi̧’yoko! Jobuju jejube kwi̧'yakwa̧ma debö kwi̧'yobedanö ji̧. Chitji̧, jobuju jejube ‘ya̧kwawama wobalenöda badekwachobe.

Proverbios 9:8

Jo̧kwaobetjö̧, jwebebö yötawaduwakwö: Jelo̧nö edö obo̧nöma jwebebö yökawaduwoko, o̧'wo̧ sulinö edöda ökwödönö jwiinö öpöjödakwo̧. Jo̧banö jwebebö yökawaduwoböma jwiyobe. Jobekwö omukwatokobe jweinö omukwato̧ma. Jweinö omukwato̧nö jwebebö yökawaduwitjö̧ma ökwödönöma otiwanö edö ösödakwo̧, otiwanö pjakataduwobe, jö̧ba̧lö.

Deuteronomio 32:22

Ökwöla labinö ubi̧danö chödameakwakwo̧sa israel jojodönö, wanedö yötawa, chödameakwi̧ ökwölama okobe jwiinö juwö loola, bö̧je okwa ö'wö babibinadö tju̧ju̧kwemibi, okobe jwiinö bö̧jebi, bö̧jenö pokwi̧bi, mösa'iju la'akabi juwö loola ökwöladanö chödameakwakwo̧sa israel jojodönö.

Proverbios 4:18

Jobekwömaökö Dios wei̧ a̧ja̧kwadö tjö̧ji̧ma. Dios wei̧ a̧ja̧kwadöma sulabenö omukwatadö tjö̧ji̧danö jö̧kö̧dö. Wanedö yötawakwö chitji̧: Dewachenama, i̧ya̧nö deapjo dewachobe tjo̧'o̧manö, ja̧wo̧ laebaja̧ tupakwö jwiinö dewobe jweinö öjenanö. Jobekwö Dios wei̧ a̧ja̧kwadö kwetjachamanö dewinö dejatobe, ajayinö dejatemitjö̧ tupakwö jwiinö dewinö dejatobe, otiwanö edö, salöamanöda tji̧'yobö.