Proverbios 14:32 - Dios Iwene

³² Ja̧danö, ju'wibi yötawa: Dios wei̧ a̧ja̧kwö jo̧ma, otiwanö ja̧bö ö̧ji̧ma jo̧banö ite'ada̧li̧danö te'ada̧lobe labi̧ jawatjö ö̧jibinö. Jobekwö baledokobe sulabenö omukwato̧nöma. Sulabenö omukwato̧ ö̧ji̧ma itenöda nöinö wene jwöebakwa̧, wene ujuna̧li̧tjö̧ ö̧jibökönö.

Proverbios 14:32 Referans Kwoze

2 Timoteo 4:18

Jau Timoteo, ja̧tjö chö̧jibanö pjaatinobe Duluwo̧ma, ja̧danö ju'wibi okobe jwiinö ötjönö sulabenö ja̧tji̧tjö chö̧jibanö pjaatakobe, ja̧danö iteda yöbawö weena mölejȩbe wene jwiinö chichibobö i̧'yejebakobe. Ba̧kwȩlö̧jatebö kabatökönö jo̧banö dösödobö jo̧be, otiwo̧ja, juluwo̧ja jö̧ba̧lö, jejenö otiwa.

2 Corintios 5:8

Ja̧danö, jejenö döwaisobetjö̧, do̧'wo̧ tjo̧ekwokobe, do̧'wo̧ ösöwanö dö̧jobe, isabenö Duluwo̧kwö dö̧jakwedösa jö̧ba̧lö. Jau chömöledö, inesö dösödi̧ma biya̧: Bi'otjö 'da̧bachibö ja̧nö, isabenö ditebobe mölejȩbe Duluwo̧kwö dö̧jo jö̧ba̧lö.

Apocalipsis 14:13

Ikenama iwene cha̧ja̧kwijatö mölejȩbetjö, baikwö: —Juan, biya̧ yötawi̧ wȩyudi. Babe möle, inia tjötji̧ baledi̧ möletjö tupakwö, Jesúsnö dötewinö ju̧kwadöma tjo̧'wo̧ ösöwanö tjö̧jakwedö— jejenö chiwȩyudobö wei̧ cha̧ja̧kwijatö. Ikenama Dios O̧'wo̧ Luwo̧ma jö̧a̧lijatö: —Jau, jweinö yöawa. Jobadöma, Jesúsnö dötewinö ju̧kwadöma tjo̧'wo̧ ösöwanö tjö̧jakwedö. Yelösöda, tjime'dawachibanö otidinadöma bajaliyanö tjö'wachibakwedö, otidökönö. Ja̧danö, jobadö mölejȩbenö ja̧nö böjȩnö otidiatjinama i̧sebakobe, Bidöma jweinö Jesúsnö o̧'wo̧ wa̧na̧lö 'yi̧nadö, jö̧ba̧lö— jö̧a̧lijatö Dios O̧'wo̧ Luwo̧ma.

Génesis 49:18

Dannö yöawaja̧ ikena Jacobma Isabenö Jo̧ Diosnö jwöbijetö: —Isabenö Jo̧ Dios, ökwönöda cho̧'wo wa̧na̧lö, chöpöjöjödötjö chö̧jibanö pjakatakwa̧ te'ada̧lo̧sa— jwöbijetö Isabenö Jo̧ Diosnö ösödö.

2 Corintios 1:9

Jau chömöledö, domukwatijatö, isabenö biya̧tjö wodakwedösa jö̧ba̧lö. Jo̧kwaijayonö, baikwö yötawaduwakwö chömöledö: Ja̧ usula demawinama, Diosda döbaledobö weinobe, ökwödö dujuluda do̧'wo̧ döwana̧lapji jö̧ba̧lö, Diosnöda do̧'wo̧ döwana̧lo jö̧ba̧lö. Jau chömöledö, ökwödöma usula emawö, biya̧tjö wodena jö̧ba̧lö domukwatijayonö, Dabe'do Diosma wobinadönö tjetjachajinö pjabato̧, chömöledö, jo̧kwajabetjö̧ isabenö jo̧banöda do̧'wo̧ döwana̧lobö jo̧be.

Proverbios 24:16

Ja̧danö chitji̧, yötawakwö: Ökwöma otiwanö omukwatadö tjö̧ji̧danö kwö̧jo. Wanedö yötawakwö: Otiwanö omukwatadöma yemidanö yemidanöbi, jelemutjö dötölatajanö metjijayonö ba̧kwȩlö̧jatebö tja̧laiba̧lakwedö. Ja̧ jö̧ba̧löma, labi jawa jobadönö baledijayonö katjatibökakobe, jwaikwöda tji̧'yakwedö, wanekwachobe. Jobekwö baledokobe sulabenö ja̧badö metjena. Sulabenö ja̧badöma metjena yemidanöma ala̧iböködö, tjujulu jwitjobetjö̧. Ja̧ jö̧ba̧löma, labi̧ jawa sulabenö ja̧badönö baledena juluwanö söbekwö lotjakwedö jö̧ba̧lö wanekwachobe.

Diosnö ösödo̧ Job mikwo̧ usula emawina jawa 13:15

Jau chömöledö, yöta̧li̧ öpöjödö kwabö loena Diosma, jo̧kwaijayonö yayonö jo̧banö ösödö, jweinö yöta̧locha. Jweinö döbabiyakwena jo̧banö yöba̧lö, chö̧ji̧ jawa labebö lobö yöta̧lobö chösöda, –Isabenö kwöpöjödi̧nö ja̧bö̧kö̧sa, –jö̧ba̧lö.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.

Filipenses 1:23

Dötölataja jawa chomukwatobetjö̧, chomukwati̧ biya̧ chömöledö, baikwö yötawa: Inesö chösödi̧ma ö'wö babibö, mölejȩbe Cristokwö chö̧jobö chömöledö, ja̧da inesö otiwi̧ma.

Romanos 9:22

Diosbi ja̧danö chömöledö, iteda omukwati̧danö ja̧bo̧. Jo̧bama iteda ujulu i̧sebobö jö̧a̧linobe, ja̧danö, Jojodö sulabenö ja̧tji̧ma öpöjödö lȩbebo̧sa, jö̧ba̧lö i̧sebobö jö̧a̧linobe. Jejenö i̧sebobö jö̧a̧lijayonö, lekwe o̧'wo̧ 'dibachibö ite'ada̧linobe, lȩbebökönö. Lekwe lȩebakwawö̧nö lȩbebökönö ite'ada̧linobe chömöledö. Ja̧danö, ju'wibi i̧sebobö jö̧a̧linobe chömöledö. Iteda dejatinö ujulu i̧sebobö jö̧a̧linobe, ökwödö lȩlö̧jinö edawö̧nö. Ja̧danö, ökwödönö 'da̧batö ujuninobe, Bidönö chujulu chiyocha, idöbi tjujuna̧lobö, jö̧ba̧lö.

Juan 8:24

Yötawatö, Kwusuladuwi̧ma söbebö lobawöködöda woköbaduwakwedöja, jö̧ba̧lö. Ja̧danö, ötjönö kwöpöjödaduwitjö̧ma, Bitema Dios weinökökwe, jö̧ba̧lö, kwusuladuwi̧ söbebö lobawöködöda ö'wö bakibaduwakobe— yöa̧liawö̧:

Juan 8:21

Ja̧danö, Jesúsma yemidanö yöawinobe: —Ötjöma betjöma chȩwa̧jakwo̧sa. Ötjönö kwisakwaduwijayonö kwichibaduwökakobe. Ja̧danö, ötjönö kwichibaduwokobetjö̧, kwusuladuwi̧ma söbebö lobawöködöda woköbaduwakwedöja. Ja̧danö, chȩwa̧jakwemima kwichibaduwökakwedöja— yöawinobe Jesúsma fariseo jojodönöma.

Lucas 2:29

Chuluwo̧ Dios, babema ötjö kwömöayo̧nö cho̧'wo̧ ösöwanö ö'wö batibobö kwiyajabe, ida̧ökö tjö̧jibinö pjaatakwo̧ weköbinökwenö chöbajalenö chedibajabetjö̧, ötjönö yöbawö kwujuninadanö. Tjö̧jibinö pjakatakwa̧ chedajabe,

Proverbios 6:15

Isabenö yötawa: Jo̧badanö omukwatadönöma söbebö lotjakwawö̧. Juluwanö, tjedökönö labi̧ jawa ichö söbebö lotjakwawö̧, tjö̧bibajö̧kakwedö.

Diosnö ösödo̧ Job mikwo̧ usula emawina jawa 18:18

Jo̧banö dewi̧ jȩmitjö a'dewö lotjakwo̧, inesö yȩa'wo jȩmi nijinöda ö̧jobö, bakobenö jojodö tjujukwemitjö a'dewö lotjakwo̧ jo̧banöma.

Proverbios 14:33

Ja̧danö, ju'wibi yötawa: Bakwo̧, di̧ya sulojobö jö̧ba̧lö, di̧ya otiwojobö jö̧ba̧lö omajadenö waiso̧ma jweinö omukwatö jo̧. Jobekwö ö̧jokobe jweinö omukwatö̧kö̧ma. Jweinö omukwatö̧kö̧ma ja'yubebi wajwibo̧ jweinö omukwatö ö̧joböma.

Proverbios 5:22

Ju'wibi yötawakwö chitji̧, wanedö: Bakwo̧ ö̧jobe ba̧kwȩlö̧jatebö sulabenö omukwatö ja̧baibo̧ma. Ja̧danö, jo̧ba sulabenö ja̧inama jo̧banö do̧tja̧li̧danö do̧a̧lobe jo̧banöma. Ja̧danö, a̧la̧chi'bonö tjunu'yajökwedanö bo̧, ejachibö dilachibökönö, sulabenö ja̧inobetjö̧.

Proverbios 11:5

Ja̧danö, ju'wibi yötawa: Otiwanö omukwatadöma Dios wei̧ a̧ja̧kwö tjö̧jobetjö̧ jweinöda 'ya̧jadö. Jo̧kwaijayonö sulabenö omukwatadöma sulabenöda omukwatö tjö̧jobetjö̧ jweinöma 'yö̧kö̧dö. Wanedö yötawa: Jobadö sulabenö omukwatö tjö̧ji̧ma jwiinö ömöki tje'ewi̧danö ji̧. Ja̧danö, jobadöma ömöki̧ e'ewö metji̧danö mebadö, jweinö 'yö̧kö̧dö.